नवी दिल्ली : कोविशिल्ड लसीच्या दुसऱ्या डोससाठी अगोदरच घेतलेली वेळ म्हणजेच अपॉईंटमेंट वैध असेल आणि को-विन पोर्टलवर ती रद्द केला जाणार नसल्याचे केंद्रीय आरोग्य मंत्रालयाने आज स्पष्ट केले. मंत्रालयाने म्हटले आहे की को-विन पोर्टलमध्ये आवश्यक बदल केले गेले आहेत, परिणामी लाभार्थ्याला पहिला डोस घेतल्यानंतर 84 दिवसांच्या आत ऑनलाइन अपॉईंटमेंट मिळू शकणार नाही.

13 मे रोजी केंद्राने कोविशिल्ड लसीच्या पहिल्या आणि दुसर्‍या डोसमधील कालावधी 12-16 आठवड्यांपर्यंत वाढविला आहे. भारत सरकारने या बदलाबाबत राज्ये आणि केंद्रशासित प्रदेशांना माहिती दिली आहे. कोविशिल्ड लसीचा दुसरा डोस घेण्यास 12-16 आठवड्याच्या अंतराने सूचित करण्यासाठी को-विन पोर्टलमध्ये देखील आवश्यक बदल केले गेले आहेत.

सध्या को-विन पोर्टलवर दुसऱ्या डोससाठी 84 दिवसांपेक्षा कमी कालावधीत ज्यांनी अॅपॉईंटमेंट घेतली आहे, त्यांना डोस न मिळताच माघारी यावे लागत आहे. मात्र, ज्यांनी यापूर्वी दुसऱ्या डोससाठी अपॉईंटमेंट घेतली आहे, ती वैध राहणार आहे. परंतु, पहिला डोस घेणाऱ्या लाभार्थ्यांना दुसर्‍या डोस 84 दिवसांनंतर घेण्याचा सल्ला देखील देण्यात आला आहे.

#LargestVaccineDrive

#CoWIN digital Portal Reconfigured to Reflect Change in Dose Interval of #Covishield Vaccine to 12-16 weeks.

Already Booked Online appointments for 2nd Covishield Dose will remain Valid.https://t.co/fue31c2uEI pic.twitter.com/eJXEF7i1Gw

— Ministry of Health (@MoHFW_INDIA) May 16, 2021

The post कोविशिल्डच्या दुसऱ्या डोससाठी अगोदरच घेतलेल्या अपॉईंटमेंटचं काय होणार? सरकारने केलं स्पष्ट.. appeared first on थोडक्यात घडामोडी.

पुणे : कोरोना प्रतिबंधक लसीची निर्मिती करणाऱ्या ‘सीरम इन्स्टिट्यूट’नं महत्त्वाची घोषणा केली आहे. सीरमनं कोविशिल्ड लसीचे दर जाहीर केले असून अन्य देशांतील लसीपेक्षा कोविशिल्डचे दर कमी राहतील याची काळजीही घेण्यात आली आहे. सीरम इन्स्टिट्यूटचे मुख्य कार्यकारी अधिकारी आदर पूनावाला यांच्या स्वाक्षरीनं या संदर्भात एक पत्रक प्रसिद्धीस देण्यात आलं आहे.

कोरोनाच्या वाढत्या संसर्गाच्या पार्श्वभूमीवर केंद्र सरकारनं लसीच्या निर्मितीला वेग देण्याचा निर्णय घेतला आहे. लस निर्मिती करणाऱ्या कंपन्यांना ५० टक्के लसीची विक्री खुल्या बाजारात करण्याची परवानगी देण्यात आली आहे. त्याला अनुसरून ‘सीरमनं’ पुढील दोन महिन्यांत उत्पादन वाढवून लस तुटवड्याच्या समस्येवर मात करू, असा विश्वास व्यक्त केला आहे. ‘येत्या काळात निर्माण होणाऱ्या लसीपैकी ५० टक्के लस भारत सरकारच्या लसीकरण कार्यक्रमासाठी पुरवली जाईल. उर्वरीत ५० टक्के लस राज्य सरकार व खासगी रुग्णालयांना दिली जाईल, असंही ‘सीरम’च्या पत्रकात नमूद करण्यात आलं आहे.

कोविशिल्ड लसीसाठी राज्य सरकारला प्रति डोस ४०० रुपये तर, खासगी रुग्णालयांना प्रति डोस ६०० रुपयांना मोजावे लागणार आहेत. सध्या तातडीची परिस्थिती लक्षात घेता कॉर्पोरेट कंपन्यांना थेट लसीचा पुरवठा करता येणे अशक्य आहे. त्यामुळं कॉर्पोरेट कंपन्या व अन्य व्यक्तींनी राज्य सरकारच्या माध्यमातूनच वा खासगी रुग्णालयातूच लस घ्यावी. येत्या चार-पाच महिन्यात कोविशिल्ड खुल्या बाजारात उपलब्ध करून दिली जाईल, असंही सीरमनं स्पष्ट केलं आहे.

IMPORTANT ANNOUNCEMENT pic.twitter.com/bTsMs8AKth

— SerumInstituteIndia (@SerumInstIndia) April 21, 2021

The post सीरम इन्स्टिट्यूटची महत्त्वाची घोषणा, कोविशिल्ड लसीचे दर निश्चित, जाणून घ्या किती पैसे मोजावे लागणार? appeared first on थोडक्यात घडामोडी.

वर्षाच्या सुरुवातीलाच एक मोठी दिलासादायक बातमी समोर आली आहे. कोरोना व्हायरसवर विकसित करण्यात आलेल्या लसीला भारत सरकारने मान्यता दिली आहे. सर्च एक्सपर्ट कमेटीने ऑक्सफर्ड-अॅस्ट्राझेनेका यांनी विकसित केलेल्या कोविशिल्ड लसीला आपत्कालीन उपयोगासाठी मान्यता दिली आहे.

कोरोनाची देशातील पहिली लस कोणती असेल, यावर तज्ज्ञांच्या पॅनेलने आपल्या शिफारसी केंद्र सरकारला सादर केल्या. सीरम इन्स्टिट्यूटचे प्रेझेंटेशन झाले आहे. ज्यासह कोविशिल्डच्या आपत्कालीन वापरास मान्यता देण्यात आली आहे.

आतापर्यंत सीरम इन्स्टिट्यूट ऑफ इंडिया (SII), भारत बायोटेक आणि फायझर यांनी आपत्कालीन वापरासाठी देशात अर्ज केले आहेत. सीरम इन्स्टिट्यूट कोविशिल्ड नावाची लस तयार करत आहे, जी ऑक्सफोर्ड विद्यापीठ आणि फार्मा कंपनी अ‍ॅस्ट्रॅजेनेका यांनी संयुक्तपणे विकसित केली आहे. सीरम इन्स्टिट्यूट शिवाय स्वदेशी लस कोवॅक्सीन बनवणाऱ्या भारत बायोटेकने बुधवारी पॅनेलसमोर एक प्रेझेंटेशन दिलं. तर फायझरला आपत्कालीन वापरासाठी डब्ल्यूएचओने एक दिवस अगोदर मंजूरी दिली आहे.

ऑक्सफोर्डच्या कोविशिल्ड लसीकडून सरकारला मोठी अपेक्षा आहे कारण ती परवडणारी आहे. कंपनीचे म्हणणे आहे की अगोदर आपल्या घरगुती बाजारावर लक्ष केंद्रित केले जाईल. त्यानंतर दक्षिण आशियाई देश आणि आफ्रिका येथे निर्यात केली जाईल.

जगातील सर्वात मोठी लस तयार करणारी कंपनी सीरम इन्स्टिट्यूटचे मुख्य कार्यकारी अधिकारी आदर पूनावाला यांनी सोमवारी माहिती दिली होती कि, ऑक्सफोर्ड-अ‍ॅस्ट्रॅजेनेका लसचे सुमारे पाच कोटी डोस आधीच तयार झाले आहेत. तसेच, मार्चपर्यंत 10 कोटी आणि जूनपर्यंत 30 कोटी लस बनवण्याची योजना आहे.

कोरोनाला हरवण्यासाठी भारताने तयारी पूर्ण केली आहे. संपूर्ण योजना तयार आहे. भारतातील कोरोनाची लस मोहीम खूप व्यापक असेल, हे निश्चित आहे.

The post ब्रेकिंग : कोविशिल्ड कोरोना लसीला मिळाली आपत्कालीन वापरासाठी भारतात मंजूरी appeared first on थोडक्यात घडामोडी.