मुख्यमंत्री उद्धव ठाकरे यांच्या पत्नी रश्मी ठाकरे यांना रुग्णालयात दाखल करण्यात आलं आहे. काही दिवसांपूर्वीच रश्मी ठाकरे यांना कोरोनाची लागण झाली होती. त्या घरीच विलगीकरणात होत्या. परंतु, आता त्रास जाणवू लागल्याने त्यांना दक्षिण मुंबईतील HN रिलायन्स रुग्णालयात दाखल करण्यात आलं.

राज्याचे पर्यावरण व पर्यटन मंत्री आदित्य ठाकरे यांना कोरोनाची लागण झाली होती. त्यांनी २० मार्चला यासंबंधी माहिती दिली होती. आदित्य ठाकरेंच्या संपर्कात असल्याने रश्मी ठाकरे यांचीही कोरोना चाचणी करण्यात आली असता ती पॉझिटिव्ह आली होती. यानंतर त्या विलगीकरणात होत्या. पण आता खोकल्याचा त्रास होऊ लागल्याने त्यांना रुग्णालयात दाखल करण्यात आलं आहे.

The post मुख्यमंत्री उद्धव ठाकरे यांच्या पत्नी रश्मी ठाकरे रुग्णालयात दाखल appeared first on थोडक्यात घडामोडी.

वर्षभरापूर्वी काँग्रेसच्या तिकिटावर लोकसभेची निवडणूक लढणाऱ्या व त्यानंतर काही दिवसांतच काँग्रेस सोडणाऱ्या अभिनेत्री उर्मिला मातोंडकर यांनी आज शिवसेनेत जाहीर प्रवेश केला. विधान परिषदेतील राज्यपाल नियुक्त जागेवर शिवसेनेनं उर्मिला यांना उमेदवारी दिली आहे. ही उमेदवारी देताना मुख्यमंत्री ठाकरे यांनी त्यांच्याशी चर्चा केली होती.

काही दिवसांपासून उर्मिला यांच्या शिवसेना प्रवेशाची चर्चा सुरू झाली होती. संजय राऊत यांनी कालच या चर्चेला दुजोरा दिला होता. आज दुपारी उर्मिला मुख्यमंंत्र्यांच्या ‘मातोश्री’ निवासस्थानी पोहोचल्या. तिथं त्यांनी शिवसेनेत प्रवेश केला. रश्मी ठाकरे यांनी उर्मिला यांच्या हाती शिवबंधन बांधलं.

२०१९ च्या लोकसभा निवडणुकीपूर्वी उर्मिला यांनी काँग्रेसमध्ये प्रवेश केला होता. उत्तर मुंबई लोकसभा मतदारसंघातून त्यांना भाजपचे गोपाळ शेट्टी यांच्या विरोधात उमेदवारी मिळाली होती. या निवडणुकीत त्यांचा पराभव झाला. त्यानंतर पक्षांतर्गत राजकारणाला कंटाळून त्यांनी काँग्रेस पक्ष सोडला. अभिनेत्री कंगना हिनं मुंबई, मुंबई पोलीस व बॉलिवूडबद्दल केलेल्या आक्षेपार्ह वक्तव्याला उत्तर दिल्यामुळं अलीकडं उर्मिला पुन्हा चर्चेत आल्या होत्या. त्यानंतर शिवसेनेनं विधान परिषदेसाठी त्यांच्या नावाची शिफारस केली होती.

The post उर्मिला मातोंडकर यांच्या हाती शिवबंधन, शिवसेनेत जाहीर प्रवेश appeared first on थोडक्यात घडामोडी.