मुंबई : औरंगाबादचं संभाजीनगर होणार हे नक्की, असं वक्तव्य शिवसेना खासदार संजय राऊत यांनी केलं. ते आज (२४ फेब्रुवारी) मुंबईत पत्रकारांशी बोलत होते. संजय राऊत यांना अहमदनगरच्या नामांतराच्या मागणीविषयी विचारलं असता त्यांनी अशा मागण्या होतच असतात. पण औरंगाबादचं संभाजीनगर होणार हे नक्की, असे सूचक वक्तव्य केले. मात्र त्यामुळे आता महाविकासआघाडीत पुन्हा वादाला तोंड फुटण्याची शक्यता वर्तवण्यात येत आहे.

काही दिवसांपूर्वी काँग्रेस नेते बाळासाहेब थोरात, अशोक चव्हाण, विजय वडेट्टीवार यांनी औरंगाबादच्या नामांतरावरुन शिवसेनेविरोधात भूमिका मांडली होती. त्यानंतर या विषयावरून महाविकासआघाडीत कुरबुरी सुरु झाल्या होत्या. ‘सामना’तून काँग्रेस नेत्यांवर टीकाही करण्यात आली होती.

संजय राऊतांनी मुस्लीम व्होट बँक दुरावेल या भीतीपोटीच काँग्रेस नामांतराला विरोध करत आहे, अशी घणाघाती टीका केली होती. परंतु औरंगाबादच्या नामांतराचा विषय हा व्होटबँकेचा मुद्दा नाही. हा लोकभावनेचा विषय आहे. त्यामुळे राज्यातच काय देशातही औरंगजेबाच्या नावाबाबत कुणीही आग्रही असू नये. औरंगाबादच्या नामांतराचा विषय माझ्यासाठी संपला आहे. याबाबत मुख्यमंत्र्यांचा निर्णय झाला आहे, असेही संजय राऊत यांनी स्पष्ट केले होते.

The post औरंगाबादचं संभाजीनगर होणार हे नक्की, संजय राऊत यांचे सूचक वक्तव्य appeared first on थोडक्यात घडामोडी.

औरंगाबादचं संभाजीनगर नामकरण करण्यास काँग्रेसचा विरोध आहे. काँग्रेसचे प्रदेशाध्यक्ष बाळासाहेब थोरात यांनी यासंदर्भात भूमिका मांडली आहे.

बाळासाहेब थोरात म्हणाले, “औरंगाबादचं नाव बदलण्याचा अजेंडा काँग्रेलसा मान्य नाहीये. महाविकास आघाडी सरकारची स्थापना विकासाच्या मुद्द्यावर झाली आहे. यामध्ये हा अजेंडा नाही. त्यामुळे आम्ही केवळ विकासाच्या मुद्द्यावर लक्ष केंद्रीत करणार आहोत. शहराची नावं बदलण्याचा विषय आम्हाला मान्य नाही”

ते पुढे म्हणाले कि, “नाव बदलण्यावर आम्ही विश्वास ठेवत नाही. नाव बदल करून काही होऊ शकत नाही. विकास कसा करता येईल हे महत्त्वाचं असतं. शिवाय असा प्रस्ताव शिवसेना आणणार नसल्याची मला खात्री आहे.”

The post औरंगाबादचं संभाजीनगर नामकरण आम्हाला मान्य नाही – बाळासाहेब थोरात appeared first on थोडक्यात घडामोडी.