महाराष्ट्र राज्य माध्यमिक व उच्च माध्यमिक शिक्षण मंडळ - थोडक्यात घडामोडी - Marathi News - मराठी बातम्या - Latest Marathi News at thodkyaatghadamodi.in

दहावीच्या परीक्षेचे अर्ज विलंब शुल्कासह भरण्यास १७ नोव्हेंबर पर्यंत मुदतवाढ

थोडक्यात घडामोडी टीम — Wed, 12 Nov 2025 05:28:02 +0000

मुंबई : महाराष्ट्र राज्य माध्यमिक व उच्च माध्यमिक शिक्षण मंडळामार्फत घेण्यात येणाऱ्या दहावीच्या परिक्षेस बसणाऱ्या नियमित विद्यार्थ्यांचे परीक्षेचे अर्ज ऑनलाईन पद्धतीने त्यांच्या शाळा प्रमुखांमार्फत भरावयाचे आहेत. विलंब शुल्कासह अर्ज भरण्यास १७ नोव्हेंबर २०२५ पर्यंत मुदतवाढ देण्यात येत असल्याचे महाराष्ट्र राज्य माध्यमिक व उच्च माध्यमिक शिक्षण मंडळामार्फत कळविण्यात आले आहे.

त्याचप्रमाणे पुनर्परिक्षार्थी, नावनोंदणी प्रमाणपत्र प्राप्त झालेले खाजगी विद्यार्थी, श्रेणीसुधार योजनेअंतर्गत व तुरळक विषय, आयटीआय (औद्योगिक प्रशिक्षण संस्थेद्वारे ट्रान्सफर ऑफ क्रेडिट घेणारे विद्यार्थी) चे विषय घेऊन प्रविष्ट होऊ इच्छिणाऱ्या विद्यार्थ्यांचे परीक्षेचे अर्ज त्यांच्या शाळा प्रमुखांमार्फत प्रचलित पद्धतीने भरावयाची आहेत. हे अर्ज www.mahahsscboard.in या संकेतस्थळावरून ऑनलाईन पद्धतीने भरावयाच्या विलंब शुल्काच्या तारखांना अंतिम मुदतवाढ देण्यात येत आहे. या तारखांना पुन:श्च मुदतवाढ देण्यात येणार नाही, असेही मंडळामार्फत स्पष्ट करण्यात आले आहे.

The post दहावीच्या परीक्षेचे अर्ज विलंब शुल्कासह भरण्यास १७ नोव्हेंबर पर्यंत मुदतवाढ appeared first on थोडक्यात घडामोडी.

दहावीच्या परीक्षेसाठी ऑनलाइन अर्ज भरण्याची तारीख जाहीर, वर्षा गायकवाड यांनी दिली माहिती

थोडक्यात घडामोडी टीम — Wed, 17 Nov 2021 12:23:15 +0000

मुंबई : महाराष्ट्र राज्य माध्यमिक आणि उच्च माध्यमिक शिक्षण मंडळाने आगामी बोर्ड परीक्षा २०२२ साठी दहावीच्या (SSC) परीक्षेसाठी ऑनलाइन अर्ज भरण्याच्या प्रक्रियेची तारीख जाहीर केली आहे. शालेय शिक्षण मंत्री प्रा. वर्षा गायकवाड यांनी याबाबत माहिती दिली आहे.

वर्षा गायकवाड यांनी ट्विटरवर वेळापत्रक शेअर केले आहे. त्या म्हणाल्या कि, “महाराष्ट्र राज्य माध्यमिक आणि उच्च माध्यमिक शिक्षण मंडळातर्फे 2022 मध्ये घेण्यात येणाऱ्या 10वीच्या परीक्षांचे अर्ज 18 नोव्हेंबरपासून http://mahahsscboard.in वर ऑनलाइन घेतले जातील. ”

महाराष्ट्र राज्य माध्यमिक व उच्च माध्यमिक शिक्षण मंडळातर्फे सन २०२२ मध्ये घेण्यात येणाऱ्या इ.१० वीच्या परीक्षांसाठी प्रविष्ठ होऊ इच्छिणाऱ्या विद्यार्थ्यांच्या परीक्षेचे आवेदनपत्र १८ नोव्हेंबरपासून ऑनलाईन पद्धतीने https://t.co/KX9sqYIXLT या संकेतस्थळावर घेतले जातील.तपशील खाली पहा. pic.twitter.com/e9xWJDM2rn

— Prof. Varsha Eknath Gaikwad (@VarshaEGaikwad) November 17, 2021

इयत्ता १० वीच्या राज्य बोर्ड परीक्षेच्या नियमित विद्यार्थ्यांसाठी अर्ज प्रक्रिया 18 नोव्हेंबरपासून 9 डिसेंबरपर्यंत असेल, तर विलंब शुल्क अर्ज 20 डिसेंबर ते 28 डिसेंबरपर्यंत. उमेदवार गुरुवारपासून अधिकृत वेबसाइटवरून अर्ज डाउनलोड करू शकतात.

महाराष्ट्र राज्य मंडळाने पुनर्परीक्षा, खाजगी उमेदवार, तसेच आयटीआय विद्यार्थ्यांसाठी १० डिसेंबर ते २० डिसेंबरपर्यंत अर्ज प्रक्रिया आमंत्रित केली आहे.

The post दहावीच्या परीक्षेसाठी ऑनलाइन अर्ज भरण्याची तारीख जाहीर, वर्षा गायकवाड यांनी दिली माहिती appeared first on थोडक्यात घडामोडी.

दहावीचा निकाल आज दुपारी १ वाजता

थोडक्यात घडामोडी टीम — Fri, 16 Jul 2021 04:47:00 +0000

महाराष्ट्र राज्य माध्यमिक व उच्च माध्यमिक शिक्षण मंडळाकडून नऊ विभागीय मंडळांचा दहावीचा निकाल आज (१६ जुलै) दुपारी १ वाजता ऑनलाइन जाहीर करण्यात येणार आहे. कोरोनाच्या पार्श्वभूमीवर दहावीची परीक्षा रद्द करत मूल्यमापन पद्धतीने निकाल जाहीर करण्याचा निर्णय शिक्षण विभागाने घेतला होता. नोंदणी केलेल्या विद्यार्थ्यांचा निकाल http://result.mh-ssc.ac.in तसेच मंडळाच्या www.mahahsscboard.in या अधिकृत वेबसाइटवर आज दुपारी १ वाजता जाहीर करण्यात येणार आहे.

महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमार्फत २०२१ मध्ये दहावीसाठी राज्यभरातून १६ लाख ५८ हजार ६२४ विद्यार्थ्यांनी नोंदणी केली होती. यामध्ये नऊ लाख नऊ हजार ९३१ विद्यार्थी, तर सात लाख ४८ हजार ६९३ विद्यार्थिनींचा समावेश आहे.

The post दहावीचा निकाल आज दुपारी १ वाजता appeared first on थोडक्यात घडामोडी.