पुणे शहरात तसेच ग्रामीण भागातही कोरोनाचा प्रसार वाढत आहे. त्यामुळे परिस्थितीला आळा घालण्यासाठी आतापासूनच खबरदारी घेणं गरजेचं आहे. जिल्हाधिकाऱ्यांनी यासाठी त्वरित आदेश काढून कोरोनाचा प्रादुर्भाव रोखण्यासाठीच्या उपाययोजनांसाठी सूचना दिल्या आहेत.

जिल्हाधिकारी डॉ. देशमुख यांनी दिलेल्या सूचना :

1. खासगी रुग्णालयांतील डॉक्टरांची बैठक घ्यावी. कोरोनाची प्राथमिक लक्षणे आढळून आल्यास रुग्णांची करोना चाचणी करून घ्यावी.
2. भाजी मंडई, दुकानदार यांच्या ठराविक अंतराने कोरोना चाचण्या घेण्यात याव्या.
3. सामाजिक, धार्मिक आणि राजकीय कार्यक्रम घेताना नियमांचे काटेकोर पालन करावे.
4. मंदिरांमध्ये येणाऱ्या भाविकांना पास देताना ६५ वर्षांवरील ज्येष्ठ नागरिक तसेच दहा वर्षाखालील लहान मुलांना पास देऊ नयेत.
5. जिल्हयाच्या ग्रामीण भागात कोरोनाबाधित रुग्ण आढळून आल्यास रुग्णांच्या संपर्कात असलेल्या किमान २० लोकांचा शोध घेऊन संबंधित परिसर कंटेन्मेंट झोन म्हणून घोषित करावा.
6. मंगल कार्यालये, लॉन्स, कोचिंग क्लासेस, शाळा आणि महाविद्यालय, चित्रपटगृहे , शॉपिंग मॉल या ठिकाणांची अचानक तपासणी करून मास्क न घालणाऱ्यांकडून ५०० रुपये आणि दुसऱ्यांदा आढळल्यास हजार रुपये दंड आकारण्यात येईल. या ठिकाणी दुसऱ्यांदा अशीच परिस्थिती आढळल्यास संबंधित ठिकाणे १५ दिवस सील करावी किंवा संबंधितांविरुद्ध गुन्हा दाखल करण्याच्याही सूचना त्यांनी दिल्या आहेत.

जिल्ह्यातील कोव्हिड केअर सेंटर आणि कोव्हिड हॉस्टिपटलमध्ये असलेल्या व्यवस्थेची पाहणी करण्यात यावी. या ठिकाणी किती बेड आहेत आणि व्हेंटिलेटर उपलब्ध आहेत का, हे तपासून पुरेसे मनुष्यबळ उपलब्ध करून ठेवण्याचे आदेश जिल्हाधिकारी देशमुख यांनी दिले आहेत.

जिल्हाधिकारी देशमुख यांनी कोरोनाचा प्रादुर्भाव रोखण्यासाठी करण्यात येणाऱ्या उपाययोजनांसाठी आदेश काढला आहे. त्यानुसार इन्सिडंट कमांडर म्हणून उपविभागीय अधिकारी, तहसीलदार, गट विकास अधिकारी, पोलिस, नगर परिषदांचे मुख्याधिकारी यांच्यावर अंमलबजावणीची जबाबदारी सोपविण्यात आली आहे.

The post पुण्यात कोरोनाचा प्रसार रोखण्याची तयारी सुरु, केल्या ‘या’ महत्वाच्या सूचना appeared first on थोडक्यात घडामोडी.

CBSE Practical Exam Dates 2021 : सीबीएसई बोर्डाने माध्यमिक व उच्च माध्यमिक वर्गातील परीक्षेचे वेळापत्रक जाहीर केल्यानंतर आता प्रॅक्टिकल परीक्षेच्या तारखाही जाहीर केल्या आहेत. बोर्डाने सर्व शाळांना जारी केलेल्या परिपत्रकानुसार, सर्व शाळा 1 मार्च ते 11 जून 2021 दरम्यान दहावी आणि 12 वीच्या प्रॅक्टिकल परीक्षा घेतील. सीबीएसईने सर्व शाळांना 11 जून पर्यंत प्रोजेक्ट असाइनमेंट / इंटर्नल असेसमेंट (अंतर्गत मूल्यांकन) पूर्ण करण्याचे निर्देश दिले आहेत आणि हे सर्व गुण लवकरात लवकर बोर्डाच्या वेबसाईटवर अपलोड करावे लागतील.

CBSE बोर्डाने दहावी व बारावीच्या प्रॅक्टिकल परीक्षांसाठी अनेक सूचना जारी केल्या आहेत. त्यानुसार शाळांना प्रॅक्टिकल किंवा अंतर्गत मूल्यांकन करताना निर्धारित जास्तीत जास्त गुणांची काळजी घ्यावी लागेल. दोन्ही वर्गांच्या वेगवेगळ्या विषयांसाठी जास्तीत जास्त 20 गुण निर्धारित करण्यात आले आहेत. तथापि, एनसीसीसाठी जास्तीत जास्त 30 गुण आहेत. विद्यार्थी सीबीएसई प्रॅक्टिकल परीक्षेचे वेळापत्रक आणि मार्क्सची माहिती बोर्डाच्या नोटीसमध्ये बघू शकतात.

प्रॅक्टिकल परीक्षेदरम्यान कोरोना संसर्गाचा धोका लक्षात घेता CBSE ने अनेक महत्त्वपूर्ण सूचना जारी केल्या आहेत. विद्यार्थ्यांनी तसेच सर्व शाळांमधील शिक्षक व शिक्षकेतर कर्मचार्‍यांनी या सूचनांचे पालन करणे बंधनकारक असेल. सर्व सूचनांसाठी cbse.gov.in या लिंकवर जा.

मुख्य सूचना खालीलप्रमाणे :

1. प्रत्येक बॅचच्या प्रॅक्टिकल परीक्षांच्या नंतर प्रयोगशाळा 1% सोडियम हायपोक्लोराइट ने सॅनिटाईझ करावी लागेल.
2. सॅनिटायझर प्रयोगशाळेत उपलब्ध करून द्यावं लागेल.
3. लॅबमध्ये झाकलेल्या कचराकुंड्या उपलब्ध असाव्यात आणि त्या वेळोवेळी साफ करणे आवश्यक आहे.
4. 25 विद्यार्थ्यांचा गट दोन भागात विभागला जाऊ शकतो.
5. विद्यार्थ्यांना मास्क घालावे लागतील. वारंवार हात धुवावे लागतील तसेच सोशल डिस्टंसिंगचे अनुसरण करावे लागेल.

शाळांनी दिलेल्या सूचनांचे पालन न केल्यास सीबीएसई बोर्डाने शाळांकडून 50 हजार रुपये दंड आकारण्याची घोषणा केली आहे.

The post मोठी बातमी : 10 वी आणि 12 वीच्या प्रॅक्टिकल परीक्षांचे वेळापत्रक जाहीर appeared first on थोडक्यात घडामोडी.