मुंबई : महाराष्ट्रातील हजारो तरुण-तरुणींची गेल्या अनेक महिन्यांपासून सुरू असलेली प्रतिक्षा आज अखेर संपुष्टात आली आहे. राज्यातील पोलीस दलात तब्बल 15,000 नवीन भरती करण्यास राज्य मंत्रिमंडळाने आज, मंगळवारी झालेल्या बैठकीत मंजुरी दिली.

ही बैठक मुख्यमंत्री देवेंद्र फडणवीस यांच्या उपस्थितीत पार पडली. राज्यातील कायदा-सुव्यवस्था अधिक सक्षम करण्यासाठी आणि वाढत्या कामकाजाला हातभार लावण्यासाठी ही मोठी भरती प्रक्रिया राबविण्याचा निर्णय घेण्यात आला आहे. यामुळे बेरोजगार तरुणांना रोजगाराची संधी मिळणार असून पोलीस दलात नवचैतन्य निर्माण होणार आहे.

माहितीनुसार, या 15 हजार भरतींसाठी लवकरच जाहिरात प्रसिद्ध होणार आहे. पुढील २ महिन्यात ही भरती होण्याची शक्यता आहे. भरती प्रक्रिया पारदर्शक, जलद आणि तंत्रज्ञानाधारित पद्धतीने पार पाडली जाईल, असे गृह विभागाने स्पष्ट केले आहे. उमेदवारांना शारीरिक चाचणी, लेखी परीक्षा आणि इतर आवश्यक निकष पूर्ण करावे लागणार आहेत.

गेल्या काही महिन्यांपासून ही भरती प्रक्रिया जाहीर होण्याची चर्चा सुरु होती. पोलीस दलात वाढती पदांची रिक्तता आणि नव्या पिढीतील कुशल, तंदुरुस्त कर्मचाऱ्यांची गरज लक्षात घेऊन अखेर आज मंत्रिमंडळाने हिरवा कंदील दाखवला. राज्य सरकारने जाहीर केलेल्या या निर्णयामुळे पोलीस दल अधिक बळकट होणार असून तरुणांमध्ये नवी उमेद निर्माण होईल.

The post मोठी बातमी! पोलिस दलात तब्बल 15 हजार पोलिसांची भरती करण्यास मंत्रिमंडळाची मंजुरी appeared first on थोडक्यात घडामोडी.

राज्यातील रखडलेली पोलीस भरती प्रक्रिया सुरु झाली आहे. पहिल्या टप्प्यातील 5300 पदांच्या भरतीची प्रक्रियाही सुरु झाली आहे, अशी माहिती राज्याचे गृहमंत्री अनिल देशमुख यांनी दिली. आज नागपुरात प्रसारमाध्यमांशी बोलताना अनिल देशमुख यांनी पोलीस भरती प्रक्रियेत कोणताही अडथळा नसल्याचे स्पष्ट केले.

मराठा आरक्षणामुळे पोलीस भरती प्रक्रियेला थोडा विलंब झाला. मात्र, आम्ही मराठा नेत्यांशी बोललो आहोत. राज्यात पोलीस भरती होणे आवश्यक असल्याचे आम्ही त्यांना सांगितले. ही गोष्ट त्यांनाही पटल्यामुळे मराठा नेत्यांनी पोलीस भरती प्रक्रियेस मान्यता दिली आहे. त्यामुळे आता पुढील प्रक्रिया विनासायास पार पडेल, असे अनिल देशमुख यांनी सांगितले.

पोलीस खात्यात 12538 जागांसाठी भरती प्रक्रिया राबवण्यात येणार आहे. पहिल्या टप्प्यात 5300 जागांसाठी भरती प्रक्रिया पार पडेल. तर उर्वरित जागा दुसऱ्या टप्प्यात भरण्यात येतील.

The post पोलीस भरती प्रक्रिया सुरु, गृहमंत्री अनिल देशमुख यांनी दिली माहिती appeared first on थोडक्यात घडामोडी.