पालघर : एका गर्भवती महिलेला वेळेत आरोग्य सेवा न मिळाल्याने नवजात जुळ्या बाळांचा मृत्यू झाल्याची घटना समोर आली आहे. यामुळे पुन्हा एकदा आदिवासी पाडे आणि दुर्गम भागातील मूलभूत सोयीसुविधांचा प्रश्न समोर आला आहे.

पालघर जिल्ह्यातील मोखाडा येथील अतिदुर्गम बोटोशी गावातील मरकटवाडी येथील वंदना बुधर या गर्भवती महिलेला आरोग्य सेवा मिळवण्यासाठी झोळीतून तीन किलोमीटर अंतरावरील दवाखान्यात जावे लागले, यावेळी वेळेत सुविधा न मिळाल्याने त्यांच्या जुळ्या बालकांचा मृत्यू झाला.

वर्षानुवर्षे येथील ग्रामस्थ रुग्ण आणि गर्भवती महिलांना रुग्णालयात नेण्यासाठी कापडी झोळ्यावर अवलंबून आहेत. वंदना यांनाही प्रसूती वेदना होत असताना भर पावसात असेच न्यावे लागले, मात्र, वेळेवर रुग्णालयात न पोहोचल्याने त्यांच्या जुळ्या बाळांचा मृत्यू झाला. अनेक आदिवासी भागात, गर्भवती स्त्रिया प्रसूतीची तारीख जवळ आल्याने ज्यांचे घर हॉस्पिटलच्या जवळ आहे अशा नातेवाईकांकडे राहायला जातात. पण वंदना यांना हे शक्य झाले नाही आणि त्यांनी आपली मुले गमावली.

The post दुर्गम भागातील व्यथा! गर्भवती महिलेला वेळेत उपचार न मिळाल्याने नवजात जुळ्या बाळांचा मृत्यू appeared first on थोडक्यात घडामोडी.

मुंबई : पतीला आत्महत्येस प्रवृत्त केल्याप्रकरणी गुन्हा दाखल करण्यात आलेल्या गर्भवती महिलेला मुंबई उच्च न्यायालयाने अटकपूर्व जामीन मंजूर केला. एकल-न्यायाधीश न्यायमूर्ती मिलिंद जाधव यांनी नमूद केले की ती महिला तिच्या गरोदरपणाच्या 25 व्या आठवड्यात होती आणि त्यामुळे तिला तणावाखाली आणले जाऊ नये.

16 एप्रिल रोजी पुण्यात दाखल केलेल्या फौजदारी तक्रारीच्या संदर्भात अटक करण्यात आलेल्या महिलेने दाखल केलेल्या अटकपूर्व जामीन अर्जावर न्यायालयात सुनावणी सुरू होती. या प्रकरणातील हकीकतीनुसार, मयत राहुल आणि अर्जदाराचे लग्न होऊन 8 महिने झाले होते, जेव्हा राहुलचा मृतदेह पुण्यात रेल्वे रुळाजवळ सापडला होता. पत्नीने आपला विश्वासघात केला असून तिला त्याच्या मृत्यूची शिक्षा व्हावी, असा आरोप त्याने सुसाईड नोट लिहून केल्याचा दावा करण्यात आला होता.

न्यायाधीशांनी FIR वरून असे नमूद केले की पती पत्नीवर नाराज होता, कारण ती सतत एका व्यक्तीसोबत फोनवर व्यस्त राहायची. त्या व्यक्तीची ओळख अद्याप पटलेली नाही. ती व्यक्ती एकतर तिच्या कुटुंबातील काही व्यक्ती, तिचे आई-वडील, तिची भावंडं किंवा तिसरी व्यक्ती असू शकते. हे समजून घेतले पाहिजे की त्यावेळी अर्जदार आधीच 3.5 महिन्यांची गर्भवती होती. कथित मृत्यूच्या घोषणेमध्ये (लिखित नोट) फोन नंबर दिलेले आहेत, ज्यांचा तपास आवश्यक असल्याचे फिर्यादीद्वारे म्हटले आहे,” असे खंडपीठाने नमूद केले.

न्यायमूर्ती जाधव यांनी 30 मे रोजी दिलेल्या आपल्या आदेशात पुढे म्हटले आहे की, अर्जदाराविरुद्ध नोंदवण्यात आलेला गुन्हा हा गंभीर स्वरूपाचा आहे, ज्यामध्ये ती दोषी ठरल्यास 10 वर्षे सश्रम कारावासाची शिक्षा होऊ शकते. तथापि, अर्जदार 25 आठवड्यांची गरोदर आहे हे पाहता, या टप्प्यावर तिचे आणि गर्भाचे देखील संरक्षण केले जाईल आणि तिला दबाव किंवा तणावाखाली ठेवले जाणार नाही, याची खात्री करणे हे न्यायालयाचे तितकेच कर्तव्य आहे.

न्यायालयाने पुढे सांगितले की, या टप्प्यावर, तिची वैद्यकीय स्थिती पाहता, तिला नियमितपणे रुग्णालयात जावे लागेल आणि त्यांना योग्य काळजी आणि विश्रांतीची आवश्यकता असेल. तिची उपस्थिती फिर्यादी आणि तपास अधिकारी नेहमीच सुरक्षित ठेवू शकतात आणि जर गरज पडली तर तपास अधिकारी तिची वैद्यकीय स्थिती लक्षात घेऊन तिला भेट देऊ शकतात,” असे न्यायाधीशांनी तिला अटकपूर्व जामीन मंजूर करताना सांगितले. उच्च न्यायालयाने महिलेला 25,000 रुपयांच्या वैयक्तिक जातमुचलक्यावर अटकपूर्व जामीन मंजूर करताना तिला संबंधित पोलिस ठाण्यात हजर राहण्याचे निर्देश दिले.

The post पतीला आत्महत्येस प्रवृत्त केल्याचा आरोप असलेल्या गर्भवती महिलेला अटकपूर्व जामीन मंजूर appeared first on थोडक्यात घडामोडी.

अमेरिकेत एका महिलेसोबत एक अतिशय दुर्मीळ घटना घडली आहे. जुळ्या मुलांची गर्भधारणा झाल्यानंतर एका आठवड्यानंतर त्यांना कळले की त्या तिसरे मूल कन्सिव्ह करत आहेत. टिकटॉकवर लोकप्रिय असलेल्या या महिलेने सोशल मीडिया प्लॅटफॉर्मवर लोकांना याबद्दलची माहिती दिली असून तिचा हा व्हिडिओ व्हायरल होत आहे.

या महिलेने आपल्या व्हिडिओमध्ये सांगितले की ही सुपर फिटीशनची केस आहे. 2016 च्या एका अहवालानुसार, सुपर फिटीशनच्या फारच कमी केस डॉक्युमेंट केलेल्या आहेत. ही महिला काही दिवसांच्या कालावधीत दुसर्‍यांदा गर्भवती झाली. या महिलेने सांगितले कि, मी माझ्या पहिल्या गरोदरपणातच जॅकपॉट मिळविला आहे आणि तीन मुले एकत्र येत आहेत, त्यामुळे ही माझी पहिली आणि शेवटची गर्भधारणा असेल, अशी शक्यता आहे.

टिकटॉकवरील व्हायरल क्लिपमध्ये या महिलेने सांगितले कि, ‘माझे तिसरे बाळ पहिल्या दोन बाळांपेक्षा फक्त 10 किंवा 11 दिवस लहान आहे. यावरून आम्हाला समजले की ही माझी दुसरी गर्भधारणा आहे. हे मूल कुपोषित नाही आणि हे खरोखरच सुपर फिटीशन आहे. डॉक्टर लक्ष देत असून दर दोन आठवड्यांनी माझे अल्ट्रास्कॅन करत आहेत.’

ते पुढे म्हणाले की आणि ‘हे मूल हेल्दी असून व्यवस्थित वाढत आहे.’ आतापर्यंत 50 लाखांहून अधिक लोकांनी ही क्लिप टिकटॉकवर पाहिली आहे. ही महिला सातत्याने तिच्या बाळांविषयी अपडेट देत असते.

ही महिला म्हणाली कि, ‘आम्हाला पालक बनण्याची इच्छा होती आणि आम्ही भाग्यवान आहोत की आमच्या आयुष्यात तीन मुले एकत्र येत आहेत. थोडी काळजी वाटत आहे पण मी खूप उत्साही आहे. मी सध्या खूप मिश्र भावनांमधून जात आहे.

The post दुर्मिळ : महिलेला अगोदर जुळ्या मुलांची गर्भधारणा, प्रसूतीपूर्वीच झाली पुन्हा गर्भवती appeared first on थोडक्यात घडामोडी.