मुंबई : राष्ट्रवादी काँग्रेसचे नेते एकनाथ खडसे यांचे जावई गिरीश चौधरी यांना जमीन घोटाळा आणि आर्थिक गैरव्यवहार प्रकरणी गेल्या आठवड्यात ईडीकडून अटक करण्यात आली होती. त्यांच्या कोठडीत वाढ करण्यात आली असून आता १५ जुलैपर्यंत त्यांना कोठडी सुनावण्यात आली आहे.

ईडीने न्यायालयाला सांगितलं की या प्रकरणाशी संबंधित असलेल्या आणखी काही लोकांचे जबाब नोंदवण्याचे काम सध्या सुरु आहे. तसेच चौधरी यांची आणखी चौकशी करणं आवश्यक आहे. त्यामुळे आता गुरुवार (१५ जुलै) पर्यंत त्यांच्या कोठडीत वाढ करण्यात आली आहे.

The post एकनाथ खडसे यांचे जावई गिरीश चौधरी यांच्या कोठडीत वाढ appeared first on थोडक्यात घडामोडी.

जळगाव : राष्ट्रवादी नेते एकनाथ खडसे यांचे जावई गिरीश चौधरी यांना ईडीने अटक केली आहे. मंगळवारी ईडीने दिवसभर त्यांची चौकशी केली होती, त्यानंतर आता त्यांना अटक करण्यात आली आहे.

मिळालेल्या माहितीनुसार, भोसरीमध्ये जमीन गैरव्यवहार प्रकरणी एकनाथ खडसे यांचे जावई गिरीश चौधरी यांची ईडीकडून  चौकशी करण्यात आली होती. ईडीने याप्रकरणी एकनाथ खडसेंची देखील चौकशी केली होती. त्यानंतर मंगळवारी गिरीश चौधरी यांना चौकशीसाठी बोलावले होते. ईडीने त्यांची 13 तास चौकशी केली. त्यानंतर ईडीने गिरीश चौधरींना अटक केली.

भोसरी जमिन गैरव्यवहार प्रकरणी खडसे यांना युतीच्या सरकार काळात महसूल मंत्री पद गमवावे लागले होते. यानंतर खडसेंची ईडीने चौकशी केली होती. त्यानंतर खडसे यांची मुलगी शारदा यांनादेखील ईडीने चौकशीला बोलावले होते. यानंतर काल त्यांचे जावई गिरीश चौधरी यांना ईडीने चौकशीसाठी बोलावले होते. काल दिवसभर गिरीश चौधरी यांची चौकशी करण्यात आली, त्यानंतर त्यांना अटक केल्याचे ईडीने जाहीर केले.

The post एकनाथ खडसे यांचे जावई गिरीश चौधरी यांना ईडीकडून अटक appeared first on थोडक्यात घडामोडी.