दक्षिण आफ्रिकेचा दिग्गज क्रिकेटपटू एबी डिव्हिलियर्सने शुक्रवारी सर्व प्रकारच्या क्रिकेटमधून निवृत्तीची घोषणा केली आहे. 37 वर्षीय डिव्हिलियर्सने ट्विटरच्या माध्यमातून ही घोषणा केली आणि त्याच्या 17 वर्षांच्या कारकिर्दीवर पडदा पडला.

डिव्हिलियर्सने जारी केलेल्या निवेदनात म्हटले कि, “हा एक अविश्वसनीय प्रवास होता, परंतु मी सर्व क्रिकेटमधून निवृत्ती घेण्याचा निर्णय घेतला आहे.

It has been an incredible journey, but I have decided to retire from all cricket.

Ever since the back yard matches with my older brothers, I have played the game with pure enjoyment and unbridled enthusiasm. Now, at the age of 37, that flame no longer burns so brightly. pic.twitter.com/W1Z41wFeli

— AB de Villiers (@ABdeVilliers17) November 19, 2021

तो पुढे म्हणाला, “माझ्या मोठ्या भावांसोबत घरामागील अंगणात मॅचेस खेळलो तेव्हापासून मी हा खेळ निखळ आनंदाने आणि अव्याहत उत्साहाने खेळलो आहे. आता, वयाच्या ३७ व्या वर्षी, तितका तेजस्वीपणा राहिला नाही. शेवटी, मला जाणीव आहे की माझ्या कुटुंबाने – माझे पालक, माझे भाऊ, माझी पत्नी डॅनियल आणि माझ्या मुलांनी केलेल्या त्यागाशिवाय काहीही शक्य झाले नसते. मी आमच्या आयुष्याच्या पुढील अध्यायाची वाट पाहत आहे, जेव्हा मी त्यांना खरोखर प्राधान्य देऊ शकेन.”

मी प्रत्येक संघसहकारी, प्रत्येक प्रतिस्पर्धी, प्रत्येक प्रशिक्षक, प्रत्येक फिजिओ आणि प्रत्येक कर्मचारी सदस्याचे आभार मानू इच्छितो, ज्यांनी त्याच मार्गावर प्रवास केला आणि दक्षिण आफ्रिकेत, भारतात, मी जिथे जिथे खेळलो तिथे मला मिळालेल्या समर्थनासाठी मी नम्र आहे. टायटन्स, किंवा प्रोटीज, किंवा आरसीबी किंवा जगभरातील खेळ असो, या खेळाने मला अकल्पित अनुभव आणि संधी दिल्या आहेत आणि मी नेहमीच कृतज्ञ राहीन.

या निर्णयाबद्दल बोलताना एबी डिव्हिलियर्स म्हणाला, “मी आरसीबीकडून खेळताना बराच काळ आणि फलदायी वेळ घालवला आहे. नुकतीच अकरा वर्षे उलटून गेली आणि मुलांना सोडून जाणे अत्यंत कटू असते. अर्थात, या निर्णयापर्यंत पोहोचायला खूप वेळ लागला, पण खूप विचार केल्यानंतर, मी थांबायचे आणि माझ्या कुटुंबासोबत दर्जेदार वेळ घालवायचे ठरवले. मी RCB व्यवस्थापन, माझा मित्र विराट कोहली, संघातील सहकारी, प्रशिक्षक, सपोर्ट स्टाफ, चाहते आणि संपूर्ण RCB कुटुंबाचे आभार मानू इच्छितो, ज्यांनी या सर्व वर्षांमध्ये माझ्यावर विश्वास दाखवला आणि मला पाठिंबा दिला.”

“आरसीबीसोबतचा हा प्रवास संस्मरणीय ठरला आहे. आयुष्यभर जपण्यासाठी वैयक्तिक आघाडीवर खूप आठवणी आहेत. आरसीबी नेहमीच माझ्या आणि माझ्या कुटुंबाच्या खूप जवळ असेल आणि या अप्रतिम संघाला सपोर्ट करत राहील. मी कायमचा RCBian आहे,” तो पुढे म्हणाला

एबी डिव्हिलियर्सने आरसीबीसाठी 156 सामने खेळले असून 4,491 धावा केल्या आहेत. विराट कोहलीच्या मागे तो दुसरा सर्वाधिक धावा करणारा खेळाडू आहे आणि RCB इतिहासात मुंबई इंडियन्स विरुद्ध (2015 मध्ये) 133* आणि गुजरात लायन्सविरुद्ध (2016 मध्ये) 129* अशा वैयक्तिक धावसंख्येसह दुसऱ्या आणि तिसऱ्या क्रमांकाची वैयक्तिक धावसंख्या आहे.

The post मोठी बातमी! एबी डिव्हिलियर्सची सर्व प्रकारच्या क्रिकेटमधून निवृत्तीची घोषणा appeared first on थोडक्यात घडामोडी.

IPL २०२१ : आयपीएल मध्ये एखाद्या खेळाडूने शतक केले कि सामना जिंकणेही सोपे जाते. आयपीएल मध्ये एकाच खेळाडूचे शतक झालेले जास्त सामने नाहीत. इंडियन प्रीमियर लीगमधील सर्वाधिक वैयक्तिक धावा केलेल्या १० फलंदाजांची यादी आपण पाहणार आहोत. (top 10 highest individual scores in IPL history)

बऱ्याच चाहत्यांना आयपीएल इतिहासातील सर्वाधिक वैयक्तिक खेळी करणाऱ्या खेळाडूबद्दल माहीत नाही. चला तर मग जाणून घेऊया आयपीएल इतिहासात सर्वाधिक वैयक्तिक खेळी करणाऱ्या 10 खेळाडूंबद्दल…

1. ख्रिस गेल (Chris Gayle) : 175 * – 2013
   आयपीएल इतिहासात सर्वाधिक वैयक्तिक धावा करणाऱ्या खेळाडूंमध्ये अव्वल क्रमांकावर आहे वेस्ट इंडिज संघाचा विस्फोटक फलंदाज ख्रिस गेल (Chris Gayle). गेलने २०१३ साली बेंगळुरू येथे रॉयल चॅलेंजर्स बेंगलोर संघाकडून खेळताना पुणे वॉरिअर्सविरुद्ध अवघ्या ६६ चेंडूत १३ चौकार आणि १७ षटकारांच्या मदतीने तब्बल १७५ धावांची नाबाद खेळी केली होती. या सामन्यात गेलचा स्ट्राईक रेट २६५.१५ होता. गेलचा आयपीएल इतिहासातील सर्वाधिक वैयक्तिक धावांचा विक्रम आतापर्यंत कोणालाही मोडता आलेला नाही.
2.  ब्रेंडन मॅक्यूलम (Brendon McCullum) : 158 * – २००८
   न्यूझीलंडचा धडाकेबाज फलंदाज ब्रेंडन मॅक्यूलम (Brendon McCullum). २००८ साली आयपीएलच्या पहिल्याच सामन्यात मॅक्यूलमने कोलकाता नाईट रायडर्स संघाकडून खेळताना रॉयल चॅलेंजर्स बेंगलोर संघाविरुद्ध त्याने केवळ ७३ चेंडूत १५८ धावांची नाबाद खेळी केली होती. या सामन्यात त्याने १० चौकार आणि १३ षटकारांच्या जोरावर १५८ धावा केल्या. या सामन्यात मॅक्यूलमला ‘सामनावीर’ पुरस्काराने सन्मानित केले होते.
3. एबी डिविलियर्स (AB De Villiers) : 133 * – 2015
   एबी डिविलियर्स (AB De Villiers) याने २०१५ मध्ये रॉयल चॅलेंजर्स बेंगलोर संघाकडून खेळताना मुंबई इंडियन्सविरुद्ध ५९ चेंडूत १३३ धावांची नाबाद वैयक्तिक खेळी केली होती. या सामन्यात त्याने १९ चौकार आणि ४ षटकारांच्या जोरावर १३३ धावा केल्या होत्या.
4. केएल राहुल (KL Rahul) : 132 * – 2020
   केएल राहुलने (KL Rahul) आरसीबीविरूद्ध केवळ 69 चेंडूत नाबाद 132 धावा केल्या. या सामन्यात राहुलने 14 चौकार आणि 7 षटकार मारून १३२ धावा पूर्ण केल्या होत्या. नव्या पिढीतील सर्वाधिक रन असणार्‍या फलंदाजांपैकी राहुल एक आहे.
5. एबी डिविलियर्स (AB De Villiers) : 129 * – 2016
   या यादीत पुन्हा एकदा एबी डिविलियर्सचे नाव आहे. त्याने २०१६ मध्ये विराट कोहलीसोबत (Virat Kohli) भागीदारी करत आपल्या मागील भागीदारीचा विक्रम मोडला. या दोघांनीही गुजरात लायन्स संघाविरुद्ध आयपीएल इतिहासातील २२९ धावांची सर्वोच्च भागीदारी रचली. यादरम्यान डिविलियर्सने केवळ ५२ चेंडूत १० चौकार आणि १२ षटकारांच्या मदतीने १२९ नाबाद धावा केल्या. याव्यतिरिक्त विराटनेही १०९ धावांची खेळी केली होती.
6. ख्रिस गेल (Chris Gayle) : 128 * – 2012
   या यादीत पुन्हा एकदा ख्रिस गेल चा समावेश आहे. T20 क्रिकेट मधील विस्फोटक फलंदाज म्हणून ख्रिस गेलला ओळखले जाते. तो एकाच जागेवर उभे राहून चेंडू बाऊंड्रीलाईनच्या पलीकडे पाठविण्यात चांगलाच माहीर आहे. आयपीएल इतिहासात सर्वोधिक वैयक्तिक खेळी करणाऱ्या खेळाडूंमध्ये गेल चा समावेश आहे. २०१२ साली दिल्ली डेअरडेविल्सविरुद्ध खेळताना त्याने ६२ चेंडूंच्या मदतीने तब्बल १२८ धावांची नाबाद खेळी केली होती. त्यात ७ चौकार आणि १३ षटकारांचा समावेश आहे.
7. ऋषभ पंत (Rishabh Pant) : 128 * – 2018
   ऋषभ पंतने (Rishabh Pant) आयपीएलमध्ये पहिले शतक सनरायझर्स हैदराबादविरुद्ध केले. त्याने 63 चेंडूंत नाबाद १२8 धावा केल्या. त्यात त्याच्या १५ चौकार आणि ७ सिक्स चा समावेश आहे.
8. मुरली विजय  (Murali Vijay ) : १२७ – 2010
   राजस्थान रॉयल्सविरूद्ध सीएसकेचा सलामीवीर मुरली विजयने केवळ 56 चेंडूत 127 धावा केल्या. यात 8 चौकार आणि 11 षटकारांचा समावेश होता.
9. डेव्हिड वॉर्नर (David Warner) : 126 – 2017
   सनरायझर्स हैदराबादसाठी वॉर्नरने केवळ ५९ चेंडूंत १२६ धावा केल्या होती. त्यात त्याच्या 10 चौकार आणि ८ षटकारांचा समावेश आहे.
10. विरेंद्र सेहवाग (Virendra Sehwag) : 122 – 2014
    विरेंद्र सेहवागने चेन्नई सुपर किंग्जविरुद्धच्या सामन्यात 58 चेंडूत 122 धावा केल्या होत्या. त्यात 12 चौकार आणि ८ षटकारांचा समावेश होता.

The post आयपीएल इतिहासात सर्वाधिक वैयक्तिक धावा करणारे फलंदाज, २ खेळाडूंनी तर दोनदा केला विक्रम appeared first on थोडक्यात घडामोडी.