नवी दिल्ली : भारतीय रिझर्व्ह बँकेने आज रेपो दरात (RBI Repo Rate) कपात करण्याची घोषणा केली आहे. रेपो दरात ०.२५% कपात करण्यात आली आहे, ज्यामुळे रेपो दर आता ६.२५ वरून ६ टक्क्यांवर आला आहे. २०२५ मध्ये आरबीआयने रेपो दरात कपात करण्याची ही दुसरी वेळ आहे. यापूर्वी, फेब्रुवारीमध्ये झालेल्या केंद्रीय बँकेच्या चलनविषयक धोरण बैठकीत, २५ बेसिस पॉइंट्स किंवा ०.२५ टक्के कपात करण्यात आली होती. यामुळे रेपो दर ६.५० वरून ६.२५ टक्क्यांवर आला होता. त्यानंतर आज (९ एप्रिल) झालेल्या कपातीनंतर ते ६ टक्क्यांवर आले आहे.

आरबीआय गव्हर्नर संजय मल्होत्रा यांनी बुधवारी चालू आर्थिक वर्षाच्या पहिल्या द्विमासिक पतधोरण समितीच्या बैठकीनंतर रेपो दरांची घोषणा केली. या कपातीमुळे आता वाहन कर्ज आणि गृहकर्जावरील व्याजदरात कपात दिसून येईल. आरबीआय गव्हर्नर संजय मल्होत्रा यांनी पतधोरण सादर केले. त्यांनी या काळात महागाई कमी झाल्यावर समाधान व्यक्त केले. पतधोरण समितीच्या सर्व सदस्यांनी महागाई लक्षित प्रमाणापेक्षा कमी असल्याचे म्हटले आहे. त्याआधारेच रेपो दरात कपातीचा निर्णय घेण्यात आला. जर गरज असेल आणि वातावरण अनुकूल असेल तर येत्या काळात रेपो दरात अजून कपात होण्याची शक्यता वर्तवण्यात येत आहे. या फेब्रुवारी महिन्यापासून कपातीचे धोरण राबवण्यात आले आहे. सलग दुसर्‍यांदा रेपो दरात कपात करण्यात आली.

RBI ने व्याजदर तर कमी केला…आता ईएमआय कमी करण्यासाठी बँकेत जावे लागेल का? जाणून घ्या आवश्यक माहिती

आरबीआय गव्हर्नर संजय मल्होत्रा यांनी सध्या भडकलेल्या टॅरिफ वॉरबाबत चिंता व्यक्त केली. सध्याची परिस्थिती जगासाठी योग्य नसल्याचे ते म्हणाले. मात्र तरी भारतीय अर्थव्यवस्थेवर त्यांनी विश्वास वर्तवला. या परिस्थितीत सुद्धा भारतीय अर्थव्यवस्थेची घौडदौड सुरूच राहील असे ते म्हणाले.

The post मोठी बातमी! कर्ज होणार स्वस्त, RBI कडून रेपो रेटमध्ये पुन्हा कपात appeared first on थोडक्यात घडामोडी.

पुणे : काडीपेटी आता एक रुपयात मिळणार नाही. आता काडीपेटीला महागाईचा चटका बसला असून तब्बल १४ वर्षांनंतर त्याचे भाव वाढणार आहेत.

देशातील मुख्य काडीपेटी उद्योग शिवकाशीमध्ये चालतो. काडीपेटी उद्योगात गुंतलेल्या 5 मोठ्या कंपन्यांनी आता महागाईशी झुंज देत काडीपेटीची किंमत वाढवण्यास सहमती दर्शविली आहे. वृत्तानुसार देशभरात अवघ्या 1 रुपयात उपलब्ध असलेला माचिस बॉक्स 1 डिसेंबरपासून 2 रुपयांना मिळेल.

काडीपेटीची किंमत यापूर्वी 2007 साली वाढवण्यात आली होती. त्यानंतर 50 पैशांची काडीपेटी १ रुपयाला झाली होती. शिवकाशी येथील ऑल इंडिया चेंबर ऑफ मॅचेसने तब्बल 14 वर्षांनंतर काडीपेटीच्या किमती वाढवण्याचा निर्णय घेतला आहे.

मॅचबॉक्स उद्योगाशी संबंधित प्रतिनिधी म्हणतात की माचिस तयार करण्यासाठी वापरल्या जाणाऱ्या कच्च्या मालाशी संबंधित 14 वस्तूंच्या किंमती वाढल्या आहेत. माचिसमध्ये वापरल्या जाणाऱ्या लाल फॉस्फरसचा दर ४२५ रुपयांवरून ८१० रुपये किलो झाला आहे. मेणाची किंमत 58 रुपयांवरून 80 रुपये झाली आहे, तर  माचिसच्या डबीची किंमत 36 रुपयांवरून 55 रुपये झाली आहे. याशिवाय कागद, पोटॅशियम क्लोरेट आणि सल्फेटच्या किमतीही १० ऑक्टोबरपासून सातत्याने वाढत आहेत. वरून डिझेलच्या किंमतीचा भार वेगळाच आहे.

The post काडीपेटीलाही बसला महागाईचा चटका, तब्बल १४ वर्षांनंतर वाढणार किंमत appeared first on थोडक्यात घडामोडी.

नवीन वर्षाच्या पहिल्याच दिवशी एलपीजीच्या किंमती एकदा वाढविण्यात आल्या आहेत. तेल विपणन कंपन्यांनी जानेवारी महिन्यासाठी गॅसची किंमत जाहीर केली आहे. अनुदानाशिवाय 14.2 किलो सिलिंडरच्या किंमतीत कोणतीही वाढ झालेली नाही. व्यावसायिक सिलिंडर्सच्या किंमतीत ही वाढ करण्यात आली आहे. राजधानी दिल्लीत १ किलो एलपीजी सिलिंडरची किंमत १33२ रुपयांवरून वाढून १349 रुपये झाली आहे. 19 किलोचा एलपीजी सिलिंडर 17 रुपयांनी महागला आहे. 14.2 किलो सिलिंडरची किंमत 694 रुपये आहे.

यापूर्वी डिसेंबरमध्ये कंपन्यांनी एलपीजी (एलपीजी) सिलिंडरच्या किंमतीत दोन वेळा वाढ करुन 100 रुपयांची वाढ केली होती. विना अनुदानित एलपीजीची किंमत दिल्लीत प्रति सिलेंडर 694 रुपये (14.२ किलो) आहे. तथापि, जानेवारी महिन्यात आणि वर्षाच्या पहिल्या दिवशी तेल कंपन्यांनी (एचपीसीएल, बीपीसीएल, आयओसी) विना अनुदानित गॅस 14.2 किलो सिलिंडरच्या किंमतीत वाढ केली नाही आणि त्याची किंमत स्थिर ठेवून 694 रुपये ठेवली आहे.

गॅसची किंमत तपासण्यासाठी आपल्याला सरकारी तेल कंपनीच्या वेबसाइटवर जावे लागेल. येथील कंपन्या दरमहा नवीन दर जारी करतात. https://iocl.com/Products/IndaneGas.aspx या लिंकला भेट देऊन आपण आपल्या शहरातील गॅस सिलिंडर्सचे दर तपासू शकता.

The post एलपीजी सिलिंडर्सच्या किंमतीत वाढ, नवीन वर्षाच्या पहिल्याच दिवशी महागाईचा झटका appeared first on थोडक्यात घडामोडी.