बर्मिंगहम : भारताचा कुस्तीपटू बजरंग पुनियाने भारताला कुस्तीमधील पहिले सुवर्णपदक जिंकवून दिले. बजरंगने यावेळी अंतिम फेरीत ९-२ असा विजय साकारला आणि देशाला सुवर्णपदक मिळवून दिले. भारताला कुस्तीमध्ये या स्पर्धेत मिळालेले हे पहिले सुवर्णपदक आहे.

टोकियो ऑलिम्पिक पदक विजेता बजरंगने ६५ किलो फ्रीस्टाइल प्रकारात देशासाठी सहज सुवर्ण जिंकले. अंतिम सामन्यात बजरंगला कॅनडाच्या लचलान मॅकनिलाचे आव्हान होते. हा सामना ९-२ असा जिंकून बजरंगने सुवर्णपदक जिंकले. राष्ट्रकुल स्पर्धेतील हे त्याचे दुसरे आणि एकूण तिसरे सुवर्ण आहे. २०१८ मध्येही त्याने ६५ किलो गटात सुवर्णपदक जिंकले होते. २०१४ मध्ये त्याने ६१ किलो गटात रौप्य पदक जिंकले होते. कॉमनवेल्थ चॅम्पियनशिपमध्येही त्याची दोन सुवर्णपदके आहेत. या राष्ट्रकुल स्पर्धेत भारताचे हे सातवे सुवर्ण आणि एकूण २२ वे पदक आहे. कुस्तीमध्ये बजरंगच्या आधी अंशू मलिकने रौप्यपदक जिंकले होते.

बजरंग पुनियाविरुद्धच्या राउंड ऑफ १६ सामन्यात लोवे बिंघम त्याच्यासमोर होता. बजरंगने अवघ्या दोन मिनिटांत सामना जिंकला. यानंतर बजरंगने मॉरिशसच्या जीन बांडोविरुद्धही सहज विजय मिळवला. त्याने उपांत्य फेरीच्या लढतीत इंग्लंडच्या जॉर्ज रामचा १०-० असा पराभव करत अंतिम फेरीतील स्थान निश्चित केले. या वर्षी एप्रिलमध्ये त्याने आशियाई चॅम्पियनशिपमध्ये रौप्यपदक मिळवले होते. दुखापतीनंतर कठोर संघर्ष केल्यानंतर मे महिन्यात झालेल्या राष्ट्रकुल स्पर्धेच्या चाचण्यांमध्ये तो यशस्वी झाला.

The post भारताचा कुस्तीपटू बजरंग पुनियाने जिंकलं सुवर्णपदक, राष्ट्रकुल स्पर्धेत ऐतिहासिक कामगिरी appeared first on थोडक्यात घडामोडी.

Kuortane Games : टोकियो ऑलिम्पिकमध्ये सुवर्णपदक जिंकून भारताची मान उंचावणारा अ‍ॅथलीट नीरज चोप्राची चमकदार कामगिरी सुरूच आहे. शनिवारी रात्री ऑलिम्पिकनंतर त्याने पहिले सुवर्णपदक जिंकले. भालाफेकपटू नीरज चोप्राने फिनलंडमधील कुओर्तने गेम्समध्ये प्रथम क्रमांक पटकावला. त्याने 86.69 मीटर थ्रो करून पहिले स्थान पटकावले आणि सुवर्णपदक जिंकले.

नीरज चोप्राने पहिल्याच प्रयत्नात 86.69 मीटर थ्रो केला होता. त्याचा दुसरा थ्रो फाऊल झाला होता. तिसर्‍या थ्रोवेळी तो घसरलादेखील होता. यानंतर तो पुढच्या 2 प्रयत्नासाठी मैदानात उतरला नाही, पण इतर कोणताही खेळाडू त्याला आव्हान देऊ शकला नाही. नीरज चोप्रा 10 महिन्यांनंतर स्पर्धेत उतरत आहे. अशा परिस्थितीत त्याला कोणतीही कसर सोडायची नाही आणि हे सुवर्णपदक त्याच्या मेहनतीचे फळ आहे.

याच महिन्यात नीरज चोप्राने पावो नुर्मी गेम्समध्ये 89.30 मीटर फेक करून राष्ट्रीय विक्रम केला. तो ९० मीटरचा टप्पा गाठेल अशी सर्वांनाच अपेक्षा होती पण त्याला तसे करता आले नाही. नीरज चोप्राने 2012 लंडन ऑलिम्पिकमध्ये सुवर्णपदक जिंकणाऱ्या त्रिनिदाद आणि टोबॅगोच्या केशोर्न वॉकटला मागे टाकले आहे. वॉलकॉटला केवळ 86.64 मीटर थ्रो करता आला. त्याचबरोबर सध्याचा जगज्जेता ग्रेनेडाचा अँडरसन पीटर्स याने ८४.७५ मीटरसह तिसरा क्रमांक पटकावला आहे. भारताच्या संदीप चौधरीला केवळ 60.35 मीटर थ्रो करता आला. तो 8 व्या क्रमांकावर होता.

The post अभिमानास्पद! नीरज चोप्राने ऑलिम्पिक चॅम्पियनला हरवून मोसमातील पहिले सुवर्णपदक जिंकले appeared first on थोडक्यात घडामोडी.

पुणे : पुणे जिल्ह्यातील मावळमधील हर्षदाने ग्रीस- हेरॅक्लिओन येथील स्पर्धेत वेटलिफ्टिंगमध्ये भारतासाठी पहिले सुवर्णपदक पटकावण्याचा पराक्रम केला आहे. जागतिक ज्युनियर वेटलिफ्टिंग स्पर्धेत सुवर्णपदक पटकावणाऱ्या पुण्याच्या हर्षदा गरुड हिचे मुख्यमंत्री उद्धव ठाकरे यांनी अभिनंदन केले आहे.

हर्षदा शरद गरुड हिने ग्रीसमधील हेरॅक्लिओन येथे IWF ज्युनियर वर्ल्ड चॅम्पियनशिप 2022 मध्ये सुवर्णपदक जिंकणारी पहिली भारतीय बनण्याचा इतिहास रचला. तिने 45 किलो वजनी गटात 153 किलो वजन उचलले, ज्यामध्ये स्नॅचमध्ये 70 किलो आणि क्लीन अँड जर्कमध्ये 83 किलो वजनाचा समावेश होता.

India ?? just won its first ever gold medal in weightlifting junior world championship!

Extremely proud of you Harshada Garud !

• SAI NCOE Aurangabad Weightlifting athletes won gold in junior World championship in 45 kg category. pic.twitter.com/LAARYJjxr3

— Anurag Thakur (@ianuragthakur) May 2, 2022

या स्पर्धेत भारताने यापुर्वी असे सुवर्णपदक जिंकले नव्हते. त्यामुळे हर्षदाने भारताच्या आणि महाराष्ट्राच्या शिरपेचात मानाचा तुरा ठरेल, अशी कामगिरी केली आहे. “महाराष्ट्र कन्ये”चा हा पराक्रम आपल्या सर्वांसाठी अभिमानास्पद असल्याचे नमूद करून मुख्यमंत्र्यांनी हर्षदाला पुढील वाटचालीसाठी शुभेच्छा दिल्या आहेत.

The post पुण्याच्या हर्षदा गरुडने वेटलिफ्टिंगमध्ये पटकावले सुवर्णपदक, “महाराष्ट्र कन्ये”चे मुख्यमंत्र्यांकडून कौतुक appeared first on थोडक्यात घडामोडी.

टोकियो ऑलिम्पिक : टोकियो ऑलिम्पिकमध्ये भारताच्या नीरज चोप्राने अभिमानास्पद कामगिरी करून सुवर्णपदक जिंकून दिले. भालाफेकमध्ये नीरज चोप्राने ऐतिहासिक कामगिरी करत टोकियो ऑलिम्पिकमध्ये 87.58 मीटर भाला फेकून देशासाठी पहिले सुवर्ण जिंकले.

भारताच्या ऑलिम्पिक इतिहासात पहिल्यांदाच एखाद्या ऍथलिटने सुवर्णपदक जिंकले आहे. वैयक्तिक सुवर्ण जिंकणारा नेमबाज अभिनव बिंद्रा नंतर नीरज दुसरा भारतीय ठरला.

THE THROW THAT WON #IND A #GOLD MEDAL ?#Tokyo2020 | #StrongerTogether | #UnitedByEmotion @Neeraj_chopra1 pic.twitter.com/F6xr6yFe8J

— #Tokyo2020 for India (@Tokyo2020hi) August 7, 2021

The post VIDEO : नीरज चोप्राचा ‘तो’ थ्रो ज्याने भारताला सुवर्णपदक मिळवून दिले, व्हिडिओ एकदा पहाच… appeared first on थोडक्यात घडामोडी.

टोकियो ऑलिम्पिक : भारतासाठी टोकियो ऑलिम्पिकमध्ये पुरुष आणि महिला दोन्ही संघांनी अपेक्षेपेक्षा चांगली कामगिरी केली. आज, ऑलिम्पिकच्या 16 व्या दिवशी भारताच्या सुवर्णपदकाच्या आशा पूर्ण झाल्या. भालाफेकमध्ये नीरज चोप्राने ऐतिहासिक कामगिरी करत टोकियो ऑलिम्पिकमध्ये 87.58 मीटर भाला फेकून देशासाठी पहिले सुवर्ण जिंकले.

नीरज चोप्राने इतिहास रचला
भारताच्या ऑलिम्पिक इतिहासात पहिल्यांदाच एखाद्या ऍथलिटने सुवर्णपदक जिंकले आहे. वैयक्तिक सुवर्ण जिंकणारा नेमबाज अभिनव बिंद्रा नंतर नीरज दुसरा भारतीय ठरला.

शेवटच्या फेरीत नारजने 84.24 मीटर भाला फेकला. चौथ्या फेरीत आणि पाचव्या फेरीत नीरजचा थ्रो व्यर्थ गेला आणि त्याला अवैध घोषित करण्यात आले. यानंतरही, दुसऱ्या फेरीत त्याने फेकलेल्या 87.58 मीटरने त्याला अव्वल ठेवले. नीरजने तिसऱ्या फेरीत 76.79 मीटर भाला फेकला आणि या थ्रोमुळे त्याची थोडी निराशा झाली.

दुसऱ्या थ्रोमध्ये नीरजने पहिल्या प्रयत्नापेक्षाही अधिक चांगला स्कोर केला आणि यावेळी त्याचा भाला 87.58 मीटरपर्यंत गेला. हातातून भाला सोडल्यानंतरच नीरजला कळले की त्याचा थ्रो खूप चांगला आहे आणि त्याने आपले दोन्ही हात हवेत उंच करत ते दर्शवले.

पहिल्या थ्रोमध्ये भारतीय स्टार नीरजने शानदार स्कोअर केला आणि 87.03 मीटरपर्यंत भाला फेकला. त्याने पहिल्या प्रयत्नात अव्वल स्थान पटकावले तर जर्मन खेळाडू नी वेबेल ज्युलियन 85.30 सह दुसऱ्या स्थानावर राहिला. चेक रिपब्लिकच्या जेकबने 83.83 मीटरच्या थ्रोसह तिसरे स्थान पटकावले. भारताला १३ वर्षांनी ऑलिम्पिकमध्ये हे सुवर्णपदक मिळाले आहे, यापूर्वी नेमबाजपटू अभिनंव बिंद्राने भारताला पहिले सुवर्णपददक जिंकवून दिले होते.

#Proud

General MM Naravane #COAS and All Ranks of #IndianArmy congratulate Subedar Neeraj Chopra on winning Nation’s first ever #GoldMedal in #Javelin in Olympics with a throw of 87.58 meters at #TokyoOlympics.#MissionOlympics#Tokyo2020 pic.twitter.com/HUotK29P4K

— ADG PI – INDIAN ARMY (@adgpi) August 7, 2021

The post नीरजने टोकियो ऑलिम्पिकमध्ये भारतासाठी पहिले सुवर्णपदक जिंकले, भालाफेकमध्ये रचला इतिहास appeared first on थोडक्यात घडामोडी.