हिंजवडी आयटी पार्क परिसरात पुन्हा एकदा बेफाम वेगाचा कहर पाहायला मिळाला. गर्दीच्या वेळी कंपनीची बस अचानक फुटपाथवर चढत दोन चिमुकल्यांचा जागीच मृत्यू झाला. या दुर्घटनेनंतर वाहतूक आणि रस्ते सुरक्षा व्यवस्थेबाबत गंभीर प्रश्न उपस्थित झाले आहेत.

हिंजवडी आयटी पार्कमधील वाढत्या अपघातांच्या मालिकेत सोमवारी आणखी एक भीषण घटना घडली. सायंकाळी साडेसहाच्या सुमारास पंचरत्न चौकाजवळ कंपनीच्या कर्मचाऱ्यांना नेणारी बस अचानक नियंत्रणाबाहेर गेली आणि ती थेट फुटपाथवर चढली. गर्दीच्या वेळी हा प्रकार घडल्याने पादचाऱ्यांना सुटण्याची संधीही मिळाली नाही.

या अपघातात अर्चना देवा प्रसाद (८) आणि तिचा भाऊ सूरज देवा प्रसाद (६) यांचा जागीच मृत्यू झाला. त्यांची बहिण प्रिया देवा प्रसाद (१८) गंभीर जखमी असून तिला उपचारासाठी रुग्णालयात दाखल करण्यात आले आहे. पादचारी अविनाश चव्हाण आणि बसमधील काही प्रवासीही जखमी झाल्याची माहिती पोलिसांनी दिली.

अपघात छत्रपती शिवाजी महाराज चौक ते वाकड या व्यस्त मार्गावर झाला. साक्षीदारांच्या मते, कंपनीची बस अतिवेगात होती आणि चालकाने ताबा गमावल्यानंतर वाहनाने थेट चालत जाणाऱ्या नागरिकांवर धडक दिली. धडक इतकी जोरदार होती की परिसरात काही क्षणांतच भीतीचे वातावरण पसरले.

घटनेची माहिती मिळताच हिंजवडी पोलीस आणि वाहतूक विभागाचे अधिकारी घटनास्थळी दाखल झाले. काही काळ तीव्र वाहतूक कोंडी निर्माण झाली होती, ती पोलिसांनी तात्काळ सुरळीत केली.

हिंजवडी परिसरातील वाढती वाहतूक कोंडी, अवजड वाहनांची गर्दी आणि वारंवार होणारे अपघात या मुद्द्यांवर नागरिक सातत्याने आवाज उठवत आहेत. या दुर्दैवी घटनेनंतर “बेफाम वेग थांबणार कधी?” असा तीव्र रोष नागरिकांनी व्यक्त केला. अधिक कडक सुरक्षा उपाय, वेगनियंत्रण व पादचारी संरक्षणाच्या मागण्या पुन्हा जोर धरू लागल्या आहेत.

सारांश : महत्त्वाच्या घडामोडी एकाच नजरेत

• हिंजवडी पंचरत्न चौकात कंपनी बसने फुटपाथवरील पादचाऱ्यांना दिली जोरदार धडक
• दोन चिमुकल्यांचा जागीच मृत्यू, एक जखमी मुलगी गंभीर
• काही पादचारी आणि बस प्रवासीही जखमी
• नागरिकांमध्ये संताप; वाहतूक व सुरक्षा व्यवस्थेवर प्रश्नचिन्ह
• पोलिसांनी वाहतूक कोंडी नियंत्रणात आणली; पुढील तपास सुरू

The post हिंजवडी आयटी पार्क हादरलं: भरधाव बस फुटपाथवर; बहीण–भावाचा जागीच मृत्यू, अनेक जखमी appeared first on थोडक्यात घडामोडी.

पुणे : पुणे जिल्ह्यातील जुन्नर तालुक्यातील ओतूर गावात मंगळवारी संध्याकाळी सात वर्षांच्या मुलीवर अमानुष अत्याचार झाल्याची धक्कादायक घटना समोर आली आहे. पीडित बालिका ऊसतोड मजूर कुटुंबातील असून आरोपी देखील त्याच वस्तीमध्ये राहणारा ऊसतोड कामगार असल्याने संपूर्ण परिसरात संतापाची लाट उसळली आहे. आरोपीचे नाव देवीदास रोहीदास गर्जे (वय अंदाजे ३५) असे आहे.

मिळालेल्या माहितीनुसार, संध्याकाळी पीडित मुलगी घराबाहेर खेळत असताना आरोपीने तिला फुस लावून एका निर्जन ठिकाणी नेले आणि तिच्यावर अत्याचार केला. मुलगी घाबरलेल्या अवस्थेत घरी परतली आणि तिने आई-वडिलांना घडलेला सर्व प्रकार सांगितला. मुलीने आरोपीचे नाव स्पष्टपणे सांगितल्याने पालकांनी तात्काळ ओतूर पोलीस ठाण्यात धाव घेऊन तक्रार नोंदवली.

पोलिसांची तात्काळ कारवाई
तक्रार मिळताच ओतूर पोलिसांनी घटनास्थळी धाव घेत तत्परता दाखवत काही तासांतच आरोपी देवीदास गर्जेला अटक केली. या प्रकरणाचा तपास पोलीस निरीक्षक संजय साळुंके यांच्या मार्गदर्शनाखाली पोलीस उपनिरीक्षक सचिन शिंदे करत आहेत. या प्रकरणी आरोपीवर भा.द.वि. कलम ३७६, ३७६(२)(एन), तसेच पॉक्सो कायद्यांतर्गत गंभीर गुन्हे नोंदवण्यात आले आहेत.

पीडित बालिकेवर तातडीने पुण्यातील शासकीय रुग्णालयात उपचार सुरू करण्यात आले असून वैद्यकीय तपासणीतून पुढील अहवालाची प्रतीक्षा आहे.

परिसरात तणाव
घटनेनंतर ऊसतोड कामगारांच्या वस्त्यांमध्ये काही काळ तणाव निर्माण झाला. परिस्थिती बिघडू नये म्हणून पोलिसांनी अतिरिक्त बंदोबस्त तैनात करून शांतता प्रस्थापित केली.

या घटनेमुळे अल्पवयीन मुलींच्या सुरक्षेचा प्रश्न पुन्हा ऐरणीवर आला आहे. ही संपूर्ण घटना जिल्ह्यास हादरवणारी असून अल्पवयीन मुलांच्या सुरक्षेबाबत प्रशासन आणि पालकांनी अधिक जागरूक राहण्याची गरज अधोरेखित झाली आहे. स्थानिक नागरिक आणि विविध सामाजिक संघटनांनी या जघन्य कृत्याचा तीव्र निषेध करत आरोपीला जलदगतीने कठोर शिक्षा देण्याची मागणी केली आहे. पोलिस तपास युद्धपातळीवर सुरू असून आरोपीला लवकरच न्यायालयात हजर केले जाणार आहे.

The post पुणे : सात वर्षीय चिमुकलीवर अत्याचार, सर्वत्र संतापाची लाट, अल्पवयीन मुलींच्या सुरक्षेचा प्रश्न पुन्हा ऐरणीवर appeared first on थोडक्यात घडामोडी.

पुणे : पुणे-बंगळुरू महामार्गावरील नवले ब्रिज परिसरात गुरुवारी सायंकाळी भीषण अपघात झाला. दोन कंटेनर आणि एका कारचा झालेला हा अपघात इतका भीषण होता की, सात जणांचा जागीच मृत्यू झाला असून 15 ते 20 जण जखमी झाले आहेत. या अपघातानंतर महामार्गावरील वाहतूक पूर्णपणे ठप्प झाली होती.

मिळालेल्या माहितीनुसार, ट्रकचा ब्रेक फेल झाल्याने हा अपघात झाला. ब्रेक फेल झालेल्या ट्रकने पुढे असलेल्या पिकअप व्हॅनला धडक दिली. त्यामुळे पिकअप पलटी झाला आणि ट्रक पुढे असलेल्या अनेक गाड्यांना धडक देत एका कारवर जाऊन आदळला. या धडकेनंतर भीषण स्फोट झाला आणि मोठी आग लागली.

अग्निशमन दलाचे जवान तत्काळ घटनास्थळी दाखल झाले आणि आगीवर नियंत्रण मिळवले. मात्र, तोपर्यंत दोन कंटेनर आणि कार पूर्णतः जळून खाक झाले होते. या कारमध्ये अडकलेले काही लोक जिवंत जळाल्याची माहिती प्रत्यक्षदर्शींनी दिली आहे.

पुण्याचे डीसीपी संभाजी कदम यांनी सांगितले की, “सातारा-पुणे महामार्गावर ट्रकचा ब्रेक फेल झाल्याने त्याने पंधरा ते वीस वाहनांना धडक दिली. त्यानंतर ट्रक छोट्या कारवर आदळला आणि स्फोट झाला. त्यात कारमधील सर्वांचा मृत्यू झाला आहे.” काही जण अडकलेले असून, त्यांना बाहेर काढण्याचे काम सुरू असल्याचेही त्यांनी स्पष्ट केले.

दरम्यान, अपघातानंतर मृतदेह बाहेर काढण्याचे आणि जखमींना रुग्णालयात दाखल करण्याचे काम युद्धपातळीवर सुरू आहे. वाहतूक शाखेने महामार्गावरील वाहनांना वळविण्याची व्यवस्था केली आहे.

The post नवले ब्रिज परिसरातील अपघातातील मृतांचा आकडा वाढला, सात जणांचा मृत्यू, 15 ते 20 जण जखमी appeared first on थोडक्यात घडामोडी.

पुणे : पुणे शहर आणि परिसरात वाढत चाललेल्या गुन्हेगारी घटनांमध्ये आणखी एक भीषण घटना बुधवारी सायंकाळी समोर आली आहे. पिंपरीतील वडमुखवाडी परिसरात मित्रांनीच एका व्यावसायिकाची डोक्यात गोळी झाडून निर्घृण हत्या केल्याने खळबळ उडाली आहे.

ही घटना अलंकापुरम 90 फुटी रस्ता, दिघी पोलीस ठाण्याच्या हद्दीत बुधवारी सायंकाळी घडली. नितीन शंकर गिलबिले (वय 37) असे मृत व्यावसायिकाचे नाव असून, अमित जीवन पठारे आणि विक्रांत ठाकूर अशी संशयितांची नावे आहेत. पोलिसांच्या प्राथमिक तपासानुसार, जमीन व्यवहारातील वादातून हा खून झाल्याची शक्यता व्यक्त करण्यात आली आहे.

पोलिसांनी दिलेल्या माहितीनुसार, नितीन गिलबिले हे बुधवारी सायंकाळी काही मित्रांसोबत अलंकापुरम रस्त्यावरील एका शेडजवळ उभे होते. त्यावेळी त्यांचे मित्र अमित पठारे आणि विक्रांत ठाकूर हे फॉर्च्युनर कारमधून तिथे आले. त्यांनी नितीन यांना बोलावून कारमध्ये बसवले आणि हॉटेलच्या दिशेने नेले. काही वेळातच संशयितांनी नितीन यांच्या डोक्यात गोळी झाडली, ज्यात त्यांचा जागीच मृत्यू झाला. त्यानंतर आरोपी घटनास्थळावरून पसार झाले.

घटनेची माहिती मिळताच दिघी पोलीस ठाण्याचे पथक आणि गुन्हे शाखेचे अधिकारी घटनास्थळी दाखल झाले. गुन्हे शाखेचे उपायुक्त शिवाजी पवार यांनी घटनास्थळी भेट देऊन परिस्थितीचा आढावा घेतला. पोलिसांनी घटनास्थळाचा पंचनामा केला. आरोपींच्या अटकेसाठी पथके तयार करण्यात आली असून त्यांचा शोध तीव्र करण्यात आला आहे.

नितीन गिलबिले हे गेल्या काही वर्षांपासून जमिनीची प्लॉटिंग, हॉटेल व्यवसाय आणि व्यावसायिक गाळे भाड्याने देण्याच्या कामात गुंतले होते. काही महिन्यांपूर्वी त्यांनी अलंकापुरम रस्त्यावर स्वतःचे हॉटेल सुरू केले होते. त्यांच्यामागे पत्नी, दोन लहान मुले, आई-वडील आणि भाऊ असा मोठा परिवार आहे.

तपास अधिकाऱ्यांनी दिलेल्या माहितीनुसार, नितीन गिलबिले आणि आरोपी अमित पठारे तसेच विक्रांत ठाकूर हे तिघेही एकत्रितपणे जमीन व्यवहाराचा व्यवसाय करत होते. याच व्यवहारातून उद्भवलेल्या पैशाच्या वादातून ही हत्या घडल्याचा प्राथमिक अंदाज वर्तवण्यात आला आहे. मात्र, हत्येमागील हेतू अद्याप अस्पष्ट आहे. मृतदेह शवविच्छेदनासाठी पाठवला असून बीएनएस आणि शस्त्रास्त्र कायद्याच्या संबंधित कलमांखाली दिघी पोलिस ठाण्यात एफआयआर नोंदवण्यात आली आहे.

या घटनेमुळे परिसरात मोठी खळबळ उडाली असून दिघी पोलिसांकडून या प्रकरणाचा सखोल तपास सुरू आहे.

The post पुण्यात मित्रच ठरले शत्रू! व्यावसायिकाची डोक्यात गोळी झाडून निर्घृण हत्या appeared first on थोडक्यात घडामोडी.

पुणे : वानवडी परिसरात पोलीसांनी गांजा विक्री करणाऱ्या तरुणाला अटक करून मोठा मुद्देमाल जप्त केला आहे. वानवडी भागातील गंगा सॅटेलाईट सोसायटी ते नेताजीनगर रस्ता ह्या भागात वानवडी पोलीस ठाण्याचे कर्मचारी विठ्ठल चोरमोले आणि अमोल गायकवाड गस्त घालत होते. या दरम्यान, त्यांना माहिती मिळाली की तौफिक रझाक शेख (वय २६, रा. नवाजीश चौकाजवळ, मीठानगर, कोंढवा खुर्द) दुचाकीवरून गांजा विक्रीसाठी येत आहे.

माहिती मिळताच पोलिसांनी तत्काळ सापळा रचून आरोपीला पकडले. झडती घेतली असता त्याच्याकडे ८१० ग्रॅम गांजा आढळला. त्याच्याकडून गांजा, दुचाकी आणि मोबाइल असा अंदाजे ८० हजार रुपयांचा मुद्देमाल जप्त करण्यात आला. पोलीसांनी सांगितले की, शेखने गांजा कोणाकडून आणला आणि तो कोणाला विक्री करणार होता, ह्या बाबत तपास सुरू आहे.

पोलीस उपायुक्त डॉ. राजकुमार शिंदे व सहायक आयुक्त धन्यकुमार गोडसे यांच्या मार्गदर्शनाखाली ह्या कारवाईत वरिष्ठ पोलीस निरीक्षक विजयकुमार डोके, सहायक निरीक्षक उमाकांत महाडिक, तसेच पोलीस कर्मचारी दया शेगर, महेश गाढवे, अमोल पिलाणे, अतुल गायकवाड, विठ्ठल चोरमोले, विष्णू सुतार आणि अमोल गायकवाड यांनी महत्त्वाची भूमिका बजावली.

पोलीस पुढील तपास करत आहेत. पोलीसांनी सांगितले की, या प्रकरणात आणखी व्यक्तींचा सहभाग असल्याची शक्यता आहे आणि त्यांनी तपास सुरू ठेवला आहे. ह्या प्रकारामुळे वानवडी परिसरात पोलीस सुरक्षा व प्रतिबंधात्मक उपाययोजनांवर लक्ष केंद्रित करण्यात येत आहे. याशिवाय, गांजा आणि इतर प्रतिबंधित पदार्थांच्या विक्रीवर नियंत्रण ठेवण्यासाठी पोलीस विभाग सतत गस्त घालत असून कारवाई करत आहे.

The post पुणे : गांजा विक्री करणाऱ्या तरुणाला अटक, ८० हजाराचा मुद्देमाल जप्त appeared first on थोडक्यात घडामोडी.

पुणे : पोलिसांसमोराची आव्हाने, कायदा व सुव्यवस्थेचे नवे प्रश्न लक्षात घेऊन ६० वर्षानंतर पोलीस दलाचा नवीन आकृतीबंध तयार करण्यात आला आहे. पोलीस स्टेशनची नवी रचना, नार्कोटीक्स, फॉरोन्सिक युनिट तयार करण्यात आले आहे. यापुढेही पोलस दल आधुनिक करण्यासाठी शासनातर्फे सर्व सहकार्य करण्यात येईल. तसेच पुणे शहरासाठी लोहगाव, लक्ष्मीनगर, नऱ्हे, मांजरी, येवलेवाडी अशा पाच पोलीस स्टेशनची मागणी केली असून त्यास मंजुरी देण्यात येईल. त्यासाठी लागणाऱ्या एक हजार मनुष्यबळाला मान्यता देण्यात येईल, अशी ग्वाही मुख्यमंत्री देवेंद्र फडणवीस यांनी दिली.

पोलीस मुख्यालय शिवाजीनगर येथे आयोजित पुणे शहर पोलीस आयुक्तालयाच्यावतीने शहरात उभारण्यात येणाऱ्या विविध प्रकल्पांच्या भूमिपूजन आणि नवीन उपक्रमाच्या उद्घाटनप्रसंगी ते बोलत होते. यावेळी उपमुख्यमंत्री तथा जिल्ह्याचे पालकमंत्री अजित पवार, उच्च व तंत्रशिक्षण मंत्री चंद्रकांत दादा पाटील, विधानसभा उपाध्यक्ष अण्णा बनसोडे, अपर मुख्य सचिव (गृह) इक्बालसिंह चहल, पोलीस महासंचालक रश्मि शुक्ला, महाराष्ट्र राज्य पोलीस गृहनिर्माण व कल्याण महामंडळाच्या व्यवस्थापकीय संचालक अर्चना त्यागी, पुणे शहर पोलीस आयुक्त अमितेश कुमार, पोलीस सह आयुक्त रजंन कुमार शर्मा आदी उपस्थित होते.

पुण्याला दोन पोलीस उपायुक्त देण्याबाबत येत्या काळात मान्यता देण्यात येईल असे सांगून फडणवीस म्हणाले, शहरांचा विस्तार होत असताना पोलीस दलातही सुधारणा होणे गरजेचे आहे. एक नवीन पोलीस स्टेशनचे उद्घाटन आणि चार पोलीस स्टेशनचे भूमिपूजन करण्यात आले आहे. राज्य शासनाने शहरासाठी ७ पोलीस स्टेशन मंजूर करण्याची ही राज्यात पहिलीच वेळ आहे. पुणे शहराचा विस्तार आणि औद्योगिक-शैक्षणिक महत्व लक्षात घेता शहराची सुरक्षा व्यवस्था बळकट करण्यावर भर देण्यात येत आहे.

पुणे शहरातील सीसीटीव्ही प्रकल्पाच्या पहिल्या टप्प्याचे उद्घाटन १० वर्षापूर्वी करण्यात आले होते. या प्रणालीला आधुनिक तंत्रज्ञानाने सज्ज नियंत्रण कक्ष जोडला जाणे आवश्यक होते. या कक्षासह आज देशातील सर्वाधिक आधुनिक सीसीटीव्ही प्रणाली शहरासाठी सुरू करण्यात आली आहे. यामुळे वाहतुकीवर प्रभावी नियंत्रणासोबत गुन्हे आणि परिस्थितीचे विश्लेषण करण्याचे काम कृत्रिम बुद्धिमत्तेच्या सहाय्याने करण्यात येईल. गुन्हेगारांचा तातडीने शोध घेण्यासाठी या यंत्रणेची मदत होणार आहे. गुन्हेगार आता पोलिसांच्या नजरेपासून वाचू शकणार नाही.

पुण्याच्या सुरक्षेसाठी अत्याधुनिक सुविधा

निर्मनुष्य जागेवर लक्ष ठेवण्याचे काम तंत्रज्ञानाच्या सहाय्याने बोपदेव घाटापासून सुरू होणार आहे. पुढील दोन वर्षात शहर परिसरातील अशा २२ टेकड्यांवर लक्ष ठेवण्यात येईल. या यंत्रणेत कॅमेरे बंद झाल्यानंतर नियंत्रण कक्षाला त्वरित सूचना मिळणार आहे. २४ तासात या कॅमेऱ्यांची दुरूस्ती करण्यात येईल. पुण्याच्या सुरक्षेसाठी अत्याधुनिक आणि सक्षम यंत्रणा यानिमित्ताने उभी करण्यात आली आहे. गर्दीच्या ठिकाणी सूचना देणारी यंत्रणा पब्लिक ॲड्रेस सिस्टीमच्या माध्यमातून उभी करण्यात आली आहे. नियंत्रण कक्षाशी जोडलेल्या आणि ड्रोनची सुविधा असलेली ५ आधुनिक नियंत्रण वाहने पोलीस दलासाठी उपलब्ध झाली आहेत. ही वाहने गरजेच्यावेळी मिनी आयुक्तालयाप्रमाणे काम करू शकतील.

पुण्यातील वाहतूक व्यवस्था आधुनिक तंत्रज्ञनाधारित प्रणालीद्वारे सुधारणार

पुणे हे भविष्यातील विकसित आणि महत्वाचे शहर आहे. त्यामुळे ग्रोथ हबच्या माध्यमातून पुण्याचा विकास आराखडा तयार करण्यात येत आहे. या पार्श्वभूमीवर पुण्याचा वाहतुकीचा प्रश्न सोडविण्यासाठी उपग्रहाचा उपयोग करून अत्याधुनिक एकात्मिक वाहतूक नियंत्रण प्रणाली उभारण्यात येणार आहे. या प्रणालीशी ट्रॅफिक सिग्नल जोडण्यात येतील. याद्वारे शहरातील वाहतुकीची गती वाढविण्यास आणि पर्यायी रस्त्यावर वाहतूक वळविण्यास होण्यास मदत होईल. कृत्रिम बुद्धिमत्तेच्या सहाय्याने वाहतूक व्यवस्थेवर नियंत्रण ठेवण्यात येणार आहे. पुणे, पिंपरी चिंचवड आणि पीएमआरडीए क्षेत्रात वाहतुकीसाठी आवश्यक पायाभूत सविधांचा विचार करून पुढील १० वर्षासाठी आराखडा तयार करण्यात येत असून त्याचे सादरीकरण आज करण्यात येणार आहे. जनतेसाठीदेखील हे उपलब्ध करून देण्यात येईल. जनतेच्या सूचनांच्या आधारे अंतिम वाहतूक व्यवस्थापन आराखडा तयार करण्यात येईल, असे फडणवीस म्हणाले.

शासनाने अमली पदार्थाविरुद्ध कठोर कार्यवाही सुरू केली आहे. पुणे पोलिसांनीदेखील या संदर्भात चांगली कामगिरी केली आहे. हे काम निरंतर चालणारे असून यापुढेही अंमली पदार्थाविरोधात मोठी मोहीम सुरू करावी लागणार आहे, असेही मुख्यमंत्री म्हणाले. विधी संघर्षित बालकांच्या जीवनामध्ये परिवर्तन घडविणाऱ्या प्रकल्पाबाबत पुणे पोलिसांचे मुख्यमंत्र्यांनी अभिनंदन केले.

पोलीस दलाच्या आधुनिकीकरणासाठी शासन प्रयत्नशील – अजित पवार

पवार म्हणाले, पुणे आणि पिंपरी चिंचवड शहराचा विस्तार होत असल्याने पोलीस दलावर कायदा सुव्यवस्था राखण्याची मोठी जबाबदारी आहे. समाजात वावरताना जनतेला सुरक्षित वाटावे, कुठलाही अनुचित प्रकार घडू नये यासाठी शहर पोलीस दलाला आधुनिक सुविधा उपलब्ध करून देण्यात येत आहेत. शासनाने जिल्हा वार्षिक योजनेअंतर्गत राज्यात ५ टक्के अर्थात १ हजार १०० कोटी रुपये पोलीस दलासाठी राखीव ठेवण्याचा निर्णय घेतला आहे. पुणे, पिंपरी चिंचवड आणि पुणे ग्रामीण भागासाठी पोलीस दलाला जिल्हा नियोजन समितीच्या माध्यमातून गेल्या दोन वर्षात ४० कोटींचा निधी देण्यात आला.

आज उद्घाटन करण्यात आलेल्या चंदननगर पोलीस स्टेशनची इमारत सर्व सुविधांनी सुसज्ज अशी उत्तम प्रकारे बांधण्यात आली आहे. पोलीसांना चांगली सुविधा मिळत असताना पोलीस स्टेशनला तक्रार घेवून आलेल्या नागरिकांना न्याय मिळावा यासाठी पोलिसांनी विशेष प्रयत्न करावे. नागरिकांनीदेखील कायदा आणि सुव्यवस्था राखण्यात पोलिसांना सहकार्य करावे, असे आवाहन त्यांनी केले. जिल्हाधिकारी परिसरातील वाहतूक कोंडी दूर करण्यासाठी बंडगार्डन पोलीस स्टेशनचे लवकर स्थलांतर करावे, असे निर्देशही त्यांनी दिले.

येणाऱ्या कालावधीत अनेक सण साजरे होत असून ते आनंदात साजरे व्हावेत यासाठी पोलीस दल नागरिकांशी संवाद साधून चांगले नियोजन करीत आहेत. नागरिकांनीही नियमांचे पालन करून कार्यक्रम आयोजित करावे. शासन, पोलीस प्रशासन आणि नागरिकांमध्ये समन्वय असल्यास सण-उत्सव उत्साह आणि आनंदात साजरे होतील, असा विश्वास त्यांनी व्यक्त केला. बाल गुन्हेगारी नष्ट करण्यासाठी कायद्यात अपेक्षित सुधारणांबाबत पोलीस दलाने आवश्यक सूचना कराव्यात असे सांगून राज्य शासन पोलिसांना सुविधा देण्यात कोणतीही कमतरता भासू देणार नाही, अशी ग्वाही पवार यांनी दिली.

अमितेश कुमार यांनी प्रास्ताविकात पुणे शहर पोलीस आयुक्तालयाच्या विविध प्रकल्पांची माहिती दिली. ते म्हणाले, पुणे शहर पोलीस दल सक्षमीकणासाठी शासनाने मागील तीन वर्षात एक हजार कोटी रुपयांच्या प्रकल्पांना मंजूरी दिली आहे. ऑक्टोबर २०२४ मध्ये शासनाने शहरात ७ नवीन पोलीस स्टेशन आणि ८१६ मनुष्यबळाला मंजूरी दिली. सीसीटीव्ही प्रकल्पासाठी २ हजार ८०० कॅमेरे आणि इंटिग्रटेड कमांड ॲण्ड कंन्ट्रोल सेंटरसाठी साडेचारशे कोटींच्या खर्चाला मान्यता देण्यात असून प्रकल्पाच्या कामांना सुरूवात झाली आहे. शहरात २२ घाट आणि टेकड्यांवर सुरक्षा कवच मजबूत करण्यासाठी सीसीटीव्ही सर्व्हेलन्स प्रकल्पासाठी ८० कोटी रुपयांचा निधी मंजूर करण्यात आला आहे. जिल्हा नियोजन समितीच्या माध्यमातून १५० वाहनांना मंजूरी देण्यात आली आहे. पोलीस आयुक्तालयाच्या नवीन इमारतीसाठी २०० कोटी रुपयांच्या खर्चाला मान्यता मिळाली आहे. या कामांमुळे पोलीस दलाची क्षमता वाढेल, असा विश्वास त्यांनी व्यक्त केला. नवीन प्रकल्प आणि सुविधामुळे शहरातील सुरक्षा व्यवस्था बळकट होईल असे नमूद करून जनतेच्या अपेक्षा पूर्ण करण्यासाठी पोलीस दल कटीबद्ध असल्याचे त्यांनी सांगितले.

कार्यक्रमापूर्वी मुख्यमंत्री देवेंद्र फडणवीस यांच्या हस्ते ‘दृष्टी’ इंटिग्रेटेड कमांड अँड कंट्रोल सेंटर व चंदननगर पोलीस स्टेशनच्या नवीन इमारतीचे उद्घाटन, तसेच लोणीकाळभोर, नांदेड सिटी, खराडी, कोंढवा पोलीस स्टेशनच्या नवीन इमारतीचे प्रकल्पाचे दूरदृष्यप्रणालीद्वारे भूमिपूजन करण्यात आले. त्यांनी ‘दृष्टी’ इंटिग्रेटेड कमांड अँड कंट्रोल सेंटरची पाहणी करून माहिती घेतली.

फडणवीस यांच्या हस्ते दृष्टी इंटिग्रेटेड कमांड अँड कंट्रोल सेंटरचे उद्घाटन, मोबाईल सर्वेलन्स व्हॅनचे लोकार्पण आणि ड्रोन फ्लॅग ऑफ करण्यात आले. चंदन नगर पोलीस स्टेशनच्या नवीन इमारतीचे उद्घाटन, लोणी काळभोर , नांदेड सिटी, खराडी, कोंढवा पोलीस स्टेशनच्या नवीन इमारतींचे भूमिपूजन करण्यात आले. तसेच फडणवीस यांनी आयटीएमएस यंत्रणेची उद्घोषणा केली. पोलीसांनी २०० सीसीटीव्ही कॅमेऱ्याचे विश्लेषण करून धाराशीव येथून सुखरूप परत आणलेल्या कात्रज येथील कोमल काळे या दोन वर्षाच्या मुलीचा सत्कार मुख्यमंत्री महोदयांच्या हस्ते करण्यात आला. या प्रकरणाच्या तपासात योगदान देणाऱ्या पोलीसांचाही यावेळी सत्कार करण्यात आला. उपस्थित महिलांनी मुख्यमंत्री-उपमुख्यमंत्री यांना राखी बांधली.

कार्यक्रमाला आमदार उमा खापरे, योगेश टिळेकर, अमित गोरखे, भीमराव तापकीर, राहुल कूल, बापुसाहेब पठारे, चेतन तुपे, सिद्धार्थ शिरोळे, हेमंत रासने, शंकर जगताप, पिंपरी चिंचवडचे पोलीस आयुक्त विनयकुमार चौबे, जिल्हधिकारी जितेंद्र डुडी आदी उपस्थित होते.

The post पुण्यासाठी आणखी ५ नवीन पोलीस स्टेशनला मान्यता देणार – मुख्यमंत्री देवेंद्र फडणवीस appeared first on थोडक्यात घडामोडी.

पुणे : पुणे पोलिसांनी शहरातील विमाननगर व बाणेर येथील दोन उच्चभ्रू स्पावर छापा टाकत मोठी कारवाई केली आहे. या कारवाईत १८ महिलांची सुटका करण्यात आली असून, त्यामध्ये १० थाई नागरिक, दोन अल्पवयीन भारतीय मुली (वय १५ व १७ वर्षे) यांचा समावेश आहे. संबंधित स्पा केंद्रांत कायदेशीर मसाज पार्लरच्या आड मानवी तस्करी व वेश्याव्यवसायाचे धंदे सुरु असल्याचे उघड झाले आहे.

मिळालेल्या माहितीनुसार, मंगळवारी संध्याकाळी पोलिसांनी गुप्त माहितीनंतर विमाननगर परिसरातील स्पावर धाड टाकली. यावेळी १६ महिलांची सुटका करण्यात आली. त्यामध्ये बहुतेक थाई महिला तसेच दोन अल्पवयीन मुलींनाही वेश्याव्यवसायात ढकलल्याचे आढळून आले. या मुलींना नोकरीचे आमिष दाखवून फसवण्यात आले होते.

बाणेर परिसरातील एका स्पावर दुसरी धाड टाकण्यात आली. तेथूनही दोन महिलांची सुटका करण्यात आली. दोन्ही ठिकाणच्या कारवायांमध्ये संबंधित स्पा मालक, व्यवस्थापक व मालमत्ता मालकाला अटक करण्यात आली आहे.

मानवी तस्करीचा गंभीर प्रकार
प्राथमिक तपासात खोट्या रोजगाराच्या आश्वासनांवर महिलांना व मुलींना पुण्यात आणून जबरदस्तीने वेश्याव्यवसायात ढकलण्यात आल्याचे स्पष्ट झाले आहे. सुटका करण्यात आलेल्या अल्पवयीन मुलींचे भावनिक व आर्थिक शोषण झाल्याची माहिती पोलिसांनी दिली.

ही कारवाई वरिष्ठ निरीक्षक आशालता खापरे यांच्या नेतृत्वाखाली करण्यात आली. त्यांनी सांगितले की, गुप्त माहितीच्या आधारे ही धाडसत्रं आखण्यात आली होती.

विमाननगर पोलिसांनी याप्रकरणी संबंधितांवर अनैतिक मानवी वाहतूक प्रतिबंधक कायदा (PITA) आणि भारतीय दंड संहितेच्या विविध कलमांखाली गुन्हे दाखल केले आहेत. पोलिसांचा तपास सुरु असून, या रॅकेटमधील इतर आरोपींचा शोध घेण्यात येत आहे.

शहरातील स्पा व्यवसायावर प्रश्नचिन्ह
या प्रकरणामुळे पुन्हा एकदा पुण्यातील बेकायदेशीर स्पा आणि त्याआड चालणाऱ्या अनैतिक कारवायांवर प्रकाश पडला आहे. मानवी तस्करी आणि अल्पवयीन मुलींच्या शोषणाच्या घटना चिंतेचा विषय ठरत असून, पोलिसांनी कठोर कारवाईचे संकेत दिले आहेत.

The post पुण्यातील दोन उच्चभ्रू स्पावर पोलिसांचा छापा, सेक्स रॅकेटचा पर्दाफाश, १० थाई महिला व २ अल्पवयीन मुलींसह १८ जणींची सुटका appeared first on थोडक्यात घडामोडी.

पुणे : शालेय मुलांची वाहतूक करणाऱ्या रिक्षा आणि स्कूल व्हॅन चालकांना पोलिस आयुक्त अमितेश कुमार यांनी कडक इशारा दिला आहे. “मुलांची सुरक्षित वाहतूक ही सामूहिक जबाबदारी असून, कोणतीही दुर्लक्ष किंवा नियमभंग खपवून घेतला जाणार नाही,” असा स्पष्ट संदेश त्यांनी दिला.

महत्त्वाचे नियम व बंधने:

• प्रत्येक स्कूल व्हॅनमध्ये सीसीटीव्ही कॅमेरे बसवणे बंधनकारक.
• वाहतुकीदरम्यान महिला सहाय्यकाची उपस्थिती अनिवार्य.
• रिक्षामधून एका वेळी पाचपेक्षा अधिक विद्यार्थी वाहून नेण्यास मनाई.
• चालक आणि सहाय्यकांची चारित्र्य पडताळणी तसेच वैद्यकीय तपासणी आवश्यक.
• सर्व वाहने नियमित फिटनेस तपासणी उत्तीर्ण केलेली असावी.

ही माहिती जिल्हा शालेय वाहतूक सुरक्षा समितीच्या बैठकीत देण्यात आली, जी बुधवारी (११ जून) पुणे पोलिस आयुक्तालयात पार पडली. या बैठकीस पोलिस आयुक्त अमितेश कुमार, सह आयुक्त रंजन कुमार शर्मा, वाहतूक विभागाचे उपायुक्त डॉ. संदीप भाजीभाकरे, प्रादेशिक परिवहन अधिकारी अर्चना गायकवाड, स्वप्नील भोसले (पुणे), संदेश चव्हाण (पिंपरी-चिंचवड) आणि सुरेंद्र निकम (बारामती) उपस्थित होते.

कठोर कारवाईचा इशारा:

“शाळेच्या वाहनांनी ठरवलेली मानके आणि सुरक्षा नियमांचे काटेकोर पालन करणे आवश्यक आहे. जे चालक किंवा संस्था याकडे दुर्लक्ष करतील, त्यांच्यावर कठोर कायदेशीर कारवाई केली जाईल,” असे आयुक्त अमितेश कुमार यांनी स्पष्ट केले.

पुण्यातील शाळांनी आणि वाहन चालकांनी या सूचनांचे तातडीने पालन करावे, अन्यथा परवाने रद्द करणे, दंड आकारणे आणि अन्य दंडात्मक उपाय यांची अंमलबजावणी केली जाईल, असा इशाराही बैठकीत देण्यात आला.

The post शालेय मुलांच्या वाहतुकीसाठी लागू होणार ‘हे’ महत्त्वाचे नियम; पोलिस आयुक्त अमितेश कुमार यांचा कडक इशारा appeared first on थोडक्यात घडामोडी.

पुणे : काळेवाडी पोलिस ठाण्यात एका महिलेच्या आत्महत्येप्रकरणी तिच्या 34 वर्षीय बहिणीने सात जणांविरोधात तक्रार दाखल केली आहे. तक्रारीनुसार, मृत महिलेवर तिच्या सासरच्या लोकांनी शारीरिक आणि मानसिक अत्याचार केले होते. मृत महिलेची बहिण शिवाजीनगर येथील रहिवासी आहे. तिने आपल्या बहिणीच्या आत्महत्येसाठी तिच्या सासरकडून होणारा सततचा छळ जबाबदार असल्याचे म्हटले आहे.

याप्रकरणी काळेवाडी पोलिसांनी तक्रार घेऊन संबंधित सात जणांविरोधात विविध कलमानुसार गुन्हा दाखल केला आहे. तक्रारीमध्ये आरोपींवर अत्याचार, शारीरिक छळ, मानसिक त्रास आणि आत्महत्येस प्रवृत्त करणे असे आरोप करण्यात आले आहेत. पोलिसांनी आरोपींविरोधात कलम 306 (आत्महत्येस प्रवृत्त करणे), 498A (पत्नीवर अत्याचार) यासारख्या गंभीर कलमांखाली गुन्हा दाखल केला आहे.

मिळालेल्या माहितीनुसार, आरोपी महिलेचा विविध प्रकारे छळ करत होते आणि तिला मानसिक त्रास देत होते. दरम्यान, महिलेने आपल्या पतीसोबत राहण्यास नकार दिला, ज्यामुळे तिच्या सासरच्या कुटुंबीयांनी तिच्यावर दबाव आणून शारीरिक, मानसिक आणि भावनिक अत्याचार सुरू ठेवले. तिच्या सासरच्या कुटुंबाने तिला विविध प्रकारे त्रास दिला. अशा परिस्थितीमध्ये, अत्याचारांची शृंखला वाढत गेली आणि अखेर तिने आत्महत्या केली.

या प्रकरणाचा तपास सुरू आहे आणि पोलिसांनी घटनास्थळावरून आवश्यक पुरावे गोळा करण्याची प्रक्रिया सुरू केली आहे. तपासात आरोपींचा सहभाग, इतर साक्षीदारांची चौकशी, आणि घटनास्थळी मिळालेल्या पुराव्यांचा अभ्यास केला जात आहे. आरोपींच्या अटकेच्या संदर्भात पोलिसांची कार्यवाही चालू आहे. पोलिसांना विश्वास आहे की, संबंधित पुरावे मिळवून आरोपींना कठोर शिक्षा दिली जाईल.

या प्रकारच्या घटनांमुळे स्थानिक नागरिकांमध्ये संताप व्यक्त केला जात आहे. सामाजिक कार्यकर्त्यांचा असा आग्रह आहे की, महिलांवरील अत्याचार रोखण्यासाठी समाजातील प्रत्येक व्यक्तीला जागरूक होणे आवश्यक आहे. त्याचबरोबर, महिलांना आत्मनिर्भर होण्यासाठी योग्य शिक्षण, प्रेरणा आणि सशक्तीकरणाच्या मार्गदर्शनाची गरज आहे. या प्रकरणामुळे महिला सुरक्षा आणि अत्याचार विरोधी कायद्यांची अंमलबजावणी सुद्धा पुन्हा एकदा चर्चेत आली आहे.

The post पुणे : सततच्या त्रासाला कंटाळून महिलेची आत्महत्या, बहिणीकडून सात जणांविरोधात तक्रार दाखल appeared first on थोडक्यात घडामोडी.

पुणे : स्वारगेट बस स्थानकामध्ये उभ्या असलेल्या बसमध्ये एका तरुणीवर लैंगिक अत्याचार करण्यात आला. २५ फेब्रुवारी रोजी ही घटना घडली होती. या प्रकरणात पोलिसांनी आरोपी दत्तात्रय गाडे याला अटक केली आहे. मात्र, घटनेला एक महिना उलटून गेला तरीही गाडे याच्याविरुद्ध कोणतेही आरोपपत्र अद्याप दाखल झालेले नाही. तसेच गाडेची डीएनए चाचणी करण्यात आली, या चाचणीचा अहवाल अद्याप पोलिसांना उपलब्ध झालेला नाही.

गुन्हे शाखेच्या अधिकाऱ्यांनी सांगितले कि, गाडे याची डीएनए चाचणी करण्यात आली. फॉरेन्सिक लॅबोरेटरीकडून अद्याप डीएनए चाचणी अहवाल मिळालेला नाही. डीएनए चाचणी अहवाल मिळाल्यानंतर गाडे यांच्याविरुद्ध आरोपपत्र दाखल केले जाईल. पोलिसांनी गाडेचे कपडे जप्त केले आहेत. गाडे याच्याविरुद्ध तांत्रिक आणि फॉरेन्सिक पुरावे गोळा करण्यात आले आहेत. या प्रकरणात, पीडित मुलीचा जबाब न्यायाधीशांसमोर नोंदवण्यात आला आहे. तसेच, ज्या बसमध्ये गाडे याने तरुणीवर लैंगिक अत्याचार केला त्या बसच्या चालक आणि कंडक्टरचे जबाबही पोलिसांनी नोंदवले आहेत. गाडेने त्याचा मोबाईल फेकून दिला होता. पोलिसांनी त्याचा मोबाईल जप्त करण्याचा प्रयत्न केला. मात्र, मोबाईल सापडला नाही.

पोलिस आयुक्त अमितेश कुमार यांनी मंगळवारी (२५ मार्च) माध्यमांशी बोलताना सांगितले कि, स्वारगेट बसस्थानकाच्या परिसरात तरुणीशी झालेल्या कृत्याचा तपास अंतिम टप्प्यात आहे. या प्रकरणात लवकरच आरोपपत्र दाखल केले जाईल. येत्या काही दिवसांत त्याबाबत माहिती दिली जाईल.

आरोपी गाडे न्यायालयीन कोठडीत
आरोपी दत्तात्रय गाडे हा मूळचा शिरूर तालुक्यातील गुणाट गावचा आहे. महिलेवर लैंगिक अत्याचार केल्यानंतर तो पळून गेला. तो गुणाट गावातील उसाच्या शेतात लपून बसला होता. तीन दिवसांनंतर पोलिसांनी सापळा रचून आणि स्थानिक नागरिकांच्या मदतीने गाडेला अटक केली. गाडेविरुद्ध ठोस पुरावे गोळा करण्याचे काम पोलिस करत आहेत. तो आता न्यायालयीन कोठडीत आहे.

The post स्वारगेट लैंगिक अत्याचार प्रकरणाला महिना उलटूनही अद्याप आरोपपत्र दाखल नाही appeared first on थोडक्यात घडामोडी.