अंबरनाथ : अंबरनाथ स्थानकावरून मुंबईकडे जाणाऱ्या लोकलचा डबा रुळावरून घसरल्याने मध्य रेल्वेची वाहतूक विस्कळीत झाली आहे. अपघाताची घटना सकाळी साडे आठच्या सुमारास घडली असून मुंबईकडे जाणारी वाहतूक अर्धा तास उशिराने होतं आहे. रेल्वे कर्मचारी युद्ध पातळीवर दुरुस्तीचे काम करत आहेत.जो डबा रुळावरून घसरलेला आहे,त्याला वेगळं करून घसरलेल्या डब्याला लिफ्ट करून पुन्हा रुळावर आणण्याचे काम सुरू आहे. सध्या मुंबईहून पुण्याकडे जाणाऱ्या सर्व गाड्या अनिश्चित काळासाठी विस्कळीत झाला आहे.

पुण्याला जाणाऱ्या अनेक महत्वाच्या गाड्या या मार्गावरूनच धावत असतात, परंतु, या अपघातामुळे पुण्याकडून येणारी आणि पुण्याला जाणारी  वाहतूक अनिश्तिच काळासाठी विस्कळीत झाली आहे. मध्य रेल्वेचा हा अत्यंत महत्वाचा मार्ग आहे. कल्याण ते कर्जत दरम्यानच्या वाहतूकीवर परिणाम झाला आहे. बदलापूर लोकल उल्हासनगर स्थानकावर थांबवण्यात आली आहे.

तसेच ट्रेन १८५२० विशाखापट्टणम एक्सप्रेसही अंबरनाथ स्थानकावरील सिग्नलवर थांबवण्यात आली आहे. या अपघातात कोणालाही दुखापत झाली नाही. मात्र, संपूर्ण रेल्वेचे वेळापत्रक कोलमडून पडले आहे. रुळावरून घसरलेला डबा रुळावर आणून वाहतूक पूर्ववत करण्याचे प्रयत्न सुरु आहेत. मध्य रेल्वेचे वरिष्ठ अधिकारी घटनास्थळी दाखल झाले आहेत.

The post अंबरनाथ स्थानकावर लोकलचा डबा घसरला; मध्यरेल्वेची वाहतूक विस्कळीत, मुंबईहून पुण्याकडे जाणाऱ्या सर्व गाड्या अनिश्चित काळासाठी विस्कळीत appeared first on थोडक्यात घडामोडी.

मुंबई : लोकल ट्रेन सर्वसामान्य प्रवाशांसाठी लवकरच सुरु होणार हे जवळपास निश्चित झाले आहे. राज्य सरकारने अशी परवानगी देणारे पत्र रेल्वेला पाठवल्यानंतर रेल्वेने त्यावर तातडीने कार्यवाही सुरू केली आहे. याबाबत एक महत्त्वाचे ट्वीट मध्य रेल्वे कडून करण्यात आले आहे.

राज्य सरकारने सर्वात मोठे पाऊल उचलत सर्व प्रवाशांसाठी लोकल प्रवासाचा प्रस्ताव रेल्वेपुढे ठेवला आहे. मध्य रेल्वे आणि पश्चिम रेल्वेचे महाव्यवस्थापक तसेच मुंबईचे पोलीस आयुक्त यांना हा प्रस्ताव देण्यात आला आहे. राज्याचे आपत्ती व्यवस्थापन तसेच मदत आणि पुनर्वसन सचिव किशोर राजे निंबाळकर यांनी हा प्रस्ताव दिला आहे. या प्रस्तावाला मध्य रेल्वेकडून सकारात्मक प्रतिसाद मिळाला आहे.

Railways has always been ready to augment/enhance Suburban services keeping social distancing norms.
We are working closely with State Government of Maharashtra to provide these additional services after consultation with them.

— Central Railway (@Central_Railway) October 28, 2020

करोना संसर्गाचा प्रादुर्भाव लक्षात घेता सोशल डिस्टन्सिंगच्या नियमांचे पालन करून मुंबई उपनगरीय लोकलच्या फेऱ्या वाढवण्यास रेल्वे नेहमीच तत्पर आहे. लोकल सर्व प्रवाशांसाठी खुली व्हावी म्हणून आम्ही प्राधान्याने योजना तयार करत आहोत. राज्य सरकारसोबत याबाबत आम्ही सतत संपर्कात आहोत आणि लवकरच यावर अंतिम निर्णय होऊन अतिरिक्त लोकल सोडण्यात येतील, अशा आशयाचे ट्वीट मध्य रेल्वेने केले आहे.

The post सर्वसामान्य प्रवाशांसाठी लोकल ट्रेन केव्हापासून?; मध्य रेल्वेकडून आले ‘हे’ महत्त्वाचे उत्तर appeared first on थोडक्यात घडामोडी.