पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक कार्यकर्ते डॉ. सोमनाथ वेणूताई निवृत्ती गिते यांचा मा. महापौर सौ. मंजुषा नागपुरे यांच्या हस्ते सन्मान करण्यात आला.

पुणे शहरातील विविध क्षेत्रांत उल्लेखनीय कार्य करणाऱ्या व्यक्तींच्या गौरवासाठी आयोजित या विशेष समारंभात डॉ. गिते यांच्या सामाजिक व व्यसनमुक्ती क्षेत्रातील दीर्घकालीन कार्याची दखल घेण्यात आली. गेल्या अनेक वर्षांपासून ते व्यसनमुक्ती जनजागृती, युवक प्रबोधन आणि सामाजिक कार्याच्या माध्यमातून समाजात व्यसनमुक्तीचा संदेश पोहोचविण्याचे कार्य करीत आहेत.

डॉ. गिते यांनी राज्यभरातील युवक, पालक आणि नागरिकांमध्ये व्यसनाच्या दुष्परिणामांबाबत जनजागृती करण्यासाठी विविध उपक्रम राबविले आहेत. शाळा, महाविद्यालये, सामाजिक संस्था तसेच विविध सार्वजनिक उपक्रमांच्या माध्यमातून त्यांनी व्यसनमुक्तीबाबत सातत्याने प्रबोधन केले आहे. व्यसनाधीन व्यक्ती तसेच त्यांच्या कुटुंबीयांना मार्गदर्शन आणि पुनर्वसनाच्या प्रक्रियेत मदत करण्याचे कार्यही त्यांनी केले आहे.

त्यांच्या या कार्याची दखल घेत महाराष्ट्र शासनाच्या सामाजिक न्याय व विशेष सहाय्य विभागामार्फत ‘राष्ट्रपिता महात्मा गांधी राज्यस्तरीय व्यसनमुक्ती सेवा पुरस्कार’ देऊन त्यांचा गौरव करण्यात आला आहे. हा राज्यस्तरीय पुरस्कार मा. संजय शिरसाट यांच्या हस्ते प्रदान करण्यात आला होता.

सामाजिक कार्यातील योगदानाबद्दल डॉ. गिते यांना डॉक्टरेट पदवी प्राप्त झाली असून, व्यसनमुक्ती व सामाजिक जनजागृतीच्या क्षेत्रातील त्यांच्या कार्याची विविध स्तरांवर दखल घेण्यात आली आहे. त्यांच्या सामाजिक कार्याशी संबंधित विविध जागतिक विक्रमांची नोंद त्यांच्या नावावर असून, राष्ट्रीय व आंतरराष्ट्रीय स्तरावरील विविध सन्मानांनीही त्यांना गौरविण्यात आले आहे.

डॉ. गिते यांच्या कार्याला विविध मान्यवर, सामाजिक संस्था आणि लोकप्रतिनिधींनीही वेळोवेळी पाठिंबा व कौतुकाची दाद दिली आहे. त्यांच्या कार्याची प्रशंसा करणारी प्रशंसापत्रे व शिफारसपत्रेही विविध स्तरांवरून प्राप्त झाली आहेत.

पुणे महानगरपालिकेच्या वतीने झालेला हा सन्मान त्यांच्या सामाजिक कार्याची महत्त्वपूर्ण दखल मानली जात असून, या सन्मानामुळे व्यसनमुक्तीच्या कार्याला आणखी व्यापक स्वरूप देण्याची प्रेरणा मिळाल्याची भावना डॉ. गिते यांनी व्यक्त केली.

“हा सन्मान केवळ माझा नसून, माझ्या या प्रवासात साथ देणाऱ्या कुटुंबीयांचा, सहकाऱ्यांचा, मित्रांचा आणि माझ्या कार्यावर विश्वास ठेवणाऱ्या प्रत्येकाचा आहे. समाजातील युवकांना व्यसनापासून दूर ठेवण्यासाठी आणि व्यसनमुक्त, सुसंस्कारित व सशक्त पिढी घडविण्यासाठी यापुढेही सातत्याने कार्य करत राहू,” असे डॉ. गिते यांनी सांगितले.

स्वातंत्र्यदिनाच्या निमित्ताने झालेल्या या सन्मानामुळे त्यांच्या सामाजिक कार्याला नवी ऊर्जा मिळाली असून, व्यसनमुक्त समाजाच्या निर्मितीसाठी सुरू असलेली त्यांची जनजागृतीची चळवळ अधिक व्यापक करण्याचा संकल्प त्यांनी व्यक्त केला.

The post स्वातंत्र्यदिनानिमित्त डॉ. सोमनाथ गिते यांचा महापौरांच्या हस्ते गौरव appeared first on थोडक्यात घडामोडी.

शिबलापूर : समाजहिताची जाणीव जपत आणि शिक्षणाला हातभार लावण्याच्या उद्देशाने, महाराष्ट्र शासनाकडून प्रदान करण्यात आलेल्या ‘राष्ट्रपिता महात्मा गांधी राज्यस्तरीय व्यसनमुक्ती सेवा पुरस्कार’ प्राप्त डॉ. सोमनाथ वेणूताई निवृत्ती गिते यांनी पुरस्काराची संपूर्ण रक्कम तसेच स्वतःची भर घालून एकूण रुपये ३२,००० शैक्षणिक संस्थांना देणगी म्हणून देण्याचा प्रेरणादायी निर्णय घेतला आहे.

या पुरस्काराची मूळ रक्कम रुपये १५,००० इतकी असताना, त्यामध्ये स्वतःकडून अतिरिक्त रक्कम जोडून त्यांनी शिक्षण क्षेत्रासाठी मोठा हातभार लावला आहे. स्वर्गीय आई वेणूताई व स्वर्गीय वडील निवृत्ती भाऊराव गिते यांच्या स्मरणार्थ प्रवरा माध्यमिक विद्यालय, शिबलापूर येथे रुपये ११,००० देणगी देण्यात आली.

यावेळी डॉ. गिते यांच्यासह प्राचार्य भारत दिवटे, सरपंच प्रमोद बोन्द्रे, माजी प्राचार्य आनंदाराव गिते, माजी प्राचार्य भिमराज बोन्द्रे, सुनील हिंगे सर, सामाजिक कार्यकर्ते प्रकाश शिंदे तसेच इतर शिक्षक व कर्मचारी उपस्थित होते. तसेच कुटुंबातील अर्जुन गिते, संतोष गिते, रावसाहेब गिते, किरण गिते आणि अश्विनी गिते यांचीही उपस्थिती होती.

याशिवाय, विद्यार्थ्यांच्या शैक्षणिक प्रगतीसाठी जिल्हा परिषद शाळा, शिबलापूर यांनाही रुपये २१,००० देणगी देण्याची घोषणा डॉ. गिते यांनी केली.

पुरस्कारातून मिळालेली रक्कम स्वतःच्या उपयोगासाठी न ठेवता शिक्षणासाठी अर्पण करण्याचा निर्णय हा केवळ उदात्त विचार नव्हे, तर समाजाप्रती असलेली खरी बांधिलकी दर्शवणारा आहे. डॉ. गिते यांच्या या कार्यामुळे शिक्षण क्षेत्राला बळ मिळणार असून, त्यांच्या या उपक्रमाचे सर्व स्तरांतून कौतुक होत आहे.

सरपंच प्रमोद बोन्द्रे म्हणाले की, डॉ. गिते यांनी पुरस्काराची रक्कम स्वतःसाठी न वापरता शिक्षणासाठी अर्पण करण्याचा घेतलेला निर्णय अत्यंत प्रेरणादायी आहे. अशा कार्यातून समाजाला सकारात्मक दिशा मिळते. त्यांच्या या उपक्रमामुळे गावातील विद्यार्थ्यांना निश्चितच मोठा फायदा होईल.

प्राचार्य भारत दिवटे सर म्हणाले की, डॉ. गिते यांची शिक्षणाविषयीची बांधिलकी आणि सामाजिक जाणीव खरोखरच कौतुकास्पद आहे. त्यांनी दिलेली ही देणगी विद्यार्थ्यांच्या शैक्षणिक प्रगतीसाठी उपयुक्त ठरणार असून, त्यांच्या या कार्यामुळे इतरांनाही प्रेरणा मिळेल.

The post राज्यस्तरीय व्यसनमुक्ती सेवा पुरस्काराची रक्कम शिक्षणासाठी अर्पण; डॉ. गिते यांची सामाजिक बांधिलकी अधोरेखित appeared first on थोडक्यात घडामोडी.

पुणे, दि. ६ : “दारू पिणे आरोग्यास हानिकारक आहे” असा इशारा मद्याच्या प्रत्येक बाटलीवर छापलेला असतो. मात्र, या इशाऱ्यांचा केंद्रबिंदू मुख्यतः शारीरिक आरोग्यावर असतो. मद्यपानामुळे होणारे मानसिक परिणामही तितकेच गंभीर असून, त्याबाबत जनजागृती करणेही तितकेच आवश्यक आहे, अशी मागणी सामाजिक कार्यकर्ते विल्यम साळवी यांनी राज्य उत्पादन शुल्क विभागाकडे निवेदनाद्वारे केली आहे.

साळवी यांनी दिलेल्या निवेदनात म्हटले आहे की, “महाराष्ट्रातील सर्व प्रकारच्या मद्यांच्या बाटल्यांवर ‘अत्यधिक मद्यपानामुळे नैराश्य, चिंता, स्मृतीभ्रंश होऊ शकतो’, ‘मद्यपानामुळे मानसिक संतुलन बिघडू शकते’ अशा स्वरूपाचे स्पष्ट व ठळक इशारे छापणे बंधनकारक करावे.”

या मागणीला डॉ. सोमनाथ गिते (समाजसेवक व व्यसनमुक्ती कार्यकर्ते) यांच्यासह व्यसनमुक्ती क्षेत्रात कार्यरत असलेल्या अनेक सामाजिक संस्थांनीही पाठिंबा दर्शवला आहे. ‘सध्या मद्याच्या बाटल्यांवरील इशारे केवळ शारीरिक आरोग्यापुरते मर्यादित आहेत. मानसिक आरोग्यावर होणारे दुष्परिणाम नागरिकांना ज्ञातच नाहीत. त्यामुळे अनेक तरुण व नागरिक अज्ञानातून मानसिक आजारांनी ग्रासले जात आहेत,’ असे त्यांनी स्पष्ट केले.

तंबाखू व सिगारेटसारख्या उत्पादनांवर ‘कर्करोगाचा धोका’, ‘प्राणघातक आहे’ अशा चेतावणी असतात. त्याच धर्तीवर मद्याच्या बाटल्यांवरही स्पष्ट मानसिक चेतावणी असाव्यात, असे साळवी यांनी नमूद केले आहे.

या मागणीला आधार देणारे जागतिक आरोग्य संघटना (WHO) व राष्ट्रीय मानसिक आरोग्य संस्था (NIMHANS) यांचे अभ्यासही महत्त्वाचे ठरतात. विशेषतः NIMHANS च्या २०२३ च्या अहवालानुसार, भारतात मद्यपानाशी संबंधित मानसिक विकारांमध्ये लक्षणीय वाढ झाली असून, नैराश्य, चिंता विकार, झोपेच्या समस्या, स्मृतीभ्रंश, आत्महत्येची प्रवृत्ती यासारख्या गंभीर परिणामांची नोंद झाली आहे.

सध्या लागू असलेल्या कायद्यांनुसार, राज्य उत्पादन शुल्क अधिनियमांतर्गत मद्याच्या पॅकेजिंगवर आरोग्यविषयक इशारे बंधनकारक असले तरी त्यामध्ये मानसिक आरोग्याचा उल्लेख नसल्याने ते अपुरे ठरतात, असे साळवी यांचे म्हणणे आहे.

कॅनडा, ऑस्ट्रेलिया, फ्रान्ससारख्या देशांमध्ये अल्कोहोलच्या बाटल्यांवर मानसिक चेतावणी देण्याची सक्ती आहे. त्यामुळे ग्राहकांना केवळ शारीरिकच नव्हे, तर मानसिक धोकेही माहीत होतात आणि निर्णय घेताना ते अधिक जबाबदारीने विचार करतात.

“दारूपासून केवळ यकृत, किडनी यांवरच नाही, तर मन, विचार आणि वर्तनावरही खोल परिणाम होतो. त्यामुळे मद्यपान ही केवळ व्यसनाची नव्हे, तर मानसिक आरोग्याचीही समस्या आहे,” असे मत तज्ज्ञांनीही व्यक्त केले आहे.

या पार्श्वभूमीवर साळवी यांनी राज्य सरकार, उत्पादन शुल्क विभाग आणि आरोग्य विभाग यांना आवाहन केले आहे की, दारूपासून होणाऱ्या मानसिक परिणामांची जनजागृती व्हावी यासाठी बाटल्यांवर स्पष्ट चेतावणी देणे अनिवार्य करावे. कारण व्यसनमुक्तीची सुरुवात ही माहिती आणि जागृतीपासूनच होते, असे त्यांनी नमूद केले आहे.

The post दारूमुळे मानसिक आरोग्यावर होणाऱ्या परिणामांचीही जनजागृती आवश्यक – सामाजिक कार्यकर्त्यांची मागणी appeared first on थोडक्यात घडामोडी.

पुणे : महाराष्ट्र राज्याचे राज्यपाल भगतसिंह कोश्यारी नुकतेच पुण्यात आले होते. यावेळी डॉ. सोमनाथ गिते यांनी त्यांची भेट घेतली आणि व्यसनमुक्ती या विषयावर चर्चा केली. राज्यपालांनी डॉ. सोमनाथ गिते यांच्या कार्याचे कौतुक केले व प्रशंसापत्र दिले. तसेच व्यसनमुक्तीचे कार्य आवश्यक असून हे कार्य असेच सुरु ठेवा, व्यसनमुक्त समाज घडवण्यासाठी तुमच्या कार्याचा नक्की फायदा होईल, असेही म्हणाले. काहीही गरज भासल्यास मदत करण्याचे आश्वासन देखील त्यांनी दिले.

डॉ. सोमनाथ गिते यांनी मागील काही काळापासून व्यसनमुक्तीवर सातत्याने लिखाण केले असून यामधून त्यांनी तंबाखू, सिगारेट, दारूसारख्या व्यसनाधीनतेतून समाजाचे झालेले नुकसान आणि सद्यस्थिती मांडण्याचा प्रयत्न केला. काही महिन्यांपूर्वी राज्यपाल कोश्यारी यांनी गिते यांना पत्र पाठवत त्यांच्या कार्याची दखल घेतली होती, त्यानंतर आज झालेल्या भेटीत यावर विस्तृत चर्चा झाली. राज्यपालांनी यावेळी कौतुकाची थाप देत समाजासाठी चांगले काम करत असल्याचे म्हटले.

डॉ. सोमनाथ गिते यांच्या याच कामाचे कौतुक करत राज्यपालांनी प्रशंसापत्रात म्हटले आहे कि, समाजामध्ये व्यसनाचे भीषण परिणाम दिसत आहेत. व्यसनाचे दुष्परिणाम एकट्या व्यक्तीला नाही तर, संपूर्ण कुटुंबाला भोगावे लागतात. व्यसनी व्यक्तीच्या समुपदेशनाबरोबरच शाळा, महाविद्यालयांत जाऊन व्यसनमुक्तीबदल जनजागृती करतात. मी त्याच्या या समर्पित कार्याबद्दल त्याचे अभिनंदन करतो आणि त्यांना त्यांच्या भविष्यातील प्रयत्नांमध्ये यश मिळावे अशा शुभेच्छा देतो.

डॉ. सोमनाथ गिते म्हणाले कि, माननीय राज्यपाल भगतसिंह कोश्यारी यांनी माझ्या कामाचे कौतुक करून मला प्रशंसापत्र दिले, हे माझ्यासाठी तसेच माझ्यासारख्या अनेक व्यसनमुक्ती कार्यकर्त्यांसाठी अभिमानाचे आहे. आज माननीय राज्यपाल भगतसिंह कोश्यारी यांच्याबरोबर व्यसनमुक्ती या विषयावर विस्तृत चर्चा झाली, तसेच त्यांना कामाचा अहवाल सादर केला. मला पुरस्कार मिळाल्याबद्ल त्यांनी माझे अभिनंदन केले. पुढील कार्यास शुभेच्छा दिल्या व गरज भासल्यास मदत करण्याचे आश्वासन दिले. यामुळे व्यसनमुक्तीचे कार्य करण्यास प्रोत्साहन मिळाले.

सामाजिक क्षेत्रातील भरीव योगदानाची आणि या क्षेत्रातील केलेल्या अभ्यासाची दखल घेत विश्वकर्मा युनिव्हर्सिटी फॉर सेल्फ एम्प्लॉयमेंटकडून मला डॉक्टरेट पदवी देऊन गौरिवण्यात आले आहे. तसेच राज्यपाल भगतसिंग कोश्यारी आणि जेष्ठ समाजसेवक डॉ. प्रकाश बाबा आमटे, राष्ट्रवादी काँग्रेस पार्टीचे अध्यक्ष शरद पवार, डॉ. मुक्ता पुणतांबेकर, महसूलमंत्री बाळासाहेब थोरात, खासदार सुप्रिया सुळे, आमदार मुक्ता टिळक, आमदार भीमराव तापकीर, राष्ट्रवादीचे नगरसेवक युवराज बेलदरे, वर्षा विद्या विलास यांच्यासह अनेक राजकीय, सामाजिक, शैक्षणिक, वैद्यकीय अशा विविध क्षेत्रातील मान्यवरांनी त्यांच्या कार्याचे कौतुक केले आहे.

गिते यांना मिळालेले पुरस्कार : 

1. व्यसनमुक्ती गौरव पुरस्कार २०२२ (सामाजिक न्याय व विशेष सहाय्य विभाग व यश मेडिकल फाऊंडेशन)
2. राष्ट्रपिता महात्मा गांधी व्यसनमुक्ती सेवा पुरस्कार २०२२ (व्यसनमुक्ती परिषद)
3. राज्यस्तरीय आदर्श कार्य गौरव समाजरत्न पुरस्कार २०२२
4. राज्यस्तरीय व्यसनमुक्ती सेवादूत पुरस्कार २०२2
5. डॉक्टरेट पदवी (DOCTORATE IN DE-ADDICTION STUDY AND INNOVATION)

The post व्यसनमुक्तीवरील तुमच्या कार्याचा व्यसनमुक्त समाज घडवण्यासाठी नक्की फायदा होईल, डॉ. सोमनाथ गिते यांचे राज्यपालांकडून कौतुक appeared first on थोडक्यात घडामोडी.

संगमनेर : मागील १०-१२ वर्षांपासून व्यसनमुक्ती विषयावर सातत्याने लेखन करणारे डॉ. सोमनाथ गिते यांना २०२२ चा ‘व्यसनमुक्ती सेवादुत पुरस्कार’ प्रदान करण्यात आला आहे. समुपदेशन, वर्तमानपत्रं, मासिकं, सोशल मीडिया आदी माध्यमांतून जनजागृती करत समाजात व्यसनमुक्ती चळवळीचे कार्य गिते यांनी केले आहे. या कार्याची दखल घेत शांताई प्रतिष्ठान संचलित स्वर्ग व्यसनमुक्ती केंद्राच्या तसेच सिद्धिविनायक हाॅस्पिटल यांच्या संयुक्त विद्यमाने देण्यात येणारा ‘राज्यस्तरीय व्यसनमुक्ती सेवादुत पुरस्कार २०२२’ त्यांना प्रदान करण्यात आला.

गंगाखेड (परभणी) तालुक्यातील राणीसावरगाव येथे झालेल्या एकदिवसीय राज्यस्तरीय व्यसनमुक्ती शिबीरात समाज कल्याण विभागाचे सहाय्यक आयुक्त एस. के. मिनगिरे यांच्या हस्ते हा पुरस्कार प्रदान करण्यात आला. या कार्यक्रमाचे अध्यक्ष समाज कल्याण विभागाचे सहाय्यक आयुक्त एस.के.मिनगिरे तर स्वागताध्यक्ष डॉ. गजानन रेवणवार, डॉ. शुभांगी ग.रेवणवार व प्रकल्प समन्वयक विठ्ठल आचार्य हे होते. सुत्रसंचालन प्रा. शिवशंकर डोईजड यांनी केले, प्रभाकर महाराज कांबळे यांनी आभार मानले.

यावेळी प्रमुख पाहुणे म्हणून व्यसनमुक्ती परिषदेचे प्रदेश सरचिटणीस व सामाजिक न्याय विभागाचे राष्ट्रपिता महात्मा गांधी व्यसनमुक्ती पुरस्कार विजेते प्रा. अजिनाथ शेरकर, सहायक पोलिस निरीक्षक विक्रम हराळे, डॉ. व्यंकटेश दुब्बे, डॉ. गोविंद शिंदे, प्रसिद्ध व्याख्याते प्रा. सुभाष ढगे चाटोरीकर, सरपंच सौ. कल्पनाताई जाधव, चेअरमन नागेश जाधव, उपसरपंच गफार शेठ, जेष्ठ पत्रकार प्रकाश गळाकाटु आदी मान्यवर उपस्थित होते.

The post डॉ. सोमनाथ गिते यांना ‘राज्यस्तरीय व्यसनमुक्ती सेवादुत पुरस्कार २०२२’ प्रदान appeared first on थोडक्यात घडामोडी.

पुणे : राज्यस्तरीय गुणिजन गौरव सन्मान सोहळा नुकताच पुणे शहरातील सांस्कृतिक सभागृहात संपन्न झाला. यावेळी विविध क्षेत्रात कार्यरत असणाऱ्या गुणवंताना राज्यस्तरीय गुणिजन गौरव पुरस्कार प्रदान करण्यात आले. महाराष्ट्र राज्यातील सर्व जिल्ह्यातील २५ क्षेत्रांतून पुरस्कारासाठी निवडलेल्या मानकऱ्यांना या सोहळ्यात मानाचा फेटा, मानकरी बॅच, महावस्त्र, गौरवपदक, सन्मानचिन्ह आणि मानपत्र या स्वरूपात राज्यस्तरीय पुरस्कार थाटात प्रदान करण्यात आले. राष्ट्रीय कीर्तनकार- कवी – विचारवंत – व्याख्याते ह. भ. प. श्री. श्यामसुंदर महाराज सोन्नर आळंदीकर आणि इंटरनॅशनल टॅलेंट आयकॉन डॉ. जे. सानिपीना राव यांच्या हस्ते डॉ. सोमनाथ गिते यांना राज्यस्तरीय आदर्श कार्यगौरव समाजरत्न पुरस्कार 2022 प्रदान करण्यात आला.

ह. भ. प. आळंदीकर महाराज यांनी केलेल्या बीजभाषणात त्यांनी पुरस्कार मानकरी गुणवंतांनी भारतीय संविधानाला अपेक्षित अशी स्वातंत्र्य, समता आणि बंधुता हि मूल्ये समाजात खोलवर रुजविण्यासाठी पथदर्शी प्रकल्प राबविण्याचे आवाहन केले. ऑगस्ट क्रांती दिनाचे औचित्य साधून हा समारंभ आयोजित करण्यात आला होता. डॉ. सानिपीना राव यांनी केलेल्या भाषणात गुणिजनांच्या कार्यकर्तृत्वाचा गौरवपूर्ण उल्लेख करून याच प्रेरणेतून आणखी मोठे कार्य उभे राहील, असा आशावाद व्यक्त केला. समारंभाचे व्यवस्थापन सुप्रसिद्ध प्रेरक वक्त्या शिक्षणतज्ज्ञ सौ. मनिषा कदम यांनी केले. गुणिजन परिवाराचे पदाधिकारी प्रकाश सावंत, लक्ष्मणराव दाते, अमोलराव सुपेकर यावेळी उपस्थित होते. यावेळी झालेल्या विविध गीतांच्या सादरीकरणात मानकऱ्यांनी मोठ्या उत्साहाने सहभाग घेतला. विविध क्षेत्रात उत्कृष्ट कामगिरी करून पुरस्कारास पात्र ठरलेल्या मानकरी गुणिजनांचे उपस्थित पाहुण्यांनी आपल्या भाषणात कौतुक केले. सोहळ्याच्या समारोपात तमाम महिला वर्गाने राष्ट्रवंदना सादर करून समारंभाची सांगता केली.

यावेळी सोमनाथ गिते यांनी मनोगत व्यक्त करताना म्हटले कि, मी गेल्या अनेक वर्षांपासून व्यसनमुक्तीवर काम करत आहे. या कामाची दखल घेत मला राज्यस्तरीय आदर्श कार्यगौरव समाजरत्न पुरस्कार 2022 प्रदान करण्यात आला. त्याबद्दल मी मनुष्यबळ विकास लोकसेवा अकादमीचा विशेष आभारी आहे. या पुरस्कारामुळे जोमाने काम करण्याची प्रेरणा मिळेल. तरुण पिढी मोठ्या प्रमाणात व्यसनाकडे वळत आहे. त्यांना व्यसनपासून रोखणे हे पुढील काळात सर्वात मोठे आव्हान असणार आहे. यावरती सरकारने ठोस उपाययोजना करणे आवश्यक आहे. अनेक राज्यांनी दारूबंदी केली आहे, त्या राज्यांमध्ये तरुणांमध्ये व्यसनाचे प्रमाण कमी आहे.

The post डॉ. सोमनाथ गिते यांना राज्यस्तरीय आदर्श कार्यगौरव समाजरत्न पुरस्कार प्रदान appeared first on थोडक्यात घडामोडी.