IND vs AUS 1st test match Day 3 : भारत आणि ऑस्ट्रेलिया यांच्यातील पहिली टेस्ट मॅच एडिलेडमध्ये सुरू असून आज मॅचचा तिसरा दिवस आहे. मॅचच्या तिसऱ्या दिवशी टीम इंडियाची अवस्था बिकट झाली आहे.

मॅचच्या तिसऱ्या दिवसाची सुरुवात टीम इंडियाने 9/1 ने केली. मात्र, टीम इंडियाची अर्धी टीम अवघ्या काही रन्सवर माघारी परतली. सर्वप्रथम जसप्रीत बुमराह दोन रन्सवर आऊट झाला. त्यानंतर चेतेश्वर पुजारा शून्यावर तर मयंक अगरवाल नऊ रन्सवर माघारी परतला. यानंतर अजिंक्य रहाणे शून्यावर आऊट झाला. त्यांनतर कॅप्टन विराट कोहलीने एक फोर मारत स्कोअर थोडा वाढवला आणि चार रन्स करुन माघारी परतला. टीम इंडिया अवघ्या 36 रन्सवर ऑल आऊट झाली आहे. यामुळे ऑस्ट्रेलियाला आता विजयासाठी अवघ्या 90 रन्सचं आव्हान आहे.

मॅचच्या सुरुवातीला टीम इंडियाने टॉस जिंकत प्रथम बॅटिंग करण्याचा निर्णय घेतला. त्यानंतर मैदानात आलेल्या टीम इंडियाने 244 रन्स केल्या. टीम इंडियाकडून कॅप्टन विराट कोहलीने सर्वाधिक 74 रन्स केले. चेतेश्वर पुजाराने 43 तर अजिंक्य रहाणे याने 42 रन्स केले. टीम इंडिया 244 रन्सवर ऑल आऊट झाल्यावर ऑस्ट्रेलियाची टीम मैदानात उतरली. ऑस्ट्रेलियाकडून टीम पेन याने 99 बॉल्समध्ये नॉट आऊट 73 रन्सची खेळी खेळली. मात्र, त्याला इतर बॅट्समनकडून चांगली साथ मिळाली नाही आणि टीम इंडियाने ऑस्ट्रेलियाला 191 रन्सवर रोखलं. टीम इंडियाकडून रविचंद्रन अश्विन याने 18 ओव्हर्समध्ये 55 रन देत चार विकेट्स घेतल्या. उमेश यादवने 16.1 ओव्हर्समध्ये 40 रन देत तीन विकेट्स घेतल्या. जसप्रीत बुमराहने 21 ओव्हर्समध्ये 52 रन्स देत दोन विकेट्स घेतल्या. मोहम्मद शमीने 17 ओव्हर्समध्ये 41 रन दिले.

The post IND vs AUS 1st test match Day 3 : टीम इंडिया अवघ्या 36 रन्सवर ऑल आऊट appeared first on थोडक्यात घडामोडी.

ऑस्ट्रेलियाने अखेरचा T२० सामना १२ धावांनी जिंकला. १८७ धावांच्या आव्हानाचा पाठलाग करताना भारताचा कर्णधार विराट कोहलीने ८५ धावांची खेळी केली. तरीही भारताला पराभवाचा सामना करावा लागला. अखेरचा सामना भारताने गमावला असला तरीही टी-२० मालिका भारताने २-१ ने जिंकली आहे.

कर्णधार विराट कोहलीने टॉस जिंकत प्रथम गोलंदाजीचा निर्णय घेतला. वेड(80) आणि मॅक्सवेल(५४) जोडीने चौफेर फटकेबाजी केली. ऑस्ट्रेलियाचा कर्णधार फिंच(0) सुंदरच्या गोलंदाजीवर माघारी परतला. यानंतर मॅथ्यू वेड आणि स्टिव्ह स्मिथ यांनी दुसऱ्या विकेटसाठी अर्धशतकी भागीदारी करत संघाचा डाव सावरला. यानंतर सुंदरने स्टिव्ह स्मिथला(24) बाद केलं. मॅथ्यू वेडने अर्धशतक झळकावलं. ग्लेन मॅक्सवेलनेही आपल्याला मिळालेल्या जीवनदानाचा फायदा घेतला. वेड आणि मॅक्सवेल जोडीने तिसऱ्या विकेटसाठी ९० धावांची भागीदारी केली. दरम्यान शार्दुल ठाकूरने वेडला तर नटराजनने मॅक्सवेलला माघारी धाडलं. भारताकडून वॉशिंग्टन सुंदरने २ तर नटराजन आणि शार्दुलने १-१ बळी घेतला.

१८७ धावसंख्येचा पाठलाग करताना भारतीय संघाची सुरुवात खराब झाली. ग्लेन मॅक्सवेलच्या पहिल्याच षटकात लोकेश राहुल माघारी परतला. यानंतर शिखर धवन आणि विराट कोहलीने दुसऱ्या विकेटसाठी महत्वपूर्ण अर्धशतकी भागीदारी केली. ही जोडी भारताचा डाव सावरणार असं वाटत असतानाच स्वेप्सनने शिखर धवनला माघारी धाडलं. यानंतर संजू सॅमसननेही आपली विकेट गमावली. श्रेयस अय्यरही शून्यावर बाद झाला. यानंतर विराटने हार्दिक पांड्याच्या साथीने फटकेबाजी करत भारताचं आव्हान कायम राखण्याचा प्रयत्न केला. परंतू १८ व्या षटकात झॅम्पाने पांड्याला बाद केलं. १९ व्या षटकात अँड्रू टायने विराटला बाद केलं. त्यानंतर भारतीय संघाच्या विजयाच्या आशा मावळल्या.

The post IND vs AUS 3rd T20I : ऑस्ट्रेलियाविरुद्ध टीम इंडियाचा १२ रन्सने पराभव appeared first on थोडक्यात घडामोडी.

भारत विरुद्ध ऑस्ट्रेलियामध्ये होत असलेला पहिल्या एकदिवस सामना सिडनी ग्राऊंडवर खेळवला जात आहे. फिंच, वॉर्नर, स्मिथ आणि मॅक्सवेलच्या खेळीच्या जोरावर ऑस्ट्रेलियाने भारतासमोर 375 धावांचं लक्ष्य ठेवलं आहे. ऑस्ट्रेलियाने टॉस जिंकून प्रथम बॅटिंग करण्याच्या निर्णय घेतला. कर्णधार अ‌ॅरॉन फिंच आणि स्टिव्ह स्मिथने दमदार शतके झळकावली तर ग्लेन मॅक्सवेलने तुफानी खेळी करत 19 बॉलमध्ये 45 धावा फटकावल्या.

सलामीवीर फिंच आणि वॉर्नरने 27 ओव्हरपर्यंत एकही विकेट पडू दिली नाही. दोघांनीही आपापली अर्धशतके झळकावली. 28 व्या ओव्हरमध्ये डेव्हिड वॉर्नर 76 चेंडूंमध्ये 69 धावा करुन बाद झाला. त्यानंतर आलेल्या स्टिव्ह स्मिथने फिंचला चांगली साथ दिली. अ‌ॅरॉन फिंचने आपलं शतक पूर्ण केलं. आपल्या कारकीर्दीतलं 17 वं शतक त्याने झळकावलं. फिंचने 124 बॉलमध्ये 114 रन्स केल्या. स्मिथने दमदार खेळी करताना 66 बॉलमध्ये 105 धावा फटकावल्या. त्याच्या या खेळीत त्याने 11 चौकार आणि 4 षटकार लगावले. मॅक्सवेलनेही 19 चेंडूंमध्ये 45 धावांची खेळी केली. या खेळीत 5 चौकार आणि 3 षटकारांचा समावेश होता.

सुरुवातीला संथ खेळणाऱ्या ऑस्ट्रेलियन फलंदाजांनी 25 ओव्हर पार केल्यानंतर फटकेबाजी करायला सुरुवात केली. स्मिथ आणि मॅक्सवेलने आक्रमक फटके खेळून प्रेक्षकांच्या डोळ्याचे पारणे फेडले. ऑस्ट्रेलियाकडून वॉर्नरने 76 बॉलमध्ये 69, अ‌ॅरॉन फिंचने 124 बॉलमध्ये 114, स्टिव्हन स्मिथने 66 बॉलमध्ये 105, मॅक्सवेलने 19 बॉलमध्ये 45 धावा केल्या.

भारताकडून मोहम्मद शमीने 3 विकेट्स घेतल्या. तर जसप्रीत बुमराह, नवदीप सैनी आणि सुजवेंद्र चहलने प्रत्येकी एक विकेट्स घेतल्या. युजवेंद्र चहलने 10 ओव्हरमध्ये सर्वाधिक 89 धावा दिल्या. मोहम्मद शमीने सर्वात कमी 53 धावा दिल्या.

The post India vs Australia 1st ODI : ऑस्ट्रेलियाने भारतासमोर ठेवलं 375 धावांचं लक्ष्य appeared first on थोडक्यात घडामोडी.