नवी दिल्ली : लोकसभेत गुरुवारी विकसित भारत – रोजगार आणि अजीविका मिशन (ग्रामीण) साठी हमीर-व्हीबी-जी राम जी विधेयक, २०२५ मंजूर करण्यात आले. विधेयकावर विरोधकांनी जोरदार निषेध नोंदवला; काही सदस्यांनी सभागृहाच्या वेलमध्ये प्रवेश करून कागदपत्रे फाडली आणि सभापतींच्या खुर्चीकडे फेकली, ज्यामुळे सभागृहात तणावाची परिस्थिती निर्माण झाली.

विरोधकांनी विधेयक स्थायी समितीकडे पाठवण्याची मागणी केली, मात्र सभापतींनी यावर आधीच सविस्तर चर्चा झाल्याचे सांगितले. विधेयक आता राज्यसभेत मांडले जाणार आहे. विधेयक मंजूर झाल्यानंतर लोकसभा दिवसभरासाठी तहकूब करण्यात आली असून, शुक्रवारी सकाळी ११ वाजता सुरू होईल.

विधेयकाविरोधात विरोधकांचा प्रमुख मुद्दा महात्मा गांधींचे नाव काढणे होता. काँग्रेस नेत्या प्रियंका गांधी वाड्रा, द्रमुकचे टीआर बालू आणि समाजवादी पक्षाचे धर्मेंद्र यादव यांनी महात्मा गांधींचे नाव कायद्यातून काढणे हा राष्ट्रपित्याचा अपमान असल्याचे म्हटले. तसेच प्रस्तावित कायद्यामुळे राज्यांवर आर्थिक भार वाढेल, असा युक्तिवाद त्यांनी केला.

केंद्रीय ग्रामीण विकास मंत्री शिवराज सिंह चौहान यांनी विधेयकाचे जोरदार समर्थन करत विरोधकांवर निशाणा साधला. त्यांनी सांगितले की, राष्ट्रीय ग्रामीण रोजगार हमी कायदा लागू होण्यापूर्वीच मागील सरकारांनी नोकरी हमी योजना सुरू केली होत्या. २००९ च्या सार्वत्रिक निवडणुकीदरम्यान महात्मा गांधींचे नाव मनरेगामध्ये जोडण्यात आले असल्याचा त्यांनी दावा केला.

चौहान यांनी विरोधकांच्या आरोपांना फेटाळून लावले आणि नेहरू-गांधी कुटुंबाच्या नावावर चालणाऱ्या अनेक कल्याणकारी योजनांची यादी सादर केली. तसेच काँग्रेसवर महात्मा गांधींच्या आदर्शांशी विश्वासघात केल्याचा आरोप केला. ते म्हणाले की, पक्षाने भारताची फाळणी स्वीकारली होती आणि स्वातंत्र्यानंतर काँग्रेसचे विघटन करण्याच्या गांधीजींच्या आवाहनाकडे दुर्लक्ष केले होते. ते पुढे म्हणाले की, अनेक राज्यांनी मनरेगाच्या अंमलबजावणीत त्रुटी केल्या, जसे की कामगारांवर अप्रमाणित खर्च केला आणि साहित्य खरेदीकडे दुर्लक्ष केले, ज्यामुळे योजनेअंतर्गत तयार झालेल्या मालमत्तेची गुणवत्ता प्रभावित झाली.

विधेयकावरील चर्चेदरम्यान विरोधकांनी “आम्हाला मनरेगा हवा आहे” अशी घोषणाबाजी केली. त्यामुळे ग्रामीण रोजगार योजना आणि प्रस्तावित जी राम जी विधेयकवरून सरकार आणि विरोधी पक्षांमधील मतभेद स्पष्टपणे समोर आले.

The post जी राम जी विधेयक लोकसभेत मंजूर; विरोधकांचा प्रचंड गदारोळ appeared first on थोडक्यात घडामोडी.

नवी दिल्ली : संसदेच्या पावसाळी अधिवेशनाचा शेवटचा आठवडा सुरू आहे. या आठवड्याची सुरुवात देखील गोंधळाने झाली. लोकसभेचे कामकाज अनिश्चित काळासाठी स्थगित करण्यात आलं असून काल राज्यसभा सभापतींवर पुस्तक भिरकावल्याच्या घटनेची सभापती व्यंकय्या नायडू यांनी निंदा केली आहे. राज्यसभेचे सभापती व्यंकय्या नायडू यावेळी भावूक झालेले दिसले.

सदनात काल झालेल्या घटनेवर सभापतींनी निराशा व्यक्त केली. विरोधी पक्ष सदनाची मर्यादा विसरल्याची टिप्पणीही त्यांनी केली. तसंच अशा घटना पुन्हा होता कामा नये, असंही त्यांनी यावेळी बजावलं. व्यंकय्या नायडू म्हणाले की, विरोधक सरकारला सक्ती करू शकत नाहीत. सदस्य निषेध करू शकतात, परंतु अध्यक्षांना काय करावे, काय करू नये हे सांगू शकत नाहीत. ते म्हणाले की, ज्या प्रकारे लोकशाहीचे पावित्र्य नष्ट केले गेले, त्यामुळे मी दुखावलो आहे. माझ्या वेदनेचे वर्णन किंवा निषेध करण्यासाठी माझ्याकडे शब्द नाहीत. राज्यसभेत गोंधळ घालणाऱ्या खासदारांविरोधात कारवाई करण्यात येणार असल्याचे संकेत त्यांनी दिले आहेत.

लोकसभेचे कामकाज अनिश्चित काळासाठी स्थगित करण्यात आले आहे. कनिष्ठ सभागृह नियोजित वेळेच्या दोन दिवस आधी तहकूब करण्यात आले आहे. सभागृहात सतत होणारा गोंधळ लक्षात घेता हा निर्णय घेण्यात आल्याचे बोलले जात आहे. त्याचबरोबर विरोधी नेत्यांनी केलेल्या घोषणाबाजी लक्षात घेता राज्यसभेचे कामकाज दुपारी 12 वाजेपर्यंत तहकूब करण्यात आले. सभागृहाचे कामकाज पुन्हा सुरू झाले आहे.

The post व्यंकय्या नायडू झाले भावूक, विरोधकांच्या गदारोळावर व्यक्त केली प्रतिक्रिया appeared first on थोडक्यात घडामोडी.

नवी दिल्ली : काँग्रेस नेते गुलाम नबी आझाद ४० वर्षांच्या दीर्घ राजकीय कारकीर्दीनंतर राज्यसभेतून निवृत्त झाले. संसदेत त्यांच्याबद्दल बोलताना पंतप्रधान नरेंद्र मोदी यांना अश्रू अनावर झाल्याचं पहायला मिळालं. आपल्या भाषणात त्यांनी गुलाम नबी आझादांची स्तुती करुन त्यांना सलाम केला होता. त्यानंतर आझाद आता भाजपमध्ये प्रवेश करतील अशी चर्चा सुरु होती. परंतु आता स्वत: गुलाम नबी आझाद यांनी या चर्चेला पूर्णविराम दिला आहे.

एका मुलाखतीत भाजप प्रवेशाच्या चर्चेवर उत्तर देताना ते म्हणाले की, “ज्यावेळी काश्मीरमध्ये काळा बर्फ पडायला सुरुवात होईल त्यावेळी मी भाजपमध्ये प्रवेश करेन.” अशा प्रकारे गुलाम नबी आझाद यांनी या चर्चेला पूर्णविराम दिला.

The post भाजप प्रवेशाच्या चर्चेवर गुलाम नबी आझाद यांनी दिलं ‘हे’ उत्तर appeared first on थोडक्यात घडामोडी.

राज्यसभेत पंतप्रधान नरेंद्र मोदी यांनी राष्ट्रपतींच्या अभिभाषणावर धन्यवाद प्रस्तावाला उत्तर दिलं. यावेळी भाषणात ते म्हणाले कि, आंदोलनजीवी जमात उदयास आली आहे. या जमातीपासून सावध राहण्याची गरज आहे. हे आंदोलनजीवी परजीवी आहेत, ते कुणाचंही आंदोलन सुरू असेल तिथे घुसतात.

पंतप्रधान नरेंद्र मोदी म्हणाले कि, ‘आपण सगळेच काही शब्दांशी परिचीत आहोत, श्रमजीवी, बुद्धीजीवी असे शब्द आपल्याला माहीत आहेत. परंतु, मी पाहतोय कि, गेल्या काही दिवसांपासून देशात एका नव्या जमातीचा जन्म झाला आहे. ती आहे ‘आंदोलनजीवी’ जमात. वकिलांचं आंदोलन सुरू आहे, तिथे ही जमात जाणार. विद्यार्थ्यांचं आंदोलन सुरू आहे, तिथेही दिसणार. मजुरांचं आंदोलन सुरू आहे, तिथेही दाखल होणार. कधी पडद्याच्या मागे तर कधी पडद्याच्या समोर.’

‘ही संपूर्ण टोळीच आंदोलनजीवी आहे. ते आंदोलनाशिवाय जगू शकत नाहीत. आपण अशा लोकांना ओळखायला हवं. या जमातीपासून सावध राहायला हवं. हे आंदोलनजीवी लोक कधीही स्वत: आंदोलन करत नाही, परंतु, कुणाचंही आंदोलन सुरू असेल तिथे घुसतात. हे आंदोलनजीवी परजीवी आहेत, जे प्रत्येक ठिकाणी भेटतील,’ अशी टोलेबाजी पंतप्रधान मोदींनी केली आहे.

The post देशात ‘आंदोलनजीवी’ जमातीचा जन्म झाला आहे, सावध राहण्याची गरज, पंतप्रधान नरेंद्र मोदी यांची टोलेबाजी appeared first on थोडक्यात घडामोडी.

नवी दिल्ली:  कृषी उत्पादन व्यापार आणि वाणिज्य विधेयक, जीवनावश्यक वस्तू विधेयक, हमीभाव आणि कृषीसेवा विधेयक ही तीन विधेयकं लोकसभेत मंजूर करण्यात आली होती. त्यानंतर ही विधेयकं राज्यसभेत मांडण्यात आली ज्यावरुन मोठा गदारोळ पाहायला मिळाला. त्यामुळे या गदारोळातच राज्यसभेत हे विधेयक आवाजी मतदानाने मंजूर झाले आहे.

दरम्यान, सभागृहातील गदारोळानंतर राज्यसभेचं कामकाज हे उद्यापर्यंत तहकूब करण्यात आलं आहे. विधेयकाला विरोध करताना विरोधी पक्षांच्या नेत्यांनी वेलमध्ये उतरून जोरदार घोषणाबाजी केली. कॉंग्रेसचे खासदार टी.एन प्रथपन यांनी कृषी विधेयक हे देशभरातील शेतकर्‍यांच्या विरोधी असल्याचे सांगत लोकसभेत स्थगन प्रस्तावाची नोटीस दिली.

तृणमूल कॉंग्रेसचे खासदार डेरेक ओब्रायन यांनी राज्यसभेचे उपसभापती हरिवंश यांना सभागृहाचे नियम पुस्तिका दाखवली आणि त्यानंतर त्याच्या समोर जाऊन ती फाडली देखील तर अनेक खासदारांनी आपल्या समोर असणारे माईकदेखील तोडून टाकले. तसंच उपसभापतींसमोर असणारे माईक देखील तोडण्यात आले त्यामुळे सभागृहातील गदारोळानंतर राज्यसभेचं कामकाज हे उद्यापर्यंत तहकूब करण्यात आलं आहे

तोमर म्हणाले की, ‘दोन्ही विधेयके ऐतिहासिक आहेत आणि यामुळे शेतकऱ्यांच्या जीवनात क्रांतिकारक बदल घडतील. या विधेयकांच्या तरतुदीनुसार शेतकरी कोठेही आपली पिके विकू शकतील व त्यांना इच्छित भावाने आपला माल विकण्याचे स्वातंत्र्य असेल. तसेच शेतकऱ्यांना संरक्षण देण्याच्या तरतुदीही करण्यात आल्या आहेत.

The post राज्यसभेत प्रचंड गदारोळादरम्यानच कृषी विधेयक झाले मंजूर appeared first on थोडक्यात घडामोडी.

नवी दिल्ली : दोन कृषिविषयक विधेयके जे न्यूनतम समर्थन मूल्य (MSP) आणि सार्वजनिक खरेदी प्रणाली संपुष्टात आणणार आहेत, आज राज्यसभेत सादर होणार आहेत. सर्वात जास्त पीडित : शेतकरी… सर्वात मोठे लाभार्थी : कॉर्पोरेटस’ असं ट्विट जयराम रमेश यांनी केलंय. या दोन विधेयकांमुळेत देशातील खाद्य सुरक्षेचे दोन स्तंभ उद्ध्वस्त होणार आहेत, असंही त्यांनी म्हटलंय.

Two agri-marketing Bills that spell the end of the Minimum Support Price (MSP) and public procurement system being taken up today in the Rajya Sabha.

Biggest victims: farmers.
Biggest gainers: corporates. pic.twitter.com/o8wKpBuM50

— Jairam Ramesh (@Jairam_Ramesh) September 20, 2020

कृषिविषयक विधेयकांमुळे शेतकऱ्यांना मिळणारी न्यूनतम समर्थन मूल्य (Minimum Support Price) आणि उत्पादनांची सरकारी खरेदीची प्रणाली संपुष्टात येईल. यामुळे सर्वाधिक नुकसान हे शेतकऱ्यांनाच सहन करावं लागणार आहे आणि देशातील मोठे भांडवलदार आणखीन मालामाल होतील, असं जयराम रमेश यांनी सोशल मीडियावर म्हटलं आहे. कृषिविषयक विरोधकांना विरोधी पक्षांसहीत भाजपचा सहकारी पक्ष असलेल्या अकाली दलानंही विरोध दर्शवला आहे.

‘

The post कृषि विधेयक : शेतकरी जास्त पीडित व कॉर्पोरेटस सर्वात मोठे लाभार्थी – जयराम रमेश appeared first on थोडक्यात घडामोडी.