भोपाळ : मध्य प्रदेशमधील भोपाळ येथे एक भयंकर घटना घडली आहे. येथे एक दुहेरी हत्याकांड उघडकीस आले आहे. एका महिलेने अगोदर दिरासोबत मिळून स्वतःच्या नवऱ्याचा खून केला, त्यानंतर दिरासोबत अनैतिक संबंध ठेवले. मात्र, काही काळाने दिरासोबत भांडण झाल्यानंतर तिने दिराचा देखील खून केला.

दोन दिवसांपूर्वी भोपाळच्या कोलार पोलिस स्टेशन भागात डुक्कर एक मृतदेह खात होते. अशा प्रकारे मृतदेह आढळल्यामुळे खळबळ उडाली होती. त्यानंतर पोलिस तपासात मृताच्या वहिनीनेच त्याचा खून केल्याचा प्रकार उघडकीस आला.

पोलिसांनी दिलेल्या माहितीनुसार, महिलेचे तिच्या दिरासोबत अनैतिक संबंध होते. महिलेच्या पतीला हे कळताच त्याने विरोध केला. त्यामुळे या महिलेचा राग अनावर झाला आणि तिने दिराच्या मदतीने तिच्या मुलांसमोरच पतीची हत्या केली. यानंतर दोघांनीही कोणताही पुरावा न ठेवता घराच्या सेप्टिक टँकमध्ये मृतदेह लपविला. त्यानंतर या दोघांनीही जवळपास 5 वर्षे ही गोष्ट लपवली आणि अनैतिक संबंध सुरु ठेवले. या महिलेने आपल्या मुलांसमोरच पतीचा खून केला होता. त्यानंतर महिलेने या दोघांनीही धमकी दिली होती की जर त्यांनी याबाबत कोणाला सांगितले तर ती त्यांना देखील ठार मारेल. या प्रकारामुळे मुलांना खूप भीती वाटली होती, त्यामुळे त्यांनी 5 वर्षे तोंड उघडले नाही.

भयंकर! मृतदेहाच्या हाताने अल्पवयीन मुलीच्या भांगेत भरले कुंकू, कारण वाचून बसेल धक्का…

पोलिसांनी आरोपी महिलेच्या घरात बांधलेली सेप्टिक टाकी खोदली. तेव्हा त्यात एक नर सांगाडा आढळला. पोलिसांनी हा सांगाडा डीएनए चाचणीसाठी पाठविला आहे.

महिलेचे तिच्या दिरासोबत लग्न न करण्यावरून खटके उडत होते. त्यामुळे त्यांच्यात भांडण व्हायचे. तो तिला मारहाण देखील करत होता. त्यामुळे आरोपी महिलेने तिच्या दिरालाही ठार मारले. आरोपी महिलेला 14 वर्षाची मुलगी आणि 16 वर्षाचा मुलगा आहे. पोलीसांनी या दोन्ही मुलांनाही आरोपी ठरवले आहे.

The post महिलेने पतीची हत्या करून दिरासोबत ठेवले अनैतिक संबंध, नंतर दिराची केली हत्या, त्यानंतर… appeared first on थोडक्यात घडामोडी.

इंदौर : चोरीच्या उद्देशानं घरात घुसलेल्या नराधमांनी एका महिलेवर बलात्कार केल्याची संतापजनक घटना समोर आली आहे. तीन नराधमांनी चाकूचा धाक दाखवत महिलेवर बलात्कार केला. कोरोनाची लागण झाल्यामुळे ही महिला विलगीकरणात राहत होती. नराधमांनी 50 हजार रुपये आणि मोबाईल तर चोरलाच पण या महिलेवर सामूहिक बलात्कार देखील केला. ही घटना मध्य प्रदेशातील इंदौर येथे घडली आहे.

इंदौरच्या लसूडिया ठाणा क्षेत्रातील पंचवटी कॉलनीत राहणाऱ्या 37 वर्षीय महिलेच्या घरी हा प्रकार घडला. पीडिते महिलेने पोलिसांना सांगितलं की कोरोनाबाधित असल्यानं ती घरी एकटीच विलगीकरणात राहत होती. गुरुवारी रात्री दोन वाजता तिला जाग आली त्यावेळी तिच्या बेडशेजारी तीनजण उभे होते. त्यांनी चाकूचा धाक दाखवत तिच्याकडे पैसे आणि दागिने मागितले. महिलेने त्यांना घरात असलेले 50 हजार रुपये आणि दोन मोबाईल दिले. परंतु, तेवढ्यावर त्यांचे समाधान झाले नाही. त्या तिघांनीही संधी साधून महिलेवर सामूहिक बलात्कार केला. त्यांच्या हातात चाकू आणि कात्री असल्यामुळे हत्येच्या भितीने तिने आवाज केला नाही. त्यानंतर बराच वेळ एक आरोपी या तरुणीच्या घराबाहेरच थांबला. सकाळ झाल्यानंतर त्या आरोपीने तेथून पळ काढला.

महिलेने पोलिसांना दिलेल्या माहितीनुसार तीन अज्ञातांविरोधात तक्रार दाखल करण्यात आली. शुक्रवारी सकाळी या महिलेची मेडिकल टेस्ट करण्यात आली. पोलिसांनी तपास सुरु केला आणि सीसीटीव्ही फुटेजच्या माध्यमातून आरोपींची ओळख पटवली. यातील दोन आरोपींना पोलिसांनी अटक केली आहे. तर, तिसरा आरोपी फरार आहे. अटक करण्यात आलेले दोन्ही आरोपी अल्पवयीन आहेत. या दोघांनीही गुन्हा कबूल केला आहे. यातील एकाच नाव दीपक असून तो अजूनही फरार आहे. तो युवतीचा शेजारी आहे. दोन महिन्यांपूर्वीच तो तुरुंगातून बाहेर आला होता. त्याची माहिती देणाऱ्यासाठी 20 हजाराचं बक्षीस जाहीर कऱण्यात आलं आहे. पोलीस अधिक तपास करत आहेत.

The post चोरीच्या उद्देशानं घरात घुसले, विलगीकरणात असलेल्या महिलेवर सामूहिक बलात्कार appeared first on थोडक्यात घडामोडी.

मध्य प्रदेश : पतीने आपल्या पत्नीच्या हाताचा पंजा आणि पायाचा तळवा धारदार शस्त्राने कापल्याची अतिशय भयंकर घटना घडली आहे. चारित्र्याच्या संशयावरून या व्यक्तीने हे भयंकर कृत्य केले. जखमी महिलेला रुग्णालयात दाखल करण्यात आले असून तिच्यावर शस्त्रक्रिया करण्यात आली आहे. पोलिसांनी आरोपीला अटक केली आहे. भोपाळमध्ये निशातपुरा हद्दीत काल (मंगळवार) रात्री ही घटना घडली.

मिळालेल्या माहितीनुसार, प्रीतम राजपूत हा आपल्या सात वर्षीय मुलासोबत भोपाळमधील विश्वकर्मा नगरमध्ये भाड्याच्या खोलीत राहत होता. त्याची पत्नी संगीता (26) इंदूरमध्ये एका खासगी कंपनीत नोकरी करत होती. ती जमेल त्याप्रमाणे १५ दिवसांत किंवा महिनाभराने आपल्या भोपाळ येथील घरी येत होती. मात्र, तिने दर आठवड्याला घरी यावे, असा तिचा पती प्रीतम याचा आग्रह होता. यावरून तो तिचा मानसिक छळ करत होता. तसेच तिच्या चारित्र्यावर संशयही घेत होता.

दरम्यान, काल संगीता घरी आली होती. रात्री साडेअकराच्या सुमारास ती आणि तिचा मुलगा घरात झोपले होते. त्यावेळी तिचा नवरा प्रीतम दारूच्या नशेत घरी आला. संगीताला झोपलेलं पाहून त्याला राग अनावर झाला आणि त्याने धारदार शस्त्राने संगीताच्या हाताचा पंजा आणि पायाचा तळवा कापला. त्यानंतर देखील तो वार करत होता. या प्रकारामुळे जखमी महिला आणि घाबरलेल्या मुलाने ओरडायला सुरुवात केली. त्यांच्या किंचाळ्या ऐकून शेजारी धावत आले. त्यांनी या घटनेची माहिती पोलिसांना दिली.

पोलीस घटनास्थळी पोहोचले असता आरोपी प्रीतमने पोलिसांवरही हल्ल्याचा प्रयत्न केला. पोलिसांनी तात्काळ त्याला पकडले आणि तातडीने जखमी झालेल्या संगीताला रुग्णालयात दाखल केले. तिच्यावर शस्त्रक्रिया करण्यात आली आहे. आरोपी प्रीतम याच्यावर हत्येचा प्रयत्न केल्याचा गुन्हा दाखल करून त्याला अटक करण्यात आली आहे.

The post चारित्र्याच्या संशयावरून पतीने केले अतिशय भयंकर कृत्य… appeared first on थोडक्यात घडामोडी.

भोपाळ : भोपाळमधील कोलार येथील स्पा सेंटरवर गुन्हे शाखेच्या पोलिसांनी मोठी कारवाई केली. येथे स्पा सेंटरच्या आडून देहव्यापार सुरू असल्याची माहिती मिळाली होती. सेंटरमधून स्पा सेंटरचा मॅनेजर आणि तीन महिलांसह पाच जणांना अटक केली आहे.

खबऱ्यांमार्फत मिळालेल्या माहितीनंतर पोलिसांनी छापेमारी केली. पोलिसांनी दिलेल्या माहितीनुसार, स्पा सेंटरमध्ये तीन महिला आणि पुरूष आक्षेपार्ह अवस्थेत सापडले. तसेच सेंटरमध्ये अनेक आक्षेपार्ह वस्तूही आढळून आल्या. स्पा सेंटरमध्ये मसाजच्या नावाखाली देहव्यापार सुरू होता. येणाऱ्या ग्राहकांकडून मोठी रक्कम वसूल केली जात होती. ग्राहकांशी मेसेज आणि फोनवरून संपर्क साधून स्पा सेंटरमध्ये बोलावले जायचे.

पोलिस अटक केलेल्या आरोपींची चौकशी करत आहेत. स्पा सेंटरमधून ताब्यात घेतलेल्या महिला परराज्यातील असल्याचे सांगण्यात येते. त्यांना मागणीनुसार स्पा सेंटरमध्ये बोलावले जात होते. महिला कानपूर आणि नेपाळच्या राहणाऱ्या आहेत. तर एक जण भोपाळमधील बैरागढचा रहिवासी आहे. कोलारच्या एका प्लाझामध्ये हे स्पा सेंटर आहे. पोलिसांनी त्या ठिकाणी बोगस ग्राहक पाठवून ही कारवाई केली.

The post स्पा सेंटरमध्ये सुरु होते आक्षेपार्ह काम, गुन्हे शाखेच्या पोलिसांची मोठी कारवाई appeared first on थोडक्यात घडामोडी.