पुणे : मंगळवारी, २५ मार्च २०२५ रोजी सकाळी ९:२३ वाजता पुणे शहरातील लोणकर चौकाच्या केशव नगर परिसरातील तीन दुकानांमध्ये आग लागली. या आगीमुळे परिसरात गोंधळ उडाला, मात्र अग्निशमन दलाच्या तत्काळ आणि प्रभावी प्रतिसादामुळे आग अधिक पसरली नाही आणि मोठा अनर्थ टळला.

घटनास्थळी त्वरित पोहोचलेल्या हडपसर अग्निशमन केंद्र आणि बीटी कवडे रोड अग्निशमन केंद्राच्या कर्मचाऱ्यांनी आग आटोक्यात आणण्यासाठी त्वरित कार्यवाही केली. अग्निशमन दलाच्या कर्मचाऱ्यांनी आग शमवण्यासाठी अतिशय जलद आणि प्रभावी काम होते. हडपसर अग्निशमन केंद्राचे चालक किरण शिंदे, जवान गणेश पावले, बाबासाहेब चव्हाण, चंद्रकांत नवले, अविनाश ढाकणे आणि अमोल शिरसाट यांच्यासह बीटी कवडे रोड अग्निशमन केंद्राचे चालक शुभम दुमे, तांडेल संदीप रणदिवे, हर्षल पवार आणि प्रणय कवडे यांच्या अग्निशमन दलाने आग अधिक पसरू न देता ती लवकर शमवली, ज्यामुळे इतर दुकानांमध्ये आग पसरली नाही.

अग्निशमन विभागाच्या अधिकाऱ्यांनी दिलेल्या माहितीनुसार, या आगीत जीवितहानी झाली नाही. तथापि, दुकानातील सामान पूर्णपणे जळून खाक झाले आहे, ज्यामुळे दुकानदारांना मोठे आर्थिक नुकसान झाले आहे. आगीचे कारण अद्याप स्पष्ट झालेले नाही, आणि याबाबत तपास सुरू आहे.

आगीच्या नेमक्या कारणाचा शोध घेण्यासाठी तपास सुरू आहे. स्थानिक पोलीस आणि अग्निशमन विभागाने घटनास्थळाची पाहणी केली असून, पुढील तपास सुरू आहे.

The post पुणे : केशव नगर परिसरातील तीन दुकानांमध्ये आग, सुदैवाने जीवितहानी टळली appeared first on थोडक्यात घडामोडी.

पुणे : अमली पदार्थांसाठी प्रिस्क्रिप्शन ड्रग्जचा वापर वाढत आहे. बेकायदेशीर औषधांच्या किमती जास्त असल्याने अनेक तरुण या पदार्थांकडे वळत आहेत, ज्यामुळे आरोग्यावर गंभीर परिणाम होऊ शकतात. एका कारवाईत हडपसर पोलिसांनी नशा निर्माण करणारी औषधे विकल्याबद्दल दोन तरुणांना अटक केली.

पोलिसांच्या अहवालानुसार, आरोपी व्यक्तींकडे औषध निर्मितीची पदवी नव्हती किंवा त्यांच्याकडे अन्न आणि औषध प्रशासनाचा (FDA) आवश्यक परवाना नव्हता. अमली पदार्थांसाठी वापरल्या जाणाऱ्या औषधांच्या बेकायदेशीर साठ्याची माहिती अधिकाऱ्यांना मिळाली. या माहितीच्या आधारे, पोलिसांनी हडपसरच्या जिजामाता वाडी परिसरात सापळा रचला आणि संशयितांना अटक केली. त्यांच्या ताब्यातून प्रिस्क्रिप्शन ड्रग्जच्या बाटल्या जप्त करण्यात आल्या. तक्रारीत असे नमूद केले आहे की अशा औषधांचे सेवन केल्याने आरोग्यावर गंभीर परिणाम होऊ शकतात आणि अनेक प्रकरणांमध्ये अशा ड्रग्जच्या सेवनामुळे मृत्यू देखील होऊ शकतो. त्यामुळे पोलिसांनी या प्रकरणाच्या तपासास वेग दिला आहे आणि आरोपींविरोधात विविध कलमांखाली गुन्हे दाखल केले आहेत. पोलिस प्रशासनाने अशा प्रकारच्या घटनांवर नियंत्रण ठेवण्यासाठी कठोर कारवाई करण्याचे आश्वासन दिले आहे.

The post पुणे : हडपसरमध्ये ड्रग्ज विक्री करणाऱ्या दोघांना अटक appeared first on थोडक्यात घडामोडी.

पुणे, दि. 7 :  रेल्वेच्या पुणे- नाशिक सेमी हायस्पीड दुहेरी ब्रॉडगेज लाईनच्या बांधकामासाठी खासगी वाटाघाटीद्वारे जमीनीच्या भूसंपादनाची प्रक्रिया सुरू असून याअंतर्गत संपूर्ण प्रकल्पातील पहिले खरेदीखत आज पूर्ण झाले. या प्रकल्पासाठी खरेदीने जमीन दिलेल्या चंद्रकांत गंगाराम कोलते आणि  स्मिता चंद्रकांत कोलते यांचा जिल्हाधिकारी डॉ. राजेश देशमुख यांच्या हस्ते सत्कार करण्यात आला.

यावेळी या खरेदीखतासाठी पुढाकार घेतलेल्या भूसंपादन क्र. 4 च्या उपजिल्हाधिकारी रोहिणी आखाडे- फडतरे, रेल्वेचे सहमहाव्यवस्थापक (प्रकल्प) सागर अग्रवाल, सहमहाव्यवस्थापक (नियोजन) व्ही. के. गोपाल उपस्थित होते.

जिल्हाधिकारी डॉ. देशमुख यांनी यावेळी कोलते दांपत्याचे अभिनंदन केले. ते म्हणाले, पुणे व नाशिक जिल्ह्यातील कृषीमाल वाहतूक, मालवाहतूक तसेच प्रवासी वाहतूकीसाठी हा प्रकल्प महत्त्वपूर्ण असून प्रकल्प गतीने मार्गी लावण्यासाठी अशाच प्रकारे शेतकऱ्यांचा पुढाकार आवश्यक आहे. शेतकऱ्यांना जमिनीसाठी योग्य मोबदला मिळत आहे असा संदेश आजच्या खरेदीखतातून जाणार आहे, असेही डॉ. देशमुख म्हणाले.

हवेली तालुक्यातील 12 गावांचे भूसंपादनाचे प्रस्ताव प्राप्त झाले आहेत. यातील 8 गावांची पूर्ण तर 2 गावांची अंशत: संयुक्त मोजणी पूर्ण झाली आहे. आज झालेले खरेदीखत हे हवेली तालुक्यातील पेरणे गावातील असून प्रकल्पात समावेश असलेल्या तीनही जिल्ह्यातील हे पहिले खरेदीखत आहे, अशी माहिती यावेळी श्रीमती आखाडे- फडतरे यांनी  दिली.

सेमी हायस्पीड प्रकल्पाची वैशिष्टये : 

महाराष्ट्र शासन आणि रेल्वे मंत्रालयाचा संयुक्त उपक्रम असलेल्या महाराष्ट्र रेल इन्फ्रास्ट्रक्चर डेव्हलपमेंट कॉर्पोरेशन लि.मार्फत या रेल्वे मार्गाचे बांधकाम होणार आहे. पुणे, अहमदनगर आणि नाशिक जिल्ह्यातून हा रेल्वे मार्ग जाणार आहे. पुणे जिल्ह्यातील हवेली, खेड, आंबेगाव आणि जुन्नर अशा चार तालुक्यात मिळून एकूण 54 गावांचा यात समावेश आहे. पुणे जिल्ह्यात पुणे या पहिल्या स्थानकासह हडपसर, मांजरी, वाघोली, आळंदी, चाकण, राजगुरूनगर, मंचर, नारायणगाव, आळेफाटा या स्थानकांचा समावेश आहे. प्रमुख स्थानकांपैकी चाकण, मंचर तसेच नारायणगाव ही स्थानके कृषी उत्पादन व खासगी मालवाहतूक टर्मिनल असणार असून राजगुरूनगर स्थानक हे फक्त प्रवासी रहदारीसाठी असणार आहे.

भूसंपादन प्रक्रियेला गती :

जिल्ह्यात प्रकल्पासाठी भूसंपादन करावयाच्या गावांपैकी 37 गावांची मोजणी पूर्ण झाली आहे. तसेच उर्वरित प्रकरणात मोजणी प्रक्रिया, मूल्यांकन टिपणी सहाय्यक नगररचना कार्यालयाकडे पाठवणे आदी प्रक्रिया सुरू आहे. या प्रकल्पासाठी खासगी वाटाघाटीने जमीन खरेदी करण्यात येत आहे. जमिनीसाठी रेडी रेकनरच्या 5 पट दर देण्यात येत असून इमारत तसेच इतर बांधकामे, झाडे आदींसाठी मूल्यांकनाच्या अडीच पट रक्कम दिली जाणार आहे, अशीही माहिती यावेळी देण्यात आली.

रेल्वेच्या पुणे- नाशिक सेमी हायस्पीड दुहेरी ब्रॉडगेज लाईनच्या बांधकामासाठी खासगी वाटाघाटीद्वारे जमीनीच्या भूसंपादनाची प्रक्रिया सुरू असून याअंतर्गत संपूर्ण प्रकल्पातील पहिले खरेदीखत आज पूर्ण झाले. या प्रकल्पासाठी खरेदीने जमीन दिलेल्या चंद्रकांत गंगाराम कोलते आणि स्मिता चंद्रकांत कोलते यांचा जिल्हाधिकारी डॉ. राजेश देशमुख यांच्या हस्ते सत्कार करण्यात आला.

यावेळी या खरेदीखतासाठी पुढाकार घेतलेल्या भूसंपादन क्र. 4 च्या उपजिल्हाधिकारी रोहिणी आखाडे- फडतरे, रेल्वेचे सहमहाव्यवस्थापक (प्रकल्प) सागर अग्रवाल, सहमहाव्यवस्थापक (नियोजन) व्ही. के. गोपाल उपस्थित होते.

जिल्हाधिकारी डॉ. देशमुख यांनी यावेळी कोलते दांपत्याचे अभिनंदन केले. ते म्हणाले, पुणे व नाशिक जिल्ह्यातील कृषीमाल वाहतूक, मालवाहतूक तसेच प्रवासी वाहतूकीसाठी हा प्रकल्प महत्त्वपूर्ण असून प्रकल्प गतीने मार्गी लावण्यासाठी अशाच प्रकारे शेतकऱ्यांचा पुढाकार आवश्यक आहे. शेतकऱ्यांना जमिनीसाठी योग्य मोबदला मिळत आहे असा संदेश आजच्या खरेदीखतातून जाणार आहे, असेही डॉ. देशमुख म्हणाले.

हवेली तालुक्यातील 12 गावांचे भूसंपादनाचे प्रस्ताव प्राप्त झाले आहेत. यातील 8 गावांची पूर्ण तर 2 गावांची अंशत: संयुक्त मोजणी पूर्ण झाली आहे. आज झालेले खरेदीखत हे हवेली तालुक्यातील पेरणे गावातील असून प्रकल्पात समावेश असलेल्या तीनही जिल्ह्यातील हे पहिले खरेदीखत आहे, अशी माहिती यावेळी श्रीमती आखाडे- फडतरे यांनी दिली.

सेमी हायस्पीड प्रकल्पाची वैशिष्टये :

महाराष्ट्र शासन आणि रेल्वे मंत्रालयाचा संयुक्त उपक्रम असलेल्या महाराष्ट्र रेल इन्फ्रास्ट्रक्चर डेव्हलपमेंट कॉर्पोरेशन लि.मार्फत या रेल्वे मार्गाचे बांधकाम होणार आहे. पुणे, अहमदनगर आणि नाशिक जिल्ह्यातून हा रेल्वे मार्ग जाणार आहे. पुणे जिल्ह्यातील हवेली, खेड, आंबेगाव आणि जुन्नर अशा चार तालुक्यात मिळून एकूण 54 गावांचा यात समावेश आहे. पुणे जिल्ह्यात पुणे या पहिल्या स्थानकासह हडपसर, मांजरी, वाघोली, आळंदी, चाकण, राजगुरूनगर, मंचर, नारायणगाव, आळेफाटा या स्थानकांचा समावेश आहे. प्रमुख स्थानकांपैकी चाकण, मंचर तसेच नारायणगाव ही स्थानके कृषी उत्पादन व खासगी मालवाहतूक टर्मिनल असणार असून राजगुरूनगर स्थानक हे फक्त प्रवासी रहदारीसाठी असणार आहे.

भूसंपादन प्रक्रियेला गती :

जिल्ह्यात प्रकल्पासाठी भूसंपादन करावयाच्या गावांपैकी 37 गावांची मोजणी पूर्ण झाली आहे. तसेच उर्वरित प्रकरणात मोजणी प्रक्रिया, मूल्यांकन टिपणी सहाय्यक नगररचना कार्यालयाकडे पाठवणे आदी प्रक्रिया सुरू आहे. या प्रकल्पासाठी खासगी वाटाघाटीने जमीन खरेदी करण्यात येत आहे. जमिनीसाठी रेडी रेकनरच्या 5 पट दर देण्यात येत असून इमारत तसेच इतर बांधकामे, झाडे आदींसाठी मूल्यांकनाच्या अडीच पट रक्कम दिली जाणार आहे, अशीही माहिती यावेळी देण्यात आली.

The post रेल्वेच्या पुणे-नाशिक सेमी हायस्पीड दुहेरी ब्रॉडगेजलाईनचे पहिले खरेदीखत पूर्ण appeared first on थोडक्यात घडामोडी.

पुणे : मनमिळावू, अभ्यासू युवा पत्रकार संदीप जगदाळे यांचे गुरूवारी रात्री ७:४५ वाजता निधन झाले. ते ४५ वर्षांचे होते. मागील पंधरा वर्षांपासून सकाळमध्ये हडपसर भागातील बातमीदार म्हणून काम पाहत होते. कोरेगाव पार्क येथील पुणे अंध शाळेमध्ये ते एमएसडब्ल्यू (समाजसेवक) या पदावर कार्यरत होते.

अत्यंत मनमिळावू स्वभावाचे संदीप हे गेल्या अनेक वर्षापासुन हडपसर भागात पत्रकारिता करीत होते. कोरोनाचा काळात देखील ते जबाबदारीने कर्तव्य बजावित होते. बातमीदारीच्या माध्यमातून त्यांनी हडपसर भागातील अनेक विषय मांडत आवाज उठविला होता. विविध विषयावर सातत्याने पाठपुरावा करून त्या भागातील अनेक प्रश्न त्यांनी मार्गी लावले. त्या भागातील सामजिक, राजकीय विषयावर ते उत्कृष्टपणे बातमीदारी करत होते. त्यांच्या कार्याची दखल घेऊन अनेक संस्था आणि संघटनांनी त्यांना सन्मानपत्र देऊन गौरविले होते. त्यांच्या जाण्याने विविध स्तरातून हळहळ व्यक्त केली जात आहे.

आपल्या हडपसरचे दैनिक सकाळचे अभ्यासू पत्रकार संदीप जगदाळे यांच्या निधनाची दुःखद बातमी समजली. एक सहृदयी व्यक्तिमत्त्व आपल्यातून आज निघून गेले.
ईश्वर त्यांच्या आत्म्याला शांती देवो! जगदाळे कुटुंबियांना या दुःखातून सावरण्याची शक्ती मिळो ही प्रार्थना. pic.twitter.com/lCzOdEwwt3

— Chetan Vitthal Tupe (@ChetanVTupe) May 13, 2021

हडपसरमधील युवा पत्रकार संदीप ज्ञानदेव जगदाळे यांच्या पश्चात आई-वडिल, भाऊ, भावजय, पत्नी, मुलगा, दोन बहिणी असा परिवार आहे. रयत शिक्षण संस्थेच्या साधना कन्या विद्यालयामधील शिक्षिका सारिका संदीप जगदाळे यांच्या त्या पत्नी आहेत. संदीप जगदाळे (मुर्टी, ता. बारामती) शेतकरी कुटुंबातील होते. ते शिक्षणासाठी काही वर्षांपूर्वी पुण्यात आले होते. त्यानंतर ते हडपसर येथे स्थायिक झाले. ग्रामीण भागातून येऊन त्यांनी आपल्या कामाच्या माध्यमातून पत्रकारिता क्षेत्रात वेगळी ओळख निर्माण केली होती. सुमारे 20 दिवसांपुर्वी त्यांना कोरोनाची लागण झाली होती तेव्हापासुन त्यांच्यावर उपचार सुरू होते. दरम्यान, आज (गुरूवार) त्यांचे निधन झाले आहे.

The post धक्कादायक! युवा पत्रकार संदीप ज्ञानदेव जगदाळे यांचे निधन, एक सहृदयी व्यक्तिमत्त्व आपल्यातून निघून गेले – चेतन तुपे appeared first on थोडक्यात घडामोडी.

पुणे : घरकाम करणाऱ्या १९ वर्षीय तरुणीने तिसऱ्या मजल्यावरून उडी मारून आत्महत्या केल्याची घटना घडली आहे. हडपसर येथील पांढरे मळा परिसरात राहणाऱ्या या तरुणीने काल (७ मार्च) संध्याकाळी साडेचार वाजेच्या सुमारास इमारतीवरून उडी मारली. दरम्यान, आसपास राहणाऱ्या नागरिकांनी तत्काळ या तरुणीला रुग्णालयात नेले. मात्र, तिथे तिला मृत घोषित करण्यात आले.

मिळालेल्या माहितीनुसार, तब्बू शेख नावाची तरुणी गंगा रेसिडन्सी सोसायटीत घरकाम करत होती. रविवारी तिने सोसायटीच्या गच्चीवर जाऊन उडी मारली. यात तिच्या डोक्याला गंभीर दुखापत झाली. तिला रक्ताच्या थारोळ्यात पडलेली पाहून नागरिकांनी तत्काळ पोलिसांना कळवले आणि तिला उचलून जवळील रुग्णालयात नेले. मात्र, डॉक्टरांनी तिला उपचारापूर्वीच मृत झाल्याचे घोषित केले. दरम्यान, पोलिसांनी याबाबत हडपसर पोलिस ठाण्यात आकस्मिक मृत्यूची नोंद करून घेतली. पोलिसांनी घटनास्थळी जाऊन पाहणी केली. पोलीस अधिक तपस करत आहेत. तरुणीच्या आत्महत्येचे कारण अद्याप समजू शकलेले नाही.

The post पुण्यात घरकाम करणाऱ्या तरुणीची इमारतीवरून उडी मारून आत्महत्या appeared first on थोडक्यात घडामोडी.

हडपसर: पुण्यात हडपसरमधील १५ वर्षांच्या अल्पवयीन मुलीचे अपहरण करून तिच्यावर सामूहिक बलात्कार केल्याची धक्कादायक घटना घडली आहे. हडपसर पोलीस ठाण्यात चौघांविरोधात बलात्काराचा गुन्हा दाखल करण्यात आला आहे. हडपसर पोलिसांनी दोघा आरोपींना गुरूवारी रात्री अटक केली असून, त्यांचे दोन साथीदार फरार आहेत. त्यांचा शोध घेण्यात येत आहे.

पोलिसांनी दिलेल्या माहितीनुसार, २७ ऑक्टोबर रोजी १५ वर्षांच्या मुलीचे अपहरण झाल्याची तक्रार तिच्या आई-वडिलांनी हडपसर पोलीस ठाण्यात दिली होती. मुलीला फूस लावून अपहरण केल्याचे तिच्या आईवडिलांनी तक्रारीत म्हटले होते. पोलिसांनी तिचा सर्वत्र शोध घेतला. २९ ऑक्टोबर रोजी दुपारी सासवड येथे मुलगी सापडली. त्यावेळी चौघांनी सामूहिक बलात्कार केल्याचे तिने पोलिसांना सांगितले.

पोलिसांनी तात्काळ मुलीला ससून रुग्णालयात उपचारासाठी दाखल केले. या घटनेनंतर हडपसर पोलीस ठाण्याचे तपास पथक चौघा आरोपींचा शोध घेण्यासाठी रवाना झाले. गुरुवारी रात्री उशिरा दोन आरोपींना हडपसर पोलिसांनी अटक केली. अन्य दोन आरोपींचा हडपसर पोलीस शोध घेत आहेत.

The post धक्कादायक – पुण्यात अल्पवयीन मुलीचे अपहरण करून सामूहिक बलात्कार, चौघांविरोधात बलात्काराचा गुन्हा दाखल appeared first on थोडक्यात घडामोडी.