मुंबई : अण्णासाहेब पाटील आर्थिक मागास विकास महामंडळ, महाराष्ट्र राज्य इतर मागासवर्गीय वित्त आणि विकास महामंडळ, वसंतराव नाईक विमुक्त जाती व भटक्या जमाती विकास महामंडळामध्ये वैयक्तिक व गट कर्ज व्याज परतावा योजनेच्या लाभार्थी महिलांना व्यवसाय सुरू करणे व आर्थिकरित्या सक्षम करण्यासाठी विशेष कर्ज धोरण राबविण्यात येत आहे. या कर्ज योजनेशी सांगड घालण्यासाठी महामंडळांनी मुंबई जिल्हा मध्यवर्ती सहकारी बँकेशी करार करावा, असे निर्देश महिला व बालविकास मंत्री आदिती तटकरे यांनी दिले.

मुंबई बँकेने सुरू केलेल्या विशेष कर्ज योजना, अंगणवाडी बांधकाम संदर्भात मंत्रालयात आयोजित बैठकीत मंत्री आदिती तटकरे बोलत होत्या. यावेळी मुंबई बँकेचे अध्यक्ष प्रवीण दरेकर, आमदार चित्रा वाघ, अण्णासाहेब पाटील आर्थिक मागास विकास महामंडळाचे अध्यक्ष नरेंद्र पाटील, सहसचिव वि. रा. ठाकूर, वित्त विभागाच्या सहसचिव स्मिता निवतकर, सहसचिव मु. प्र. साबळे, वसंतराव नाईक विमुक्त जाती व भटक्या जमाती विकास महामंडळाचे व्यवस्थापकीय संचालक प्रताप पवार, महाराष्ट्र राज्य इतर मागासवर्गीय वित्त आणि विकास महामंडळाचे महाव्यवस्थापक आनंद लोमटे आदी उपस्थित होते.

मंत्री तटकरे म्हणाल्या की, मुंबई बँकेला व्याज परतावा योजनांसाठी प्राधिकृत करून तातडीने सामंजस्य करार करावा. महामंडळाच्या व्याज परतावा योजनेच्या लाभार्थी महिलांना लाडकी बहीण योजनेअंतर्गत लाभ देण्यात येणार असल्याने यांना अपात्र ठरवता येणार नाही. यासंदर्भात विशेष सूचना जारी करण्यात याव्यात. या योजनेच्या माध्यमातून मुंबईतील पात्र महिलांना आर्थिकरित्या सक्षम करण्यास सहकार्य लाभणार आहे.

मुंबई बँकेच्या या उपक्रमांतर्गत महिलांना एक लाख रुपयांपर्यंत कर्ज मिळणार आहे. यामध्ये ५ ते १० महिला एकत्र येऊन व्यवसाय करू शकतात. ₹१०,००० ते ₹१,००,००० पर्यंत कर्ज उपलब्ध करण्यात येणार आहे, असे मुंबई बँकेचे अध्यक्ष प्रवीण दरेकर यांनी सांगितले. मुंबई बँकेची मुंबईत एकूण १६.०७ लाख बचत खाती आहेत. त्यापैकी ‘माझी लाडकी बहीण योजना’ अंतर्गत ५३,३५७ महिलांची झिरो बॅलन्स खाती उघडली. पात्र महिलांना शासनाकडून दरमहा ₹१५०० थेट खात्यात जमा होत आहेत.

अंगणवाडी बांधकामात एकसमानता व आधुनिक तंत्राचा वापर आवश्यक
राज्यातील अंगणवाड्यांच्या बांधकामात एकसमान पद्धत असावी तसेच आधुनिक तंत्राचा वापर करून अंगणवाड्या उभाराव्यात असे निर्देश मंत्री तटकरे यांनी दिले. अंगणवाड्या उभारताना राज्यभर एकच पद्धत वापरावी तसेच आधुनिक तंत्राचा वापर करावा. वीज पुरवठा करताना ऊर्जा बचतीसाठी सोलार प्रकल्पाला प्राधान्य द्यावे. तसेच अंगणवाडीमध्ये पुरवठा करण्यात येणाऱ्या पोषण आहाराची गुणवत्ता वाढावी, यासाठी तातडीने उपाययोजना आखाव्यात. बालकांच्या सर्वांगिण विकासासाठी अंगणवाडी महत्त्वपूर्ण भूमिका बजावत असताना त्यांचे आरोग्य आणि शिक्षण उत्तम दर्जाचे देण्यासाठी शासन प्रयत्नशील असल्याचेही त्या म्हणाल्या.

The post महिलांच्या आर्थिक सक्षमीकरणासाठी विशेष कर्ज धोरण योजनेचा लाभ द्या – मंत्री आदिती तटकरे appeared first on थोडक्यात घडामोडी.

मुंबई : सध्या मुंबई महापालिकेच्या हद्दीत ५१ कबुतरखाने आहेत. या ठिकाणी कबुतरांमुळे श्वसनविकार, दुर्गंधी व प्रदूषण वाढत असून, यावर नियंत्रण आवश्यक आहे. त्यादृष्टीने कबूतर खाण्यांबाबत तातडीने विशेष ड्राईव्ह घेण्याबाबत मुंबई महापालिकेला आदेश देण्यात येतील असे मंत्री उदय सामंत यांनी आज विधानपरिषदेत सांगितले.

सदस्य मनिषा कायंदे यांनी उपस्थित केलेल्या प्रश्नाला उत्तर देताना मंत्री सामंत बोलत होते. यावेळी सदस्य चित्रा वाघ यांनी चर्चेमध्ये सहभाग घेतला. मुंबईतील कबूतरखाने आणि त्यामुळे होणाऱ्या आरोग्यविषयक त्रासाबाबत मंत्री सामंत यांनी विधानपरिषदेत माहिती दिली.

काही कबुतरखाने न्यायालयाच्या आदेशानुसार बंद करण्यात आले होते असे सांगून मंत्री सामंत म्हणाले की, हे कबुतरखाने पुन्हा सुरू झाल्याचे निदर्शनास आले आहे. नागरिकांनी कबुतरांना धान्य टाकणे थांबवावे यासाठी जनजागृती आवश्यक आहे. महापालिकेला एक महिन्यात कबुतरखाने बंद करण्यासाठी विशेष ड्राइव्ह राबवण्याचे आणि जनजागृती मोहीम सुरू करण्याचे निर्देश लवकरच दिले जातील, असेही त्यांनी सांगितले.

The post मनपाने मुंबईतील कबूतरखान्यांबाबत विशेष अभियान राबवावे – मंत्री उदय सामंत appeared first on थोडक्यात घडामोडी.

नाशिक : पूजा चव्हाण मृत्यूप्रकरणात 21 दिवस झाले तरी अद्याप एफआयआर दाखल झाली नाही. सरकार, पोलिस प्रशासन बलात्काऱ्याला वाचवण्याचा प्रयत्न करत आहे. सगळे पुरावे असतानाही पोलीस आणि सरकार कशाची वाट पाहत आहे. मला विश्वास आहे की, आज उद्धव ठाकरे मुख्यमंत्री नसते आणि शिवसेनेच्या पक्षप्रमुखपदी असते तर त्यांनी राठोडांना फाडून खाल्लं असतं. मुख्यमंत्री साहेब, खरंच खुर्ची एवढी वाईट आहे का? भाजप नेत्या चित्रा वाघ यांनी हा सवाल केला आहे.

“ती महाराष्ट्राची लेक होती. एवढे सारे पुरावे असताना देखील कारवाई होत नाही, हे तर नामर्द सरकार आहे, अशी टीका चित्रा वाघ यांनी केली. पूजा चव्हाणच्या मोबाईलवर संजय राठोड या नावाच्या व्यक्तीचे 45 मिस्ड कॉल होते. हा संजय राठोड कोण आहे याचे उत्तर द्यावे. तसेच 12 ऑडिओ क्लिपबाबात अजून काही स्पष्टता नाही. पुण्यांच्या आयुक्तांकडे एकाही प्रश्नाचे उत्तर नाही.

“मुख्यमंत्र्यांना विचारायचं आहे, साहेब तुमच्यावर प्रेशर नाही ना? धनंजय मुंडेंना सोडलं, आता राठोडला सोडण्यासाठी दबाव तर नाही ना. साहेब ही खुर्ची इतकी वाईट आहे का हो? की या खुर्चीपुढे बाईची इज्जत नाही. आपण शिवयारायांचा महाराष्ट्र म्हणता ना मग आता तो कृतीतून दाखवायची वेळ आली आहे. मुख्यमंत्री महोदय, या बलात्काऱ्याला हालकून द्या, त्याच्यावर सदोष मनुष्यवधाचा गुन्हा दाखल करा आणि दाखवून द्या महाराष्ट्राला की या राज्यात लेकी बाळांच्या अब्रुला हात घालाल तर तुमची गय करणार नाही, असंही चित्रा वाघ म्हणाल्या. तसंच राजीनामा घेईपर्यंत आम्ही मागे हटणार नाही. आम्ही तोपर्यंत लढत राहणार, आणि बोलतच राहणार”, असं यावेळी त्यांनी म्हटलं आहे.

पूजा चव्हाण आत्महत्येशी संबंधित संजय राठोड यांच्या राजीनाम्याच्या मागणीसाठी भाजपचे राज्यभर आंदोलन सुरु केलं आहे. भाजप संजय राठोड यांच्या राजीनाम्यासाठी आक्रमक झाल्याचं दिसत आहे. संजय राठोड यांचा राजीनामा घ्यावा आणि त्यांच्यावर कारवाई करावी यासाठी भाजपच्या महिला मोर्चाने मुलुंड टोल नाक्यावर चक्का जाम आंदोलन केलं.

The post मुख्यमंत्री साहेब, खुर्ची एवढी वाईट आहे का? चित्रा वाघ यांचा सवाल appeared first on थोडक्यात घडामोडी.

भाजप नेत्या चित्रा वाघ यांनी पूजा चव्हाण मृत्यूप्रकरणी पुणे पोलिसांच्या तपासावर संशय व्यक्त केला आहे. अजूनही गुन्हा नोंदवण्यात आला नसून तपासासाठी वानवडी पोलिसांना आणखी कुणाचे लेखी आदेश हवेत?, असा सवाल त्यांनी केला आहे. त्याचबरोबर पुणे पोलिसांकडून तपास काढून घेण्याची मागणीही चित्रा वाघ यांनी यावेळी केली आहे.

काही वेळापूर्वीच चित्रा वाघ वानवडी पोलिसांना भेटल्या. यावेळी चित्रा वाघ आणि वानवडी पोलीस ठाण्याचे पोलीस निरीक्षक यांच्यात जोरदार बाचाबाची झाली. त्यानंतर पोलिसांच्या तपासात संदिग्धता असून पुणे पोलिसांकडून या प्रकरणाचा तपास काढून एखाद्या आयपीएस अधिकाऱ्याकडे द्यावा, अशी मागणी त्यांनी केली. तसेच पुणे पोलिसांनी आतापर्यंत अरुण राठोडची चौकशी केलीच नाही, चौकशी केल्याच्या बातम्या खोट्या आहेत, असा गंभीर आरोपही चित्रा वाघ यांनी केला आहे.

दरम्यान, चित्रा वाघ यांनी पूजा चव्हाण राहत होती त्या इमारतीची पाहणी केली. यावेळी त्या म्हणाल्या, पूजा चव्हाण राहत होती तो फ्लॅट सील आहे. आम्ही त्या फ्लॅटच्या वरच्या फ्लॅटची पाहणी केली. गॅलरीतील ग्रीलची ऊंची पाहता पूजा चव्हाण स्वत: खाली पडली? का तिला खाली ढकलले गेले? हे प्रश्न कायम आहेत.

The post पूजा चव्हाण मृत्यूप्रकरणात पोलिसांच्या तपासात संदिग्धता, चित्रा वाघ यांनी केली ‘ही’ मागणी appeared first on थोडक्यात घडामोडी.

बीड: टिक टॉक स्टार पूजा चव्हाणच्या वडीलाची पहिली प्रतिक्रिया समोर आली आहे. लहू चव्हाण म्हटले कि लेक गमावल्याने माझ्यावर खूप मोठा आघात झाला असून पूजाबाबत होत असलेल्या उलटसुलट चर्चांनी मी अस्वस्थ झालो आहे. आमचे अर्धे कपडे काढलेच आहात. आता उरलेले कपडे तरी काढू नका. त्यातून आमची बदनामीच होईल आणि हि थांबवली नाही तर मी आत्महत्या करेन, असा उद्वेगच लहू चव्हाण यांनी व्यक्त केला. ते पुढे म्हटले कि माझी लेक खूप चांगली होती. लोक तिला नाहक बदनाम करत आहेत आणि मी हे कुणाच्याही दबावाखाली बोलत नाही, असेही लहू यांनी स्पष्ट केले.

पूजा चव्हाणच्या वडिलांच्या भावना मन हेलावून टाकणाऱ्या आहेत. पूजाने केलेला संघर्ष, पोल्ट्री व्यवसायाच्या उभारणीसाठी तिने केलेली धडपड या सर्वावर प्रकाश टाकताना आपली कुणाबद्दल तक्रार नसल्याचेच सांगण्याचा त्यांनी एकप्रकारे प्रयत्न केला. पूजाच्या आत्महत्येनंतर कथित ऑडिओ क्लिप सध्या चर्चेत आहेत. यात ठाकरे सरकार मधील मंत्री संजय राठोड यांच्यावर भाजपच्या प्रदेश उपाध्यक्षा चित्रा वाघ यांनी नाव घेऊन आरोप केला आहे. या सगळ्या पार्श्वभूमीवर पूजाचे वडील लहू यांची प्रतिक्रिया अत्यंत महत्त्वाची आहे.

पूजाशी माझं नियमित बोलणं व्हायचं. ज्या दिवशी ही घटना घडली त्यादिवशीही मी पूजाशी बोललो होतो. तुला पैसे हवेत का, अशी विचारणा मी तिला केली. त्यावर ती नको म्हणाली होती. नंतर रात्री दोनच्या सुमरास तिच्या मित्राचा मला फोन आला. तिच्या डोक्याला मार लागल्याचं तो म्हणाला. ते ऐकून मला धक्काच बसला. मी लगेचच पुण्याला जायला निघालो आणि सकाळी पुण्यात पोहचलो. पण मला तिचा मृतदेहच पाहावा लागला. तिथेच मला भोवळ आली. हा माझ्यासाठी खूप मोठा आघात होता’, असे लहू यांनी डबडबलेल्या डोळ्यांनी सांगितले. पूजा गॅलरीत बसली होती. रात्री दीडच्या सुमारास ती गॅलरीतून खाली कोसळली. तिला चक्कर येत होती, असे तिच्या मित्राने मला सांगितले. असे असताना मी आरोप तरी कुणावर करू?, असा उलट सवालही त्यांनी केला.

The post पूजाबाबत होत असलेल्या उलटसुलट चर्चांमुळे तिच्या वडिलांचा उद्वेग.. बदनामी थांबवा, नाहीतर… appeared first on थोडक्यात घडामोडी.

मुंबई : पूजा चव्हाण या तरुणीने पुण्यात आत्महत्या केली. मात्र काही ऑडिओ क्लिप व्हायरल झाल्याने आता या प्रकरणाला वेगळे वळण मिळाले आहे. या प्रकरणात ठाकरे सरकारमधील मंत्र्याचा सहभाग असण्याची शक्यता व्यक्त करण्यात येत असतानाच भाजप प्रदेश उपाध्यक्षा चित्रा वाघ यांनी थेट एका मंत्र्याचे नाव घेत आरोप केल्याने खळबळ उडाली आहे.

पूजा चव्हाण आत्महत्या प्रकरणातील गूढ वाढलं, तिचे मंत्र्यांसोबतचे फोटो सोशल मिडीयावर व्हायरल

पूजा चव्हाण ही तरुणी इंग्लिश स्पीकिंगचा कोर्स करण्यासाठी परळी वैजनाथ येथून पुण्यात आली होती. पुण्यातील वानवडी भागात ती वास्तव्याला होती. मात्र ८ फेब्रुवारीला पूजाने इमारतीतून उडी घेऊन आत्महत्या केली. तिने तणावातून हे पाऊल उचलल्याचे म्हटले जात होते. मात्र, याप्रकरणातल्या १० ते १२ ऑडिओ क्लिप व्हायरल झाल्यानंतर या प्रकरणाला वेगळे वळण मिळाले आहे. या क्लिपमध्ये ठाकरे सरकारमधील एका मंत्र्यांचं संभाषण असल्याचा मुद्दा उचलत भाजपने आक्रमक पवित्रा घेतला. मात्र चित्रा वाघ यांनी थेट नाव घेत शिवसेनेचे मंत्री संजय राठोड यांच्यावर निशाणा साधला आहे.

चित्रा वाघ म्हणाल्या कि, ‘पूजा चव्हाण आत्महत्या प्रकरणी जे काही अपडेट्स समोर येत आहेत, ते पाहता याचा थेट रोख शिवसेनेचे मंत्री संजय राठोड यांच्याकडे आहे. त्यामुळे पोलिसांनी आता स्यु-मोटो दखल घेत तक्रार नोंदवून घ्यायला हवी व मंत्री संजय राठोड यांच्यावर सदोष मनुष्यवधाचा गुन्हा दाखल करायला हवा’, अशी मागणी चित्रा वाघ यांनी केली. पूजा चव्हाण प्रकरणात मोबाइलमधील संभाषणाचा मोठा पुरावा समोर आला आहे. त्यात तिला आत्महत्येसाठी प्रवृत्त करण्याचा प्रयत्न झाल्यापासून तिने आत्महत्या केल्यावर तिचा मोबाइल ताब्यात घेण्याची सूचना संजय राठोड यांनी अरुण नावाच्या व्यक्तीला दिली. या क्लिप सगळ्यांनी ऐकल्या आहेत. अशावेळी पोलीस आणखी कोणत्या पुराव्याची वाट पाहत आहेत. कदाचित पूजा चव्हाणच्या कुटुंबावर दबाव असू शकेल, पण पोलिसांनी उपलब्ध पुराव्यांच्या आधारावर कारवाई करायला हवी. मात्र, या सर्वासाठी राजकीय इच्छाशक्तीही तितकीच महत्त्वाची आहे. हे काम मुख्यमंत्र्यांचे आणि गृहमंत्र्यांचे आहे. त्यांनी संबंधितांच्या मुसक्या आवळायला सांगायला हवे. एवढे पुरावे असून ते कसली वाट पाहत आहेत?

पुजा चव्हाण घटनेत समोर आलेले
सगळे updates पहाता याचा थेट रोख शिवसेना मंत्री संजय राठोडांकडे
जातो

पोलिसांनी स्यु-मोटोतंर्गत तक्रार दाखल करत मंत्री संजय राठोड वर सदोष मनुष्यवधाचा गुन्हा दाखल करावा

मुख्यमंत्री जी एव्हढे पुरावे असतांनाही मुसक्या आवळायच्या सोडून कसली वाट पहाताय pic.twitter.com/2QA8KAZkW5

— Chitra Kishor Wagh (@ChitraKWagh) February 12, 2021

The post पूजा चव्हाण आत्महत्या प्रकरणात थेट शिवसेनेच्या नेत्याचे नाव घेत भाजपचा हल्लाबोल appeared first on थोडक्यात घडामोडी.