मुंबई : ड्रग्ज प्रकरणात एक मोठे अपडेट समोर आले आहे. एनसीबीची टीम गुरुवारी बॉलिवूड अभिनेत्री अनन्या पांडेच्या घरी पोहोचली आहे. तसेच एनसीबीने अनन्या पांडेला आज दुपारी 2 वाजता चौकशीसाठी बोलावले आहे. अनन्या पांडे प्रसिद्ध अभिनेता चंकी पांडेची मुलगी आहे. एनसीबी टीम केवळ अनन्याच्या घरीच नाही तर शाहरुख खानचे घर मन्नतमध्येही सर्च ऑपरेशन करत आहे.

या प्रकरणात अनन्या पांडेचे नाव पुढे येणे हा मोठा खुलासा आहे. आर्यन खानच्या ड्रग्स प्रकरणाबद्दल अनन्याला प्रश्न विचारले जाऊ शकतात. आर्यन खानच्या व्हॉट्सअॅप ड्रग चॅटमध्ये अनन्या पांडेचे नाव समोर आल्याचे सांगितले जात आहे. यापूर्वी वृत्त होते की आर्यन खानने एका नवोदित बॉलिवूड अभिनेत्रीसोबत ड्रग चॅट केले होते. आता असे समोर आले आहे की आर्यनने अनन्यासोबत ड्रग्ज चॅट केले होते.

चंकी पांडे आणि शाहरुख खानच्या मुलांमध्ये चांगले संबंध आहेत. ते सर्व एकमेकांचे मित्र आहेत. अनन्या पांडे ही शाहरुख खानची मुलगी सुहाना खानची जवळची मैत्रीण आहे. अनन्याची आर्यन खान सोबत देखील मैत्री आहे. हे सर्व स्टारकिड्स एकत्र पार्टी, हँगआउट देखील करतात. अनन्या पांडेने स्टुडंट ऑफ द इयर या चित्रपटाद्वारे बॉलिवूडमध्ये पदार्पण केले.

गुरुवारी सकाळी शाहरुख खान याने आर्थर रोड येथे मुलगा आर्यन खानची भेट घेतली. त्यानंतर एनसीबीची टीम शाहरुख खानचे घर मन्नत येथे पोहोचली. मन्नतमध्ये आर्यन खानच्या रूममध्ये सर्च ऑपरेशन केले जाईल, असे सांगितले जात आहे. एनसीबी टीम कुटुंबातील अन्य सदस्यांचीही चौकशी करू शकते.

The post ड्रग्ज प्रकरण : अनन्या पांडेच्या घरी NCB चा छापा, शाहरुख खानच्या ‘मन्नत’ मध्येही सर्च ऑपरेशन appeared first on थोडक्यात घडामोडी.

मुंबई : बॉलिवूड अभिनेता दिलीप ताहिल यांचा मुलगा ध्रुव ताहिल याला मुंबई पोलिसांनी ड्रग्ज प्रकरणात अटक केली आहे. कारवाईमध्ये ध्रुवकडून ३५ ग्रॅम एमडी ड्रग्ज जप्त करण्यात आलं आहे. ही कारवाई मुंबई पोलिसांच्या अँटी नार्कोटिक्स सेलकडून करण्यात आली आहे.

मिळालेल्या माहितीनुसार, ध्रुव ताहिल मार्च २०२० पासून मुजम्मिल अब्दुल रहमान शेख नावाच्या एका ड्रग्ज पेडलरच्या संपर्कात होता. काही दिवसांपूर्वीच मुंबई पोलिसांनी मुजम्मिलला अटक केली होती. चौकशीत त्यानं ध्रुव ताहिलला ड्रग्ज पुरवल्याचं मान्य केलं होतं. आरोपी मुजम्मिलच्या मोबाइलची तपासणी करण्यात आली होती. त्यातून ध्रुव ताहिल आणि मुजम्मिल व्हॉट्सअॅप चॅटच्या माध्यमातून एकमेकांच्या संपर्कात असल्याचं समजलं होतं. ध्रुव ताहिलनं अनेकदा मुजम्मिलकडून ड्रग्ज मागवले होते. याशिवाय ध्रुव ताहिलनं मुजम्मिल याला ऑनलाइन पैसे ट्रान्सफर केल्याचेही पुरावे सापडले आहेत.

त्यानुसार, ५ मे रोजी मुंबई पोलिसांनी ध्रुवच्या घरावर छापा टाकत कारवाई केली. यावेळी ध्रुव ताहिलकडे मुंबई पोलिसांना ड्रग्जदेखील सापडले. अँटी नार्कोटिक्स सेलनं कारवाई करत त्याला अटक केली. दरम्यान, याबाबत अभिनेता दिलीप ताहिल यांनी अद्याप कोणतीही प्रतिक्रिया दिलेली नाही.

The post मोठी कारवाई : बॉलिवूड अभिनेता दिलीप ताहिल यांच्या मुलाला ड्रग्जसह अटक appeared first on थोडक्यात घडामोडी.

ड्रग्ज प्रकरणात बॉलिवूड अभिनेता अर्जुन रामपालची अडचण वाढू शकते. आज (21 डिसेंबर) अर्जुन रामपाल पुन्हा एनसीबीसमोर हजर झाला. या प्रकरणात एनसीबीने दिल्लीच्या डॉक्टरांची चौकशी केली आहे. एनसीबीने न्यायालयात 164 अंतर्गत न्यायाधीशांकडेही डॉक्टरांचे निवेदन सादर केले आहे.

या प्रकरणात डॉक्टर म्हणाले कि, ‘ज्या काही महत्त्वाच्या गोष्टी आहेत त्या मी एनसीबीला सांगितल्या आहेत आणि माझे निवेदन दंडाधिकाऱ्यांसमोर दिले आहे. मी एनसीबीला मदत करेन.’ मिळालेल्या माहितीनुसार, एनसीबीने मुंबईतील डॉक्टरांचे निवेदनही घेतले आहे. अर्जुन रामपालच्या एका साथीदाराने एनसीबीच्या तपासातून वाचण्यासाठी दिल्लीतील एका डॉक्टरची दिशाभूल केली आणि अगोदरच्या तारखेच्या प्रिस्क्रिप्शन लिहून घेतल्या. अर्जुन रामपालने त्या प्रिस्क्रिप्शन NCB समोर ठेवल्या होत्या. NCB च्या अधिकाऱ्यांनी संशयावरून डॉक्टरकडे चौकशी केली व ते निवेदन रेकॉर्ड करून घेतले.

अर्जुन रामपालच्या घरावर छापा टाकला तेव्हा NDPS कायद्यांतर्गत येणारे औषध ताब्यात घेण्यात आले. ते औषध NDPS कायद्याच्या अनुसूची एच अंतर्गत येते, ज्यासाठी डॉक्टरांच्या प्रिस्क्रिप्शनची आवश्यकता असते. मिळालेल्या माहितीनुसार, यासाठी त्यांनी डॉक्टरांचीही दिशाभूल केली होती.

The post ड्रग्ज प्रकरण : अर्जुन रामपालच्या अडचणीत वाढ appeared first on थोडक्यात घडामोडी.