मुंबई : आद्य पत्रकार आचार्य बाळशास्त्री जांभेकर यांनी बाणेदार आणि निर्भीड पत्रकारितेचे बाळकडू दिले आहे. आजच्या आव्हानात्मक परिस्थितीत हा वसा आणि वारसा जतनाचे सामर्थ्य मराठी पत्रकारितेत निश्चितच आहे, असा विश्वास व्यक्त करत मुख्यमंत्री उद्धव ठाकरे यांनी आद्य पत्रकार आचार्य बाळशास्त्री जांभेकर यांना विनम्र अभिवादन केले आहे. तसेच मराठी पत्रकार दिनानिमित्त सर्व पत्रकारांना शुभेच्छा दिल्या आहेत.

मुख्यमंत्री संदेशात म्हणतात, आचार्य बाळशास्त्री जांभेकर यांनी आपल्या विद्वत्तेच्या बळावर परकीय राजवटीत मराठी पत्रकारितेचा पाया घातला. आपल्या लेखनातून ब्रिटिशांच्या डोळ्यांत अंजन घालण्याचा बाणेदारपणा दाखवला. आज पर्यावरणीय बदल आणि मानव, जीवमात्रांचे आरोग्य, त्यांचे अस्तित्व अशी आव्हाने उभी राहू लागली आहेत. या नव्या संदर्भाने माध्यमांची भूमिका, पत्रकारिता याबाबत चर्चा सुरू झाली आहे. लोकशाहीचा चौथा स्तंभ म्हणून ओळखल्या जाणाऱ्या या क्षेत्रासमोर अनेक आव्हाने आहेत. पण पत्रकारितेच्या मूल्यांना कुणीही धक्का लावू शकत नाही, असा धडाच आचार्य बाळशास्त्री यांनी आपल्या कर्तृत्वातून घालून दिला आहे. हा वसा आणि वारसा जतनाचे सामर्थ्य मराठी पत्रकारितेत निश्चितच आहे. हा बाणेदारपणा जागवणे हेच आचार्य बाळशास्त्री जांभेकर यांना अभिवादन आहे. त्यासाठी पत्रकार बंधू-भगिनींना मराठी पत्रकार दिनानिमित्त मनःपूर्वक शुभेच्छा तसेच आचार्य बाळशास्त्री जांभेकर यांना विनम्र अभिवादन.

The post मराठी पत्रकारितेत बाणेदारपणा जोपासण्याचे सामर्थ्य – मुख्यमंत्री उद्धव ठाकरे appeared first on थोडक्यात घडामोडी.

कोलंबियामधून एक अत्यंत धक्कादायक व्हिडिओ समोर आला आहे. इथे लाईव्ह कार्यक्रमात स्टुडिओमधील एका पत्रकारावर एक मोठा टीव्ही सेट पडला. या घटनेचा व्हिडिओ सोशल मीडियावर व्हायरल होत आहे. सुदैवाने त्या पत्रकाराला जास्त दुखापत झालेली नाही.

ही घटना टीव्ही चॅनल ईएसपीएन कोलंबियामध्ये काम करणारे पत्रकार कार्लोस ऑर्डुज यांच्याबरोबर घडली आहे. त्यांना किरकोळ दुखापत झाली आहे. या कार्यक्रमादरम्यान स्टुडिओमध्ये 6 लोक उपस्थित असल्याचे व्हिडिओमध्ये दिसत आहे. त्याचवेळी त्याठिकाणी बसलेल्या एका पत्रकारावर मोठा टीव्ही अचानक पडला. ही घटना कॅमेऱ्यात कैद झाली. तथापि, कॅमेरामॅनने त्वरित प्रसंगावधान दाखवत कॅमेरा कार्यक्रमाच्या अँकरकडे वळविला. अँकर थोडा गोंधळला होता पण त्यानेही त्वरित ब्रेकची घोषणा केली.

कार्लोस ऑर्डोज यांची वैद्यकीय तपासणी करण्यात आली असून त्यांच्या नाकाला किरकोळ दुखापत झाली. ते पूर्णपणे स्वस्थ आहेत.

Shocking video. ESPN anchor crushed live on the air by falling set piece. Thankfully he was uninjured. pic.twitter.com/CeFxy8AksY

— Mike Sington (@MikeSington) March 10, 2021

The post पत्रकारावर लाईव्ह कार्यक्रमात पडला मोठा टीव्ही सेट, व्हिडिओ व्हायरल appeared first on थोडक्यात घडामोडी.

महाराष्ट्रातील कोरोना रुग्णांची संख्या घटली असली तरी संकट अजून टळलेले नाही. त्यामुळे येत्या १४ आणि १५ डिसेंबर २०२० पासून सुरू होणाऱ्या हिवाळी अधिवेशनापूर्वी खबरदारी म्हणून सर्वांची कोरोना चाचणी बंधनकारक करण्याचा निर्णय विधानमंडळाने घेतला आहे. यासाठी १२ आणि १३ डिसेंबर रोजी विधानभवन परिसरात तपासणी शिबीर घेतले जाणार आहे.

यासंदर्भात विधानभवनात सभापती रामराजे निंबाळकर, विधानसभा अध्यक्ष नाना पटोले आणि उपसभापती डॉ.नीलम गोऱ्हे यांच्या प्रमुख उपस्थितीत आढावा बैठक घेण्यात आली. यावेळी हा निर्णय घेण्यात आला. या अधिवेशनासाठी येणाऱ्या राज्यातील दोन्ही सभागृहातील आमदारांसह विधानभवन आणि मंत्रालयातील अधिकारी-कर्मचारी, सफाई कर्मचारी, पोलीस आणि पत्रकार यांची आरटी-पीसीआर चाचणी करण्यात येणार आहे. ज्यांची कोरोना चाचणी पॉझिटिव्ह येईल त्यांना विधानभवनात प्रवेश दिला जाणार नसल्याचा निर्णय घेण्यात आला आहे. गर्दी टाळण्यासाठी प्रत्येकांची वर्गवारी करण्यात आली असून त्यानुसार तपासणी शिबिरात एकूण सात बुथ उभारले जाणार आहेत. त्याचबरोबर तपासणी झालेल्यांना अहवाल प्राप्त करुन घेण्यासाठी टोकन देण्यात येणार आहेत. ज्यांचा अहवाल पॉझिटिव्ह येईल अशा रुग्णांना रुग्णालयात उपचारासाठी पाठविण्यात येणार आहे.

The post हिवाळी अधिवेशनापूर्वी खबरदारी म्हणून सर्वांची कोरोना चाचणी बंधनकारक appeared first on थोडक्यात घडामोडी.

संगमनेर : TV९ चे पत्रकार पांडुरंग रायकर आरोग्य विभागाच्या अनास्थेचा बळी ठरले. त्यांना न्याय मिळावा व त्यांच्या मृत्यूला कारनीभूत असलेल्या दोषींवर योग्य ती कारवाई व्हावी यासाठी संगमनेर तालुक्यातील आश्वी पोलीस ठाणे येथे पोलीस निरीक्षक मा. सुधाकर मांडवकर यांना निवेदन दिले.

यावेळी दै. लोकसत्ता चे जेष्ठ पत्रकार सितारामजी चांडे, दै. पुण्यनगरी चे पत्रकार संजय गायकवाड, दै. लोकमत चे पत्रकार योगेशजी रातडीया, दै. सार्वमत चे पत्रकार रवीद्रं बालोटे, दै. राष्ट्र सह्याद्री चे पत्रकार अनिल शेळके, पत्रकार संकेत कचेरीया आदि उपस्थित होते.

The post TV९ चे पत्रकार पांडुरंग रायकर यांना न्याय मिळवा म्हणून गावा-गावातून उमटल्या प्रतिक्रिया appeared first on थोडक्यात घडामोडी.