नवी दिल्ली : बेकायदेशीर ऑनलाइन बेटिंग अ‍ॅप प्रकरणातील मनी लाँडरिंग चौकशीच्या संदर्भात अंमलबजावणी संचालनालयाने (ईडी) माजी भारतीय क्रिकेटपटू सुरेश रैना आणि शिखर धवन यांच्या मालमत्ता जप्त केल्या आहेत, अशी माहिती अधिकाऱ्यांनी दिली.

ईडीने मनी लाँडरिंग प्रतिबंधक कायदा (PMLA) अंतर्गत या दोघांच्या एकूण ११.१४ कोटी रुपयांच्या मालमत्ता जप्त केल्या आहेत. या कारवाईचा संबंध ‘1xBet’ नावाच्या बेकायदेशीर ऑनलाइन बेटिंग साइटशी असल्याचे सांगितले जात आहे.

चौकशीनंतर ईडीने जारी केलेल्या आदेशानुसार, शिखर धवन यांची अंदाजे ४.५ कोटी रुपयांची स्थावर मालमत्ता, तर सुरेश रैना यांचा सुमारे ६.६४ कोटी रुपयांचा म्युच्युअल फंड जप्त करण्यात आला आहे.

ईडीच्या प्राथमिक चौकशीत या बेटिंग साइटद्वारे देशांतर्गत आणि आंतरराष्ट्रीय स्तरावर मोठ्या प्रमाणात आर्थिक व्यवहार झाले असल्याचे समोर आले आहे. संबंधित सर्व व्यवहारांचा मागोवा घेण्यासाठी पुढील तपास सुरू असल्याचे एजन्सीने सांगितले.

The post सुरेश रैना व शिखर धवन यांची ११.१४ कोटी रुपयांची मालमत्ता जप्त, बेकायदेशीर बेटिंग अ‍ॅप प्रकरणात ईडीची कारवाई appeared first on थोडक्यात घडामोडी.

मुंबई : यावर्षी IPL २०२१ स्पर्धा बायो-बबलमध्ये कोरोनाच्या शिरकावामुळे 29 सामन्यानंतर स्थगित करण्यात आली. आयपीएलच्या यंदाच्या मोसमात चेन्नई सुपरकिंग्सचा (CSK) ऑलराऊंडर सॅम करन याने खूप चांगली कामगिरी केली. मात्र, त्याच्या वयावरून खूप वेळा त्याला ट्रोल करण्यात येतं. IPL २०२१ स्थगित झाले असले, तरी अनेक मिम्स व्हायरल होत असतात.

त्यातच आता सॅम करनचा एक फोटो प्रचंड व्हायरल होत आहे. त्यातील एका मीमवर सुरेश रैनाने देखील प्रतिक्रिया दिली आहे. या मीममध्ये सुरेश रैना आणि सॅम करन यांचा एक फोटो शेयर करण्यात आला आहे. या फोटोला कॅप्शन देण्यात आलं आहे की, “घरी जा आणि मन लावून अभ्यास कर, रस्त्यात कोणीही अनोळखी माणसाने चॉकलेट दिलं तर ते खाऊन नको घेऊ. या मीमवर सुरेश रैनाने हसणारी इमोजी कमेंट केली आहे.

??

— Suresh Raina?? (@ImRaina) May 6, 2021

The post ‘रस्त्यात कोणी चॉकलेट दिलं तर खाऊ नको आणि..’, सॅम करनचं Meme तूफान व्हायरल appeared first on थोडक्यात घडामोडी.

भारतीय क्रिकेट संघाचा माजी खेळाडू सुरेश रैना याच्यावर मुंबई पोलिसांनी कारवाई केली असून अटक केल्यानंतर जामीनावर सुटका केली. ड्रॅगनफ्लाय नाईट क्लबवर मध्यरात्री अडीच वाजण्याच्या सुमारास पोलिसांनी छापा टाकून कारवाई केली तेव्हा सुरेश रैनादेखील तिथे उपस्थित होता. पोलिसांनी ३४ जणांना अटक केली, यामध्ये सुरेश रैनासहीत अनेक सेलिब्रेटींचाही समावेश होता.

पोलिसांच्या कारवाईवर सुरेश रैनाने प्रतिक्रिया दिली आहे. सुरेश रैनाच्या मॅनेजमेंट टीमकडून निवेदन प्रसिद्ध करण्यात आलं आहे. त्याच्या टीमकडून सांगण्यात आलं कि, “सुरेश रैना एका शूटसाठी मुंबईत होता, ज्याची वेळ नंतर पुढे वाढली. सुऱेश रैना रात्रीच्या विमानाने दिल्लीला निघणार होता त्यापूर्वी मित्राने त्याला डिनरसाठी बोलावलं होतं. त्याला स्थानिक वेळा आणि प्रोटोकॉलची माहिती नव्हती. माहिती मिळाल्यानंतर त्याने लगेचच त्याची काळजी घेतली. दुर्दैवी घटनेबद्दल त्याने खेद व्यक्त केला आहे. सुरेश रैना नेहमीच प्रशासनाने दिलेल्या नियमांचं पालन करत असून भविष्यातही करत राहील.”

The post जामिनावर सुटका झाल्यानंतर सुरेश रैनाने कारवाईबाबत दिली प्रतिक्रिया appeared first on थोडक्यात घडामोडी.

भारतीय क्रिकेट संघाचा माजी खेळाडू सुरेश रैनाविरोधात गुन्हा दाखल करण्यात आला आहे. मुंबईमधील ड्रॅगनफ्लाय क्लबवर पोलिसांनी छापा टाकला असता ही कारवाई करण्यात आली आहे. या क्लबमध्ये सुरेश रैना उपस्थित होता. सुरेश रैनासोबत सुझेन खानसह एकूण ३४ जणांविरोधात गुन्हा दाखल झाला आहे.

कोरोनाशी संबधित नियमांचं पालन न केल्याने आणि वेळमर्यादा संपल्यानंतरही क्लब सुरु ठेवण्यात आल्याने ही कारवाई करण्यात आली. मुंबई पोलिसांकडून क्लबच्या कर्मचाऱ्यांवरही कारवाई करण्यात आली. कारवाईदरम्यान काही जण मागील दरवाजाने पळून गेल्याची शक्यता वर्तवण्यात येत आहे. पोलीस त्यांचा देखील शोध घेत आहेत.

The post मुंबईमधील ड्रॅगनफ्लाय क्लबवर छापा, सुरेश रैनासह एकूण ३४ जणांविरोधात गुन्हा दाखल appeared first on थोडक्यात घडामोडी.