नागपूर : नागपूर शहरातील हुडकेश्वर पोलिस ठाण्याच्या हद्दीतील नरसाळा गावाच्या मागील भागात मंगळवारी पहाटे एक हृदयद्रावक घटना घडली. स्मशानभूमीजवळील नाल्याच्या पलीकडे असलेल्या मजूर वस्तीमध्ये अज्ञात प्राण्याच्या हल्ल्यात अवघ्या ८ महिन्यांच्या चिमुकलीचा दुर्दैवी मृत्यू झाला. या घटनेमुळे संपूर्ण परिसरात भीतीचे वातावरण पसरले असून स्थलांतरित मजूर कुटुंबांमध्ये दहशत निर्माण झाली आहे.

मृत चिमुकलीचे नाव अनुष्का रवी मेळा असे असून ती मूळची मध्यप्रदेशातील सेलमिया गावाची रहिवासी होती. कामाच्या शोधात ठेकेदारामार्फत तिचे कुटुंब नागपुरात आले होते. नरसाळा गावाच्या मागील बाजूस, स्मशानभूमीजवळ नाल्याच्या पलीकडे असलेल्या झोपडपट्टीत हे कुटुंब वास्तव्यास होते. या परिसरात बाहेरगावाहून आलेले अनेक मजूर कुटुंबांसह राहतात.

प्राथमिक माहितीनुसार, ही घटना पहाटे सुमारे २ वाजताच्या सुमारास घडली असावी. अनुष्का आपल्या आईसोबत झोपलेली असताना अज्ञात प्राण्याने तिला उचलून नेल्याचा संशय व्यक्त करण्यात येत आहे. काही वेळाने मुलगी दिसून न आल्याने कुटुंबीय घाबरले. त्यांनी तातडीने परिसरात शोधाशोध सुरू केली. त्यानंतर झोपडपट्टीजवळच काही अंतरावर छिन्नविछिन्न अवस्थेत अनुष्काचा मृतदेह आढळून आला.

हल्लेखोर प्राण्याने चिमुकलीच्या शरीराचे लचके तोडल्याचे स्पष्ट झाले असून तिच्या शरीराचा सुमारे ३० ते ४० टक्के भाग, विशेषतः छाती व हात प्राण्याने खाल्ल्याचे आढळून आले आहे. परिसरात मोठ्या प्रमाणावर अंधार असून रात्रीच्या वेळी पुरेशी प्रकाशव्यवस्था नसल्याने या अंधाराचा फायदा घेत ही घटना घडली असावी, असा प्राथमिक अंदाज पोलिसांनी व्यक्त केला आहे. मात्र, हा हल्ला नेमका कोणत्या प्राण्याने केला, याबाबत अद्याप स्पष्टता झालेली नाही. परिसरात कुत्रे, डुकरे तसेच अन्य वन्यप्राणी वावरत असल्याची चर्चा स्थानिकांमध्ये सुरू आहे.

या घटनेनंतर मजूर वस्तीत भीतीचे वातावरण पसरले असून अनेक कुटुंबांनी रात्री जागून पहारा देण्यास सुरुवात केली आहे. हुडकेश्वर पोलिसांनी घटनास्थळी पंचनामा करून पुढील तपास सुरू केला आहे. तसेच वनविभागालाही या घटनेची माहिती देण्यात आली असून संभाव्य धोकादायक प्राण्याचा शोध घेण्याची प्रक्रिया सुरू आहे.

या घटनेमुळे बाहेरगावाहून कामासाठी आलेल्या मजुरांच्या सुरक्षिततेचा गंभीर प्रश्न ऐरणीवर आला असून प्रशासनाने तातडीने प्रकाशव्यवस्था, सुरक्षा उपाय आणि आवश्यक प्रतिबंधात्मक पावले उचलावीत, अशी जोरदार मागणी स्थानिक नागरिकांकडून करण्यात येत आहे.

The post हृदयद्रावक! अज्ञात प्राण्याने आईच्या कुशीतून ८ महिन्यांच्या चिमुकलीला उचललं, छिन्नविछिन्न अवस्थेत आढळला मृतदेह appeared first on थोडक्यात घडामोडी.

मुंबई : मुंबईतील वडाळा परिसरात रविवारी रात्री एक हिट अँड रनची घटना घडली. मद्यधुंद अवस्थेतील एका कारचालकाने घराबाहेर झोपलेल्या महिला आणि तिच्या तीन वर्षांच्या मुलावर गाडी चढवली. या अपघातात लहान मुलाचा जागीच मृत्यू झाला, तर महिला गंभीर जखमी होऊन रुग्णालयात दाखल करण्यात आली आहे.

घटना वडाळा येथील राम मंदिर, बाळाराम खेडेकर मार्गावर मध्यरात्री घडली. प्रत्यक्षदर्शींनुसार, कारचालक अत्यंत वेगाने गाडी चालवत होता आणि मद्यधुंद अवस्थेत असताना त्याला गाडीवरील ताबा सुटला. यामुळे गाडी थेट रस्त्याच्या कडेला झोपलेल्या महिलेवर आणि तिच्या मुलावर आदळली. या अपघातात मुलाचा घटनास्थळीच मृत्यू झाला, तर महिला गंभीर जखमी होऊन तात्काळ रुग्णालयात दाखल करण्यात आली आहे.

घटनेची माहिती मिळताच स्थानिक नागरिकांनी तात्काळ रफी अहमद किडवाई मार्ग पोलीस ठाण्याला कळवले. पोलिसांनी गुन्हा दाखल करून कारचालकाला ताब्यात घेतले आहे. या प्रकरणी पुढील तपास सुरू आहे.

ही घटना एक गंभीर इशारा आहे की मद्यधुंद अवस्थेत गाडी चालवणे केवळ कायद्याचा उल्लंघन नाही, तर ते इतरांच्या जीवावरही संकट ओढवू शकते.

The post मुंबईत हिट अँड रनची हृदयद्रावक घटना; मद्यधुंद चालकाने महिला आणि तिच्या चिमुकल्यावर गाडी चढवली appeared first on थोडक्यात घडामोडी.

गुजरात : गुजरातच्या सूरत शहरात कोरोनाने अवघ्या 14 दिवसांच्या चिमुकलीचा बळी घेतल्याची दुःखद घटना घडली आहे. डॉक्टरांनी चिमुकलीला वाचवण्याचा प्रयत्न केला. तिच्यावर प्लाझ्मा थेरपीचा देखील वापर करण्यात आला. मात्र, चिमुकलीचा मृत्यू झाला. या बाळाला जन्मानंतर दोन दिवसात कोरोनाची लागण झाली होती.

चिमुकलीच्या आईला आधीपासूनच कोरोनाची लक्षणे जाणवत होती. मात्र, तिने याकडे दुर्लक्ष केले. तिच्या या चुकीमुळे जन्मानंतर दोन दिवसात बाळाला कोरोनाची लागण झाली. त्यानंतर सूरतच्या वराछा येथील डायमंड रुग्णालयात या बाळावर उपचार सुरु होते. पण उपचारादरम्यान तिचा मृत्यू झाला.

सूरतमध्ये गेल्या 30 दिवसात 10 वर्षांखालील 286 लहान मुलांना कोरोनाची लागण झाल्याची माहिती समोर आली आहे. आतापर्यंत तीन चिमुकल्यांचा कोरोनामुळे मृत्यू झाला. तसेच, लहान मुलांसाठी कोरोनाची दुसरी लाट जास्त धोकादायक असल्याचं मत तज्ज्ञ वारंवार मांडत आहेत. त्यामुळे आता नवीन चिंता सर्वांना भेडसावत आहे.

The post कोरोनाच्या लक्षणांकडे आईने केलं दुर्लक्ष, 14 दिवसांच्या चिमुकलीचा दुर्दैवी मृत्यू appeared first on थोडक्यात घडामोडी.