मुंबई : कांदिवली पूर्वेतील ठाकूर व्हिलेजमधील सरोवा कॉम्प्लेक्स या उंच इमारतीत गुरुवारी सकाळी अचानक आग लागली. प्राथमिक माहितीनुसार, ही आग विद्युत स्पार्किंगमुळे लागल्याचे सांगितले जात आहे.

घटनेची माहिती मिळताच मुंबई अग्निशमन दल, समता नगर पोलिस तत्काळ घटनास्थळी दाखल झाले. त्यांनी आग आटोक्यात आणण्यासाठी तातडीने कारवाई सुरू केली. आग लागल्याने काही काळ परिसरात भीतीचं वातावरण निर्माण झालं होतं.

या दुर्घटनेत सुदैवाने कोणतीही जीवितहानी किंवा गंभीर दुखापत झाल्याचे वृत्त नाही. आग पूर्णतः विझल्यानंतर याचे नेमके कारण आणि संभाव्य नुकसान याची चौकशी करण्यात येणार आहे. घटनेचा तपास संबंधित यंत्रणांकडून सुरू आहे.

The post कांदिवलीतील सरोवा कॉम्प्लेक्स इमारतीत आग, अग्निशमन दल घटनास्थळी दाखल appeared first on थोडक्यात घडामोडी.

मुंबई : मराठा क्रांती मोर्चाचे समन्वयक रमेश केरे यांनी आत्महत्येचा प्रयत्न केला आहे. विष प्राशन करून त्यांनी आत्महत्येचा प्रयत्न केला. फेसबुक लाईव्ह सुरू असताना त्यांनी विष प्राशन केले. सध्या त्यांच्यावर जेजे रुग्णालयात उपचार सुरू आहेत. मराठा क्रांती मोर्चाबाबतची एक ऑडिओ क्लिप व्हायरल झाली होती. ज्यामध्ये केरे यांच्यावर पैसे घेतल्याचा आरोप होता. ही ऑडिओ क्लिप व्हायरल झाल्यानंतर मराठा क्रांती मोर्चाचे समन्वयक रमेश केरे यांनी हे धक्कादायक पाऊल उचलले आहे. हा मराठा क्राती मोर्चासाठी मोठा धक्का माणण्यात येत आहे.

दरम्यान या घटनेआधी रमेश केरे यांनी फेसबुक लाईव्ह करत आपली भूमिका मांडली होती. मी आतापर्यंत मराठा बांधवांसाठी लढत आलो. मराठा समाजाला ओबीसीमधून आरक्षण मिळावे यासाठी माझे प्रामाणिक प्रयत्न सुरू आहेत. मराठा समाजातील विद्यार्थ्यांना न्याय मिळावा यासाठी मी प्रयत्न करत आलो आहे. माझं काम प्रामाणिक असल्यामुळे अनेकदा त्याची दखल घेण्यात आली. मात्र काही दिवसांपासून सोशल मीडियावर एक क्लिप व्हायरल झाली आहे. या क्लिपमुळे माझी बदनामी झाली असं केरे यांनी म्हटलं, आणि त्यानंतर त्यांनी लाईव्हमध्येच विष प्राशान केलं. त्यांच्यावर सध्या मुंबईतील जेजे रुग्णालयात उपचार सुरू आहेत.

The post मोठी बातमी! मराठा क्रांती मोर्चा समन्वयक रमेश केरेंचा आत्महत्येचा प्रयत्न, VIDEO appeared first on थोडक्यात घडामोडी.

मुंबई : उद्योजक मुकेश अंबानी यांच्या मुंबईतील अँटिलिया या निवासस्थानाबाहेर स्फोटकांनी भरलेली स्कॉर्पिओ आढळल्याने खळबळ उडाली आहे. या स्कॉर्पिओमध्ये जिलेटिनचा साठा सापडला. मुंबई पोलीस, फॉरेन्सिक टीम, आणि श्वानपथकं घटनास्थळी दाखल झाले व त्यांनी तपास सुरु केला आहे.

दरम्यान, या स्फोटकांसह एक चिठ्ठीही सापडली असून त्यामधून घातपाताची धमकी दिल्याची देखील माहिती मिळत आहे. पोलीस आणि तपास यंत्रणांकडून सीसीटीव्ही फूटेज तपासण्याचं काम सुरु आहे.

विशेष म्हणजे अंबानी यांच्या एका गाडीचा नंबर आणि स्फोटकांनी भरलेल्या स्कॉर्पिओ कारचा नंबर सारखाच असल्याचं समोर आलं आहे. कारमध्ये जिलेटिनच्या 25 कांड्या असल्याची माहिती मिळत आहे. मुख्यमंत्री कार्यालय, गृहमंत्रालयाला संबंधित प्रकाराची माहिती देण्यात आली आहे. तसंच केंद्रीय गृहमंत्रालयालाही याबाबत कळवण्यात आलं आहे. आता राज्य आणि केंद्रीय यंत्रणा या प्रकरणी तपास करणार असल्याचं कळतं. राज्य सरकारने मुकेश अंबानी यांच्या कुटुंबाची विचारपूस करुन सुरक्षा देण्याचं आश्वासन दिलं आहे.

The post मुकेश अंबानी यांच्या घराबाहेर आढळली स्फोटकांनी भरलेली स्कॉर्पिओ appeared first on थोडक्यात घडामोडी.