पुणे : राज्यस्तरीय गुणिजन गौरव सन्मान सोहळा नुकताच पुणे शहरातील सांस्कृतिक सभागृहात संपन्न झाला. यावेळी विविध क्षेत्रात कार्यरत असणाऱ्या गुणवंताना राज्यस्तरीय गुणिजन गौरव पुरस्कार प्रदान करण्यात आले. महाराष्ट्र राज्यातील सर्व जिल्ह्यातील २५ क्षेत्रांतून पुरस्कारासाठी निवडलेल्या मानकऱ्यांना या सोहळ्यात मानाचा फेटा, मानकरी बॅच, महावस्त्र, गौरवपदक, सन्मानचिन्ह आणि मानपत्र या स्वरूपात राज्यस्तरीय पुरस्कार थाटात प्रदान करण्यात आले. राष्ट्रीय कीर्तनकार- कवी – विचारवंत – व्याख्याते ह. भ. प. श्री. श्यामसुंदर महाराज सोन्नर आळंदीकर आणि इंटरनॅशनल टॅलेंट आयकॉन डॉ. जे. सानिपीना राव यांच्या हस्ते डॉ. सोमनाथ गिते यांना राज्यस्तरीय आदर्श कार्यगौरव समाजरत्न पुरस्कार 2022 प्रदान करण्यात आला.

ह. भ. प. आळंदीकर महाराज यांनी केलेल्या बीजभाषणात त्यांनी पुरस्कार मानकरी गुणवंतांनी भारतीय संविधानाला अपेक्षित अशी स्वातंत्र्य, समता आणि बंधुता हि मूल्ये समाजात खोलवर रुजविण्यासाठी पथदर्शी प्रकल्प राबविण्याचे आवाहन केले. ऑगस्ट क्रांती दिनाचे औचित्य साधून हा समारंभ आयोजित करण्यात आला होता. डॉ. सानिपीना राव यांनी केलेल्या भाषणात गुणिजनांच्या कार्यकर्तृत्वाचा गौरवपूर्ण उल्लेख करून याच प्रेरणेतून आणखी मोठे कार्य उभे राहील, असा आशावाद व्यक्त केला. समारंभाचे व्यवस्थापन सुप्रसिद्ध प्रेरक वक्त्या शिक्षणतज्ज्ञ सौ. मनिषा कदम यांनी केले. गुणिजन परिवाराचे पदाधिकारी प्रकाश सावंत, लक्ष्मणराव दाते, अमोलराव सुपेकर यावेळी उपस्थित होते. यावेळी झालेल्या विविध गीतांच्या सादरीकरणात मानकऱ्यांनी मोठ्या उत्साहाने सहभाग घेतला. विविध क्षेत्रात उत्कृष्ट कामगिरी करून पुरस्कारास पात्र ठरलेल्या मानकरी गुणिजनांचे उपस्थित पाहुण्यांनी आपल्या भाषणात कौतुक केले. सोहळ्याच्या समारोपात तमाम महिला वर्गाने राष्ट्रवंदना सादर करून समारंभाची सांगता केली.

यावेळी सोमनाथ गिते यांनी मनोगत व्यक्त करताना म्हटले कि, मी गेल्या अनेक वर्षांपासून व्यसनमुक्तीवर काम करत आहे. या कामाची दखल घेत मला राज्यस्तरीय आदर्श कार्यगौरव समाजरत्न पुरस्कार 2022 प्रदान करण्यात आला. त्याबद्दल मी मनुष्यबळ विकास लोकसेवा अकादमीचा विशेष आभारी आहे. या पुरस्कारामुळे जोमाने काम करण्याची प्रेरणा मिळेल. तरुण पिढी मोठ्या प्रमाणात व्यसनाकडे वळत आहे. त्यांना व्यसनपासून रोखणे हे पुढील काळात सर्वात मोठे आव्हान असणार आहे. यावरती सरकारने ठोस उपाययोजना करणे आवश्यक आहे. अनेक राज्यांनी दारूबंदी केली आहे, त्या राज्यांमध्ये तरुणांमध्ये व्यसनाचे प्रमाण कमी आहे.

The post डॉ. सोमनाथ गिते यांना राज्यस्तरीय आदर्श कार्यगौरव समाजरत्न पुरस्कार प्रदान appeared first on थोडक्यात घडामोडी.

पुणे, ता.२३ : मागील काही वर्षांपासून व्यसनमुक्ती विषयावर लेखन करणाऱ्या सोमनाथ गिते यांना २०२२ चा व्यसनमुक्ती गौरव पुरस्कार प्रदान करण्यात आला आहे. समुपदेशन, वर्तमानपत्रं, मासिकं, सोशल मीडिया आदी माध्यमांतून जनजागृती करत समाजात व्यसनमुक्ती चळवळीचे कार्य करण्याचे काम गिते यांनी केले आहे. या कार्याची दखल घेत सामाजिक न्याय व विशेष सहाय्य विभाग व यश मेडिकल फाऊंडेशनच्या संयुक्त विद्यमाने देण्यात येणारा ‘व्यसनमुक्ती गौरव पुरस्कार २०२२’ त्यांना देण्यात आला.

बार्शी तालुक्यातील जामगाव येथे झालेल्या व्यसनमुक्ती संमेलनात बार्शी विधानसभा मतदारसंघाचे आमदार राजेंद्र राऊत यांच्या हस्ते हा पुरस्कार प्रदान करण्यात आला. या कार्यक्रमाचे अध्यक्ष शशिकांत भदाने, तर उद्घाटक माजी मंत्री दिलीपराव सोपल हे होते. स्वागतध्यक्ष सुरेश लोमटे, यश मेडिकल फाऊंडेशनचे अध्यक्ष डॉ. संदीप तांबारे तसेच डॉ. बी. वाय. यादव, डॉ. पल्लवी तांबारे, डॉ. रामचंद्र जगताप आदी उपस्थित होते.

The post सोमनाथ गिते यांना २०२२ व्यसनमुक्ती गौरव पुरस्कार प्रदान appeared first on थोडक्यात घडामोडी.