अभिनेत्री आर्या बॅनर्जी हिच्या निधनानंतर कलाविश्वात एकच खळबळ उडाली होती. तिच्या मृतदेहाजवळ मोठ्या प्रमाणात रक्त असल्यामुळे आर्याचा मृत्यू संशयास्पदरित्या झाल्याचं म्हटलं जात होतं. मात्र, तिच्या शवविच्छेदनाचा अहवाल समोर आला असून त्यात तिचा मृत्यू हृदयविकाराच्या झटक्याने झाल्याचं सांगण्यात येत आहे.

शुक्रवारी आर्याचा मृतदेह संशयास्पदरित्या घरात आढळून आला होता. त्यानंतर तिच्या शवविच्छेदन अहवालात आर्याने मोठ्या प्रमाणावर मद्यप्राशन केलं असल्याचं स्पष्ट झालं. त्यानंतर तिला हृदयविकाराचा झटका आला होता. आर्याच्या मृतदेहाजवळ आढळून आलेलं रक्तदेखील तिचंच असून जमिनीवर पडल्यामुळे ती रक्तबंबाळ झाली होती. दरम्यान, आर्या गेल्या काही दिवसांपासून आजारी होती. तिला हृदयाशीनिगडीत काही समस्या आणि अन्य आजार होते, असंही या अहवालात नमूद करण्यात आलं आहे. तिची हत्या झालेली नाही असंही डॉक्टरांनी स्पष्ट केलं आहे.

The post अभिनेत्री आर्या बॅनर्जीच्या मृत्यूचं रहस्य उलगडलं, रिपोर्टमध्ये समोर आलं मृत्यूचं कारण appeared first on थोडक्यात घडामोडी.

मुंबई : द डर्टी पिक्चर या चित्रपटातली अभिनेत्री आर्या बॅनर्जी हिचा मृत्यू झाला असून तिचा मृतदेह तिच्याच अपार्टमेंटमध्ये संशयास्पद परिस्थितीत आढळून आला आहे. आर्याचा मृतदेह तिच्या दक्षिण कोलकाताच्या जोधपूर पार्कमधील फ्लॅटमध्ये रक्ताच्या थारोळ्यात पडलेला आढळला. आर्याच्या मृत्यूच्या कर्णाचा शोध घेण्यासाठी पोलिसांनी चौकशी चालू केली आहे.

मिळालेल्या माहितीनुसार तिच्या मोलकरणीने तिला फोन केला होता. परंतु आर्याने फोन न उचलल्याने तिला संशय आला आणि तिने पोलिसांना याबाबतची सूचना दिली. पोलीस घटनास्थळी पोहोचले आणि दरवाजा तोडून फ्लॅटमध्ये दाखल झाले. रिपोर्ट्सनुसार आर्याच्या नाकातून रक्त आले होते आणि तिने उलटीही केली होती. पोलिसांनी आर्याचे शव शवविच्छेदनासाठी पाठवले आहे. आर्या बॅनर्जीचे खरे नाव देवदत्ता बॅनर्जी आहे.

The post अभिनेत्री आर्या बॅनर्जी हिचा संशयास्पद परिस्थितीत मृत्यू appeared first on थोडक्यात घडामोडी.