मुंबई : मुंबई – गोवा महामार्गावरील हातखंबा येथील गॅस टँकर उलटण्याच्या दुर्घटनेत कोणतीही जीवितहानी नाही. वाहतूक पूर्ववत सुरू करण्यात आली आहे, असे सार्वजनिक बांधकाम विभाग (सार्वजनिक उपक्रम)च्या वतीने कळविण्यात आले आहे.

महामार्गावरील हातखंबा पुनर्रचना विभागात आज सकाळी 9.30 वाजता गॅस टँकर अतिवेगामुळे उलटला. या दुर्घटनेबाबत प्रसार माध्यमातून वृत्त प्रसिद्ध झाले होते. टँकरजवळ उभ्या असलेल्या लहान चहाच्या स्टॉलवर (टपरी) आणि तेथील 3-4 दुचाकींवर तो उलटला. या घटनेत कोणतीही जीवितहानी झालेली नाही. तेथील वाहतूक पुन्हा सुरू झाली आहे. कंत्राटदार कंपनी कडून पोलिस अधिकाऱ्यांशी समन्वय साधून आवश्यक ती सर्व यांत्रिक मदत पुरवली आहे आणि टँकर उचलण्याचे काम सुरू आहे.

The post मुंबई – गोवा महामार्गावर गॅस टँकर उलटला, सुदैवाने दुर्घटनेत जीवितहानी नाही appeared first on थोडक्यात घडामोडी.

रायगड : मुंबईहून कोकणात निघालेल्या खासगी प्रवासी बसचा रविवारी रात्री उशिरा रायगड जिल्ह्यातील कर्नाळा खिंडीत भीषण अपघात झाला. या अपघातात सध्या मिळालेल्या माहितीनुसार दोन प्रवाशांचा मृत्यू झाला असून 30 हून अधिक प्रवासी गंभीर जखमी झाले आहेत. काही जखमींवर पनवेल आणि कळंबोली येथील रुग्णालयांमध्ये उपचार सुरू आहेत.

मिळालेल्या माहितीनुसार, ही घटना रविवारी रात्री अकराच्या सुमारास घडली. बोरिवलीहून सिंधुदुर्ग जिल्ह्यातील सावंतवाडी येथे जाणारी ओमकार ट्रॅव्हल्सची खासगी बस (MH 47 Y 7487) कर्नाळा खिंडीत नागमोडी वळणावर आली असताना चालकाचे बसवरील नियंत्रण सुटल्याने ती पलटी झाली. या अपघातामुळे बसमधील अनेक प्रवासी गंभीररीत्या जखमी झाले, तर काही प्रवासी बसमध्ये अडकले होते. अपघाताची माहिती मिळताच स्थानिक नागरिक, पनवेल तालुका पोलीस, पनवेल महानगरपालिका आणि कळंबोली फायर ब्रिगेडच्या रेस्क्यू टीमने तातडीने घटनास्थळी धाव घेतली. अडकलेल्या प्रवाशांना बाहेर काढण्यासाठी क्रेन आणि ॲम्बुलन्सच्या मदतीने शर्थीचे प्रयत्न करण्यात आले.

जखमींना कळंबोली येथील एमजीएम रुग्णालय आणि पनवेल येथील गांधी हॉस्पिटल येथे दाखल करण्यात आले आहे. एमजीएममध्ये सुमारे 23 प्रवासी उपचार घेत आहेत, तर गांधी हॉस्पिटलमध्ये दोन जखमींवर उपचार सुरू आहेत. काही जखमींना प्राथमिक उपचारांनंतर घरी सोडण्यात आले आहे, तर काहींची स्थिती चिंताजनक असल्याची माहिती डॉक्टरांकडून मिळत आहे.

अपघातामुळे मुंबई-गोवा महामार्गावरील वाहतूक काही काळ ठप्प झाली होती. पोलिसांनी रात्रभर प्रयत्न करून वाहतूक पूर्ववत केली.

दरम्यान, उन्हाळी सुट्टीच्या पार्श्वभूमीवर ही बस प्रवाशांनी भरलेली होती. महिलांसह लहान मुले आणि वयोवृद्ध प्रवासी देखील बसमध्ये होते. दरवर्षी सुट्टीच्या काळात कोकणात जाणाऱ्यांची संख्या वाढत असल्याने खासगी बससेवा मोठ्या प्रमाणावर सुरु असते. याच काळात हा अपघात घडला.

कर्नाळा खिंडीत नागमोडी वळणांमुळे आणि रस्त्यावरील अपुऱ्या सुरक्षाव्यवस्थेमुळे अपघातांचे प्रमाण वाढले आहे. स्थानिक नागरिकांनी रस्ते सुरक्षेच्या उपाययोजना करण्याची मागणी केली असून, वारंवार होणाऱ्या अपघातांमुळे शासनाच्या दुर्लक्ष करण्यावर नाराजी व्यक्त केली आहे.

या अपघाताची नोंद पनवेल शहर पोलीस ठाण्यात करण्यात आली आहे. अपघाताचे नेमके कारण जाणून घेण्यासाठी पोलीस तपास करत आहेत. बसचालकावर निष्काळजीपणाचा गुन्हे दाखल होण्याची शक्यता आहे.

The post भीषण अपघात! मुंबई-गोवा महामार्गावर खासगी बस उलटली, दोन जणांचा मृत्यू, 30 हून अधिक जखमी appeared first on थोडक्यात घडामोडी.

पुणे : ऑटो रिक्षा चालवणाऱ्या एका अल्पवयीन मुलाचे वाहनावरील नियंत्रण सुटल्यामुळे रिक्षा रेलिंगवर आदळून अपघात झाला. या अपघातात रितेश शिवाजी गायकवाड (वय १९) याचा मृत्यू झाला. रितेश कात्रजमधील गोकुळ नगर येथील रहिवासी होता. १५ एप्रिल रोजी पहाटे कात्रज-कोंढवा रस्त्यावरील पुलावर हा अपघात झाला.

पोलिसांनी दिलेल्या माहितीनुसार, आरोपी अल्पवयीन मुलगा १५ एप्रिल रोजी पहाटे ऑटो रिक्षा चालवत होता. यावेळी त्याचे रिक्षावरील नियंत्रण सुटले आणि तो रस्त्यावरील पुलाच्या रेलिंगवर आदळला. रितेश गायकवाड हा ऑटो रिक्षात बसला होता, अपघातात तो जखमी झाला. घटनेची माहिती मिळताच पोलिसांचे पथक घटनास्थळी पोहोचले आणि रितेशला उपचारासाठी रुग्णालयात दाखल केले. मात्र, उपचारादरम्यान १६ एप्रिल रोजी त्याचा मृत्यू झाला.

या प्रकरणी गुरुवारी भारती विद्यापीठ पोलिस ठाण्यात एफआयआर दाखल करण्यात आला. पोलिसांनी आरोपी अल्पवयीन मुलावर आणि वाहनाचे मालक असलेल्या त्याच्या वडिलांवर भारतीय दंड संहितेच्या कलम १०६(१) आणि २८१ अंतर्गत निष्काळजीपणा आणि निष्काळजीपणामुळे झालेल्या मृत्यूच्या आरोपाखाली गुन्हा दाखल केला आहे. पोलिसांनी या घटनेची अधिक चौकशी सुरू केली.

The post पुणे : अल्पवयीन मुलाकडून रिक्षावरील नियंत्रण सुटून अपघात, १९ वर्षीय मुलाचा मृत्यू appeared first on थोडक्यात घडामोडी.

पुणे : भरधाव वेगाने जाणारी दुचाकी विजेच्या खांबाला धडकून दुचाकीस्वार आणि त्याच्या मागे बसलेल्या प्रवाशाचा मृत्यू झाल्याची घटना समोर आली आहे. जांभुळवाडी परिसरात मंगळवारी रात्री उशिरा हा भीषण अपघात घडला.

पोलिसांच्या माहितीनुसार, हा अपघात मंगळवारी मध्यरात्रीच्या सुमारास घडला. जांभुळवाडी रस्त्यावर गाथा स्विमिंग पूलजवळ दुचाकीवरील चालकाचे नियंत्रण सुटले, ज्यामुळे दुचाकी रस्त्याच्या कडेला असलेल्या धातूच्या विजेच्या खांबावर आदळली. या अपघातात चालक आणि प्रवाशाच्या डोक्याला गंभीर दुखापत झाली. पोलिसांनी तात्काळ घटनास्थळी पोहोचून जखमींना रुग्णालयात दाखल केले. मात्र, रुग्णालयात त्यांना मृत घोषित करण्यात आले.

पोलिसांनी सांगितले की, हा अपघात अतिवेगामुळे झाला आहे आणि अधिक तपास सुरू आहे. या घटनेने वाहनचालकांना वेग नियंत्रणात ठेवण्याचे महत्त्व पुन्हा एकदा अधोरेखित झाले आहे.

कात्रज डेअरीजवळ अपघात : रुग्णवाहिकेच्या धडकेत मोटारसायकलस्वाराचा मृत्यू

The post जांभुळवाडी परिसरात भीषण अपघात, भरधाव दुचाकी विजेच्या खांबाला धडकल्याने दोघांचा मृत्यू appeared first on थोडक्यात घडामोडी.

मुंबई : दादर कोर्टाने रस्ते अपघातांबाबत महत्त्वपूर्ण निर्णय दिला आहे. रस्त्यावर पायी चालणाऱ्याच्या निष्काळजीपणामुळे एखादा अपघात झाल्यास त्यासाठी कार चालकास जबाबदार धरता येणार नाही, असे कोर्टाचे नमूद केले आहे.

दंडाधिकारी कोर्टाचे न्यायाधीश प्रवीण पी. देशमाने म्हणाले, रस्त्यावर चालताना किंवा रस्ता ओलांडताना सावधगिरी बाळगणे हे एका पादचारी (पायी चालणाऱ्या) व्यक्तीचे कर्तव्य आहे. पादचाऱ्यांच्या बेजबाबदारपणामुळे एखादा अपघात झाला, तर वाहन चालकाला त्यासाठी गुन्हेगार मानले जाणार नाही, असे नमूद करून न्यायाधीश देशमाने यांनी एका 56 वर्षीय महिला व्यावसायिकेला 5 वर्षापूर्वीच्या रस्त्यावरील अपघाताच्या प्रकरणातून निर्दोष मुक्त केले.

फिर्यादी पक्षाच्या म्हणण्यानुसार, 20 ऑक्टोबर 2015 रोजी सकाळी 9 वाजता एक महिला पायी चालत तिच्या ऑफिसला जात होती, तेव्हा मागून येणाऱ्या एका कारने त्यांना धडक दिली. त्यामुळे ती महिला जमिनीवर पडली आणि कारचे एक चाक तिच्या पायाच्या अंगठ्यावरून गेले. ही कार एक महिला व्यावसायिक चालवत होती. तथापि, अपघात होताच महिलेने गाडी थांबविली होती. दुसर्‍याच दिवशी जखमी महिलेच्या वडिलांनी पोलिसांत तक्रार दाखल केली. काही आठवड्यांनंतर जखमी महिलेचा जबाब नोंदविण्यात आला आणि गुन्हा दाखल करण्यात आला. भोईवाडा पोलिसांनी याप्रकरणी आरोपपत्र दाखल केले होते.

कोर्टाने दोन्ही बाजू ऐकून घेतल्यानंतर निर्णय दिला की पादचाऱ्यांसाठी फुटपाथ बनवले आहेत आणि वाहनांसाठी रस्ता तयार करण्यात आला आहे. परंतु, जखमी महिला रस्त्यावर चालत होती. त्यामुळे कार चालकास दोषी मानले जाऊ शकत नाही, असे नमूद करून कोर्टाने गाडी चालवणाऱ्या महिलेला या प्रकरणातून निर्दोष मुक्त केले.

The post कोर्टाचा महत्वपूर्ण निर्णय, पादचाऱ्याच्या निष्काळजीपणामुळे अपघात झाल्यास वाहन चालक जबाबदार नाही appeared first on थोडक्यात घडामोडी.