ऑस्ट्रेलियाचा माजी क्रिकेटपटू शेन वॉर्नचा अपघात झाला आहे. वॉर्न त्याचा मुलगा जॅक्सनसोबत बाईक राईडिंग करत होता. त्यावेळी तो खाली पडला आणि जवळपास 15 मिटरपेक्षा जास्त जमिनीवर घासून पुढे गेला. ‘सिडनी मॉर्निंग हेरॉल्ड’ नं दिलेल्या वृत्तानुसार शेन वॉर्नला दुखापत झाली असून बराच त्रास देखील होत आहे.

या अपघातानंतर वॉर्नला आपला पाय मोडला असल्याची भीती वाटत होती. मात्र सुदैवाने त्याला कोणतीही गंभीर दुखापत झालेली नाही. ऑस्ट्रेलिया विरुद्ध इंग्लंड यांच्यातील अ‍ॅशेस सीरिजला (ashes series) 8 डिसेंबरपासून ब्रिस्बेनमध्ये सुरूवात होणार आहे. या सीरिजसाठी शेन वॉर्न कॉमेंट्री करणार आहे.

The post ऑस्ट्रेलियाचा माजी क्रिकेटपटू शेन वॉर्नचा अपघात appeared first on थोडक्यात घडामोडी.

जयपूर : माजी क्रिकेटपटू आणि कॉंग्रेस नेते मोहम्मद अझरुद्दीन यांचा राजस्थानातील सवाई माधोपूर येथे अपघात झाला. या अपघातात मोहम्मद अझरुद्दीन यांची गाडी पलटली. लालसोट कोटा मेगा हायवेवरील सुरवाल पोलिस ठाण्याजवळ हा अपघात झाला. मोहम्मद अझरुद्दीन या अपघातातून थोडक्यात बचावले.

माजी क्रिकेटपटू अझरुद्दीन यांच्या धावत्या कारचा टायर निखळल्यामुळे गाडी अनियंत्रित झाली आणि रस्त्याच्या कडेला असलेल्या ढाब्यात घुसली. या अपघातात अझरुद्दीन व त्याच्या कुटूंबाला कोणतीही इजा झाली नाही, परंतु ढाब्यावर काम करणारी चाळीस वर्षाची एक व्यक्ती जखमी झाली आहे. त्या व्यक्तीला उपचारासाठी रुग्णालयात दाखल करण्यात आले आहे.

या भीषण अपघातानंतर तिथे गर्दी जमली. भारताचा माजी कर्णधार मोहम्मद अझरुद्दीनला दुसर्‍या गाडीतून हॉटेलमध्ये नेण्यात आले. त्याचबरोबर पोलिसांनी या प्रकरणाचा तपास सुरू केला आहे. अझरुद्दीन आपल्या परिवारासोबत रणथंभोरला येत होते.

The post माजी क्रिकेटपटू मोहम्मद अझरुद्दीन यांच्या गाडीला भीषण अपघात, अझरुद्दीन थोडक्यात बचावले appeared first on थोडक्यात घडामोडी.

सचिन तेंडुलकरचे जवळचे मित्र आणि मुंबईकडून स्थानिक क्रिकेट खेळलेले माजी क्रिकेटपटू विजय शिर्के यांचं कोरोनामुळे निधन झालं आहे. त्यांच्यावर ठाण्यातील एका खासगी रुग्णालयात उपचार सुरु होते. विजय शिर्के हे ८० च्या दशकात मुंबईकडून सचिन आणि विनोद कांबळी यांच्यासोबत खेळायचे. सचिनने ट्विट करत त्यांना श्रद्धांजली वाहिली आहे.

सचिनने म्हटलं आहे, मी 15 वर्षाचा असल्यापासून विजय शिर्के यांना ओळखत होतो आणि आम्ही चांगला वेळ घालवला आहे.
त्या आठवणी माझ्याबरोबर कायम राहतील. मी त्यांच्या कुटुंबियांच्या आणि प्रियजनांच्या दुःखात सहभागी आहे.

Rest in peace Vijay Shirke!
Someone whom I knew from the age of 15 and shared some amazing times with.
Those memories will stay with me forever.
My heartfelt condolences to his family & loved ones. pic.twitter.com/yK2dnvyiWB

— Sachin Tendulkar (@sachin_rt) December 21, 2020

मुंबई आणि स्थानिक क्लब क्रिकेटमध्ये खेळताना विजय शिर्के नव्या चेंडूवर शानदान गोलंदाजी करायचे. त्यांच्याकडे चेंडू स्विंग करण्याची नैसर्गिक शैली होती. त्यांच्या निधनामुळे मुंबई क्रिकेटने एका चांगल्या खेळाडूला गमावल्याची भावना व्यक्त केली जात आहे.

The post माजी क्रिकेटपटू विजय शिर्के यांचं कोरोनामुळे निधन appeared first on थोडक्यात घडामोडी.