पुणे : पुण्यातील एका नामांकित आयटी कंपनीत कार्यरत असलेल्या अभिलाषा भाऊसाहेब कोथिंबिरे (वय २५) या तरुणीने हिंजवडीतील क्राउन ग्रीन हाउसिंग सोसायटीच्या २१ व्या मजल्यावरून उडी मारून आत्महत्या केल्याची दुर्दैवी घटना उघडकीस आली आहे.

अभिलाषा मूळची रांजणगाव येथील असून सध्या हिंजवडी परिसरात वास्तव्यास होती. ती सेनापती बापट रस्त्यावर (एसबी रोड) स्थित एका प्रतिष्ठित आयटी कंपनीत कार्यरत होती.

३१ मे रोजी अभिलाषा दुचाकीवरून मैत्रिणीच्या इमारतीत आली होती. मात्र, ती तिच्या मैत्रिणीकडे न जाता थेट २१ व्या मजल्यावर गेली. तिथून उडी मारून तिने आपले आयुष्य संपवले.

घटनेनंतर काही वेळातच सोसायटीतील रहिवाशांनी आवारात मृतदेह पाहून पोलिसांना याबाबत माहिती दिली. हिंजवडी पोलिस ठाण्याचे पथक तपासासाठी घटनास्थळी पोहोचले, त्यांनी सीसीटीव्ही फुटेज तपासले आणि ती पहाटे ४.३८ वाजता दुचाकीवरून सोसायटीत आल्याचे पुष्टी केली. काही तासांनंतर ती मृतावस्थेत आढळली. पोलिसांनी तिच्या वाहनावरून तिची ओळख पटवली. तपासादरम्यान तिच्याकडे एक सुसाईड नोट देखील सापडली आहे. त्यामध्ये तिने लिहिले होते, “मी माझं आयुष्य संपवते आहे. आता जगायची इच्छा नाही. कृपया मला माफ करा.” मात्र, आत्महत्येचे नेमके कारण तिने स्पष्ट केलेले नाही.

हिंजवडी पोलिसांनी दिलेल्या माहितीनुसार, मृत तरुणी नैराश्यग्रस्त होती, परंतु कुटुंबीयांना याबाबत कोणतीही कल्पना नव्हती. तिचे वडील म्हणाले की, ती नेहमीप्रमाणे आनंदी आणि सामान्य वागत होती.

या घटनेबाबत बोलताना हिंजवडी पोलिस ठाण्याचे प्रभारी वरिष्ठ पोलिस निरीक्षक कन्हैया थोरात म्हणाले, “३१ मे रोजी आम्हाला मृतदेह मिळाला. घटनास्थळी सुसाईड नोट सापडल्यामुळे प्राथमिक तपासात ही आत्महत्येची घटना असल्याचे स्पष्ट झाले आहे. आम्ही अपघाती मृत्यूची नोंद केली असून पुढील तपास सुरू आहे.” अभिलाषाच्या शव विच्छेदन अहवालात तिच्या शरीरावरील महत्वाच्या अवयवांना गंभीर इजा झाल्याचे म्हटले आहे.

The post पुणे : आयटी अभियंता तरुणीची २१व्या मजल्यावरून उडी घेऊन आत्महत्या; सुसाईड नोट सापडली… appeared first on थोडक्यात घडामोडी.

नैराश्यग्रस्त व्यक्तींसाठी एक अतिशय मोठी बातमी आहे. संशोधकांनी पहिल्यांदाच एक अशी रक्त चाचणी (blood test) तयार केली आहे, जी डिप्रेशनचा शोध लावू शकेल. अमेरिकेतील इंडियाना युनिव्हर्सिटी स्कूल ऑफ मेडिसिनने ही रक्त तपासणी लॉन्च केली आहे. या संशोधनाचे नेतृत्व करणारे मानसोपचारतज्ज्ञ आणि अनुवांशिक शास्त्रज्ञ (जेनेटिसिस्ट)डॉ. अलेक्झांडर निकुलेस्कू म्हणाले, ‘आमच्या अभ्यासातून असे दिसून आले आहे की नैराश्य आणि बायपोलर डिसऑर्डर यांचा शोध लावणे आता रक्त तपासणीद्वारे शक्य झाले आहे. याच्या मदतीने या दोन समस्यांच्या रुग्णांमध्ये फरक करता येऊ शकेल आणि त्यांना त्यांच्या आजाराच्या आधारे योग्य औषधे देता येतील.

उपचारात मोठी मदत मिळेल
या चाचणीमुळे वर्षानुवर्षे सुरू असलेले ट्रायल आणि एअररचे युग संपणार असल्याचे डॉ. निक्युलेस्कू यांनी सांगितले. रोगाचे योग्य निदान न झाल्याने रुग्णांना विविध प्रकारची औषधे दिली जात असल्याने होणाऱ्या दुष्परिणामांना सामोरे जाण्यासाठीही त्यांना रुग्णालयात राहावे लागत होते. हे सामान्य विकार असल्याने, आता आम्ही त्यांना योग्यरित्या शोधून त्यावर सहज उपचार करू शकू. यामध्ये मदत मिळण्यासाठी आम्ही इतर अनेक चाचण्या आणि ऍप्स देखील विकसित केले आहेत.

15 वर्षांच्या संशोधनाचा वापर
संशोधकांनी ही चाचणी विकसित करण्यासाठी, मूड डिसऑर्डरच्या जैविक आधाराचा अभ्यास केला आणि विविध प्रकारचे मूड डिसऑर्डर ओळखू शकणारे साधन विकसित करण्यात ते यशस्वी झाले. जसे की उदासीनता (डिप्रेशन) किंवा बायपोलर डिसऑर्डर यांच्यात फरक करणे. ही चाचणी विकसित करण्यासाठी, निकुलेस्कू आणि त्यांच्या टीमने गेल्या 15 वर्षांतील संशोधनाचे अनुभव आणि निरीक्षणे वापरली. जेणेकरुन मनोरोग कशाप्रकारे रक्ताच्या एक्सप्रेशन बायोमार्कर्सशी संबंधित आहे हे ते शोधू शकतील.

निकुलेस्कू यांच्या मते, शरीरातील प्रत्येक यंत्रणा, मग ती मेंदू, मज्जासंस्था किंवा रोगप्रतिकारक यंत्रणा असो, या सर्वांचा विकासाचा मार्ग सारखाच असतो. अशा परिस्थितीत, जेव्हा तुम्ही डिप्रेशनमध्ये किंवा उदास असता तेव्हा जे काही हार्मोन्स बाहेर पडतात त्याचा परिणाम तुमच्या रक्तावर आणि रोगप्रतिकारक शक्तीवरही होतो. आता ही चाचणी CLIA टेस्ट या नावाने फिजिशियन्ससाठी उपलब्ध आहे.

The post वैद्यकशास्त्राचे मोठे यश! आता एक blood test लावणार डिप्रेशनचा शोध appeared first on थोडक्यात घडामोडी.