नवी दिल्ली : ‘तारक मेहता का उलटा चष्मा’ या मालिकेतील टप्पूची भूमिका निभावलेला अभिनेता भव्य गांधी याचे वडील विनोद गांधी यांचे निधन झाले आहे. कोरोनाच्या संसर्गामुळे भव्यचे वडील विनोद गांधी यांचे निधन झाले आहे.

मीडिया रिपोर्टनुसार, भव्य गांधीच्या वडिलांना नुकतीच कोरोनाची लागण झाली होती. त्यानंतर त्यांना मुंबईतील कोकिलाबेन रुग्णालयात दाखल करण्यात आले होते. तेथे ते व्हेंटिलेटरवर होते. विनोद गांधी 10 दिवसांपासून कोरोनाविरुद्ध लढत होते, पण अखेर त्यांचे निधन झाले. त्यांच्या शरीरात ऑक्सिजनची पातळी अचानक कमी झाली, त्यामुळे मंगळवारी त्यांचे निधन झाले. भव्यच्या वडिलांचा बांधकामाचा व्यवसाय आहे. त्यांच्या पश्चात पत्नी, भव्य आणि मोठा मुलगा आहे, जो विवाहित आहे.

भव्य गांधी सध्या टेलिव्हिजनच्या दुनियेपासून दूर गुजराती चित्रपटांमध्ये काम करत आहेत. त्याने टिपेंद्र लाल गाडा ऊर्फ टप्पूची व्यक्तिरेखा साकारली होती. नऊ वर्ष काम केल्यानंतर 2017 मध्ये त्याने ‘तारक मेहता का उलटा चष्मा’ मालिका सोडली. शो सोडताना त्याने सांगितले की त्याला नवीन काही करायला मिळत नव्हतं. म्हणून त्याने शो सोडला. भव्य गांधीचे आजही ‘तारक मेहता का उलटा चष्मा’च्या सहकलाकारांसोबत चांगले संबंध आहेत. तो ‘दया बेन’ म्हणजेच दिशा वाकाणी, दिलीप जोशी आणि समय शहा यांच्या संपर्कात आहे.

The post ‘तारक मेहता..’ फेम टप्पू म्हणजेच भव्य गांधीच्या वडिलांचे कोरोनाने निधन appeared first on थोडक्यात घडामोडी.

तारक मेहता का उलटा चष्मा ही मालिकेचे लेखक अभिषेक मकवाना यांनी आत्महत्या केली आहे. अभिषेक यांनी कर्ज घेतल्यानंतर त्यांना ब्लॅकमेल केलं जात होतं, त्यामुळे त्यांनी हे पाऊल उचललं असावं असा संशय त्यांच्या कुटुंबीयांनी व्यक्त केला आहे. अभिषेक मकवाना यांना कर्ज घेतल्यापासून फोनवरुन धमक्या दिल्या जात होत्या. कर्ज फेडण्यासाठी त्यांच्यावर वारंवार दबाव आणला जात होता. अभिषेक मकवाना हे सायबर फ्रॉडचे बळी ठरले होते, असंही त्यांच्या कुटुंबीयांनी म्हटलं आहे.

अभिषेक मकवाना यांचा अपघाती मृत्यू झाल्याची नोंद चारकोप पोलिसांनी केली होती. मात्र आता ही आत्महत्या असल्याचं समोर आलं आहे. २७ नोव्हेंबरला अभिषेक मकवाना यांनी आत्महत्या केली. यानंतर पोलिसांनी त्यांच्या घरातल्यांचे जबाब नोंदवले आहेत. त्यांच्या भावाने सांगितले कि, “अभिषेकचा मृत्यू झाल्यानंतर मी त्याचे काही मेल चेक केले. त्यामध्ये अभिषेकला अनेक नंबर्सवरुन फोन येत असल्याचं समजलं. तसंच ते सगळे फोन कॉल्स कर्ज फेडण्यासंदर्भातले होते. एक कॉल बांगलादेशातून तर एक कॉल म्यानमारमधून आल्याचंही मला समजलं. इतर कॉल्स भारतातल्या इतर भागांमधून येत होते असंही समजलं.”

The post ‘तारक मेहता का उलटा चष्मा’ मालिकेचे लेखक अभिषेक मकवाना यांची आत्महत्या appeared first on थोडक्यात घडामोडी.