नवी दिल्ली : राष्ट्रीय सुरक्षा सल्लागार (NSA) अजित डोवाल यांच्या घरात एक संशयित घुसण्याचा प्रयत्न करत होता. अजित डोवल यांच्या दिल्लीतील शासकीय निवासस्थानात घुसण्याचा प्रयत्न करण्यात आल्याचा धक्कादायक प्रकार समोर आला आहे. संशयित व्यक्तीला सुरक्षा दलांनी ताब्यात घेतले असून त्याची चौकशी करण्यात येत आहे.

सुरक्षारक्षकांनी या संशयिताला पकडले. दिल्ली पोलिसांच्या विशेष पथकासोबत चौकशीदरम्यान त्याने अजब दावा केला आहे, त्याने सांगितले की त्याच्या शरीरात एक चिप आहे, जी रिमोटने नियंत्रित केली जात आहे. तपासात तो कर्नाटकचा रहिवासी असल्याचे समोर आले. अज्ञात व्यक्ती एक कार चालक आहे. मात्र, त्याची मानसिक स्थिती स्थिर नसल्याचे सांगण्यात येत आहे.

The post NSA अजित डोवाल यांच्या घरात घुसण्याचा प्रयत्न, ताब्यात घेतलेल्या आरोपीने केला अजब दावा… appeared first on थोडक्यात घडामोडी.

नवी दिल्ली : राष्ट्रीय सुरक्षा सल्लागार अजित डोवाल यांच्या सुरक्षेत वाढ करण्यात आली आहे. जैश ए मोहम्मदच्या अटक करण्यात आलेल्या एका दहशतवाद्यानं आपण अजित डोवाल यांच्या कार्यालयाची रेकी केल्याची कबूली दिल्यानंतर हा निर्णय घेण्यात आला. पाकिस्तानी हॅन्डलरच्या सांगण्यावरून हे केल्याचं त्याने सांगितलं आहे. यानंतर सुरक्षा एजन्सी अलर्ट झाल्या आहेत.

काश्मीरच्या शोपियाँचा रहिवासी असलेल्या हिदायत उल्लाह मलिक याला ६ फेब्रुवारी रोजी अटक करण्यात आली होती. मलिक याच्याजवळ डोवाल यांच्या कार्यालयाच्या रेकीचा एक व्हिडिओ आढळला होता. डोवाल यांच्या कार्यालयाशिवाय श्रीनगरमधील इतरही काही भागांचं व्हिडिओ चित्रीकरण मलिककडे सापडलं होतं. हे व्हिडिओ त्याने पाकिस्तानमध्ये पाठवले होते, असंही सांगण्यात येत आहे.

जम्मूच्या गंग्याल पोलीस स्टेशनमध्ये मलिकविरोधात यूएपीएच्या कलम १८ आणि २० अंतर्गत एफआयआर दाखल करण्यात आली आहे. मलिक हा जैशच्या ‘लष्कर ए मुस्तफा’ या ग्रुपचा प्रमुख असल्याची माहिती मिळत आहे. त्याला अनंतनागमधून हत्यारं आणि स्फोटकांसहीत अटक करण्यात आली होती.

The post दहशतवाद्यानं दिली धक्कादायक कबुली, राष्ट्रीय सुरक्षा सल्लागार अजित डोवाल यांच्या सुरक्षेत वाढ appeared first on थोडक्यात घडामोडी.