मुंबई : पावसाचे अधिकचे पाणी साठवण्यासाठी परळ येथील झेवियर्स मैदान व प्रमोद महाजन कला पार्क या ठिकाणी तयार होत असलेल्या भूमिगत टाक्यांच्या पहिल्या टप्प्यातील कामाचा आढावा पर्यावरणमंत्री आदित्य ठाकरे यांनी घेतला. ही कामे नियोजित वेळेत पूर्ण करण्याच्या सूचना त्यांनी यावेळी दिल्या.

मुंबईची भौगोलिक स्थिती आणि पावसाच्या अनिश्चिततेमुळे थोड्या कालावधीत होणारा प्रचंड पाऊस लक्षात घेता सखल भागात पाणी साचून समस्या निर्माण होते. त्यावर उपाय म्हणून अधिक पावसाच्या वेळी दोन्ही टाक्यांमध्ये हिंदमाता परिसरात साचणारे पाणी पंपांच्या साहाय्याने आणून साठवले जाणार आहे. यामुळे हिंदमाता परिसरात रस्त्यावर पाणी साचल्याने निर्माण होणारी समस्या दूर होण्यास मदत होणार आहे.

The post हिंदमाता परिसरात साचणारे पावसाचे पाणी साठविण्यासाठी भूमिगत टाक्या appeared first on थोडक्यात घडामोडी.

मुंबई : मुंबईतील सह्याद्री अतिथीगृहातील फाऊंटनच्या वर असलेला मोठा स्लॅब कोसळल्याची घटना घडली आहे. या दुर्घटनेतून पर्यावरणमंत्री आदित्य ठाकरे थोडक्यात बचावले असल्याची माहिती मिळाली आहे.

सह्याद्री अतिथीगृहातील हॉल क्रमांक ४ बाहेरील स्लॅब अचानक कोसळल्याने सह्याद्री अतिथीगृहात एकच खळबळ उडाली. पर्यावरण मंत्री आदित्य ठाकरे यांनी आज संध्याकाळी पावणे पाच वाजता सह्याद्री अतिथीगृहात बैठक घेतली होती. दरम्यान बैठकीच्या खोलीबाहेर असलेले शोभेचे झुंबर त्यावरील पीओपी स्लॅबसह कोसळले. सुदैवाने, या घटनेत कोणीही जखमी झाले नाही.

मिळालेल्या माहितीनुसार, आदित्य ठाकरे हे आपल्या विभागातील काही महत्त्वाच्या विषयांवर बैठक घेत होते, त्यानंतर सायंकाळच्या सुमारास शोभेचे झुंबर त्यावरील पीओपी स्लॅबसह कोसळले. या घटनेमुळे खळबळ उडाली होती, पण सुदैवाने या घटनेत कोणीही जखमी झाले नाही. सह्याद्री अतिथीगृहातील हे बांधकाम अंदाजे 20 ते 25 वर्षांपूर्वीचे आहे. या बांधकामाचे स्ट्रक्चरल ऑडिट करण्यात आले आहे. या बांधकामाची तातडीने दुरुस्ती केली जाणार असल्याचे सांगितले जात आहे.

The post आदित्य ठाकरे थोडक्यात बचावले, सह्याद्री अतिथीगृहातील स्लॅब कोसळला appeared first on थोडक्यात घडामोडी.

शहरातील वाढत्या प्रदूषणाला आळा घालण्यासाठी बेस्ट उपक्रमात टाटा मोटर्सने उत्पादित केलेल्या पर्यावरणपूरक २६ एसी इलेक्ट्रिक बस मुंबईकरांच्या सेवेत दाखल झाल्या आहेत. या सर्व बसचे आज मुख्यमंत्री उद्धव ठाकरे यांच्या हस्ते झेंडा दाखवून लोकार्पण करण्यात आले.

केंद्रीय अवजड उद्योग मंत्रालयाच्या ‘फेम II’ उपक्रमांतर्गत (फास्टर अॅडॉप्शन अँड मॅन्युफॅक्चरिंग ऑफ हायब्रिड अँड इलेक्ट्रिक वेहिकल्स) इलेक्ट्रिक बस योजना राबविली जात आहे. या योजनेअंतर्गत ‘फेम’कडून ३४० बस मंजूर झाल्या आहेत. यापैकी आज 26 बस बेस्टच्या ताफ्यात दाखल झाल्या आहेत. आजपासून त्या प्रवाशांसाठी सुरु करण्यात आल्या आहेत.

पर्यावरणमंत्री आदित्य ठाकरे म्हणाले, या इलेक्ट्रिक बस मुंबईकरांच्या सेवेत आजपासून सुरु झाल्या ही आनंदाची बाब आहे. मुंबईत सद्यस्थितीला 46 बस सुरु असून एकूण 340 बस उपलब्ध होणार आहेत. शाश्वत आणि वातावरणातील बदलासाठी असे उपक्रम राबविले पाहिजेत. तसेच मुंबईकरांचा प्रवास कसा सुखकर होईल याकडे लक्ष देण्यात येणार आहे. या लोकार्पण सोहळ्यावेळी मुख्यमंत्री उद्धव ठाकरे यांनी बसची पाहणी केली. त्यानंतर जनतेसाठी सोयीची आणि सुखकारक ठरेल याची खात्री करण्यासाठी स्वत: या नवीन इलेक्ट्रिक बसमध्ये प्रवास केला.

CM Uddhav Thackeray ji launched 26 electric buses today, the first lot of a total 340 electric buses of the @myBESTBus for Mumbai.
These are obtained through the FAME 2 policy of centre, for which we had initiated process in 2018 (1/n) pic.twitter.com/3aRD7Byomq

— Aaditya Thackeray (@AUThackeray) December 4, 2020

The post पर्यावरणपूरक २६ एसी इलेक्ट्रिक बस मुंबईकरांच्या सेवेत दाखल, मुख्यमंत्र्यांच्या हस्ते लोकार्पण appeared first on थोडक्यात घडामोडी.