अफगाणिस्तानची राजधानी काबूलमधून 168 लोकांना घेऊन हवाई दलाचे विमान गाझियाबादमधील हिंडन एअरबेसवर पोहोचले आहे. यापैकी 107 भारतीय आहेत. यापूर्वी काबूलमधून बाहेर काढलेले इतर 87 भारतीय आज सकाळी एअर इंडियाच्या विमानाने दिल्लीला पोहोचले होते. यामध्ये 2 नेपाळींचा समावेश आहे. हे लोक 2 विमानांनी भारतात पोहोचले आहेत. त्यांना यापूर्वी ताजिकिस्तानची राजधानी दुशांबे आणि कतारची राजधानी दोहा येथे पाठवण्यात आले होते. तेथून त्यांना काल रात्री भारतात पाठवण्यात आले. त्याचवेळी, भारतीय हवाई दलाच्या आणखी एका विमानाने आज काबूलमधून उड्डाण केले आहे.

काबूलमधून भारतीयांना बाहेर काढण्याचे काम सुरूच आहे. यामध्ये अफगाणिस्तानच्या खासदार अनारकली होनरयार, नरेंद्र सिंह खालसा आणि त्या दोघांच्या कुटुंबांचा समावेश आहे. ते काबूल विमानतळावर आहेत आणि आज त्यांना भारतात आणले जाऊ शकते. काबुलहून येणाऱ्या पुढील विमानात 23 अफगाणी हिंदू आणि शीख यांचा समावेश असेल. इंडियन वर्ल्ड फोरमचे अध्यक्ष पुनीत सिंह चांधोक यांनी ही माहिती दिली आहे. तालिबान्यांनी शनिवारी ज्यांना सोबत घेतले त्यांच्यामध्ये होनयार आणि खालसा यांचा समावेश आहे. तालिबानने म्हटले होते की ते अफगाणी आहेत, त्यामुळे ते देश सोडू शकत नाहीत. मात्र, नंतर त्यांना सोडून देण्यात आले.

अफगाणिस्तानमध्ये अडकलेल्या भारतीयांच्या परतीचा मार्ग सुकर झाला आहे. काबूल विमानतळावरून भारताला दररोज दोन विमाने संचालित करण्याची परवानगी मिळाली आहे. अमेरिकन आणि नॉर्थ अटलांटिक ट्रीटी ऑर्गनायझेशन (NATO) सैन्याने शनिवारी यासाठी परवानगी दिली आहे. भारतीय परराष्ट्र मंत्रालयाने म्हटले आहे की आता ते लवकरच सर्व भारतीयांना परत आणतील. सध्या 300 भारतीय अडकल्याची माहिती आहे.

The post काबूलमधून 168 लोकांना घेऊन भारतात पोहोचले भारतीय हवाई दलाचे विमान, यापैकी 107 भारतीय appeared first on थोडक्यात घडामोडी.

काबूल : काबूलमधून मोठी बातमी येत आहे. प्रसारमाध्यमांच्या वृत्तानुसार, काबूल विमानतळावरून 150 लोकांना तालिबानी आपल्यासोबत घेऊन गेले आहेत, ज्यात अनेक भारतीयांचा समावेश आहे. ते सध्या कुठे आहेत, याबाबत अद्याप काहीही माहिती मिळालेली नाही. या लोकांना घेऊन जाण्यामागे तालिबानचा काय हेतू आहे हे देखील स्पष्ट नाही. विमानतळावरील गोंधळामुळे त्यांना दुसऱ्या गेटमधून आत नेण्यात आले असावे, अशी शदेखील व्यक्त केली जात आहे. त्यातच काबूल विमानतळावरील गोंधळादरम्यान एका अफगाण मुलीचा मृत्यू झाल्याचेही वृत्त आहे.

अफगाणिस्तानात तालिबानच्या राजवटीत भारतीयांचे एअरलिफ्ट पण सुरू आहे. हवाई दलाच्या सी -130 जे विमानाने 85 भारतीयांना घेऊन काबूल विमानतळावरून आज सकाळी 10.30 वाजता उड्डाण केले आहे. मीडिया रिपोर्टनुसार, आणखी 200 भारतीयांना आणण्याची तयारी केली जात आहे, यासाठी हवाई दलाचे सी -17 विमान स्टँडबायवर ठेवण्यात आले आहे.

अफगाणिस्तानमधील भारतीय दूतावासाच्या सर्व अधिकाऱ्यांना एअरलिफ्ट करण्यात आले आहे, परंतु काबूलसह इतर शहरांमध्ये सुमारे 1000 भारतीय अडकल्याचा अंदाज आहे. परराष्ट्र मंत्रालय त्यांचे स्थान आणि स्थिती जाणून घेण्याचा प्रयत्न करत आहे, कारण सर्व लोकांनी भारतीय दूतावासाशी संपर्क साधलेला नाही.

काबूलमधून भारतीयांना हवाई दलाच्या विमानांमध्ये आणले जात आहे. मंगळवारी 120 पेक्षा जास्त लोक ग्लोबमास्टर C-17 ने देशात परतले होते. यामध्ये काबूलमधील भारतीय दूतावासाचे अधिकारी, आयटीबीपीचे कर्मचारी आणि इतरांचा समावेश होता. यापूर्वी सोमवारीही 45 लोकांना विमानातून हलवण्यात आले होते.

The post मोठी बातमी! तालिबानी काबुल विमानतळावरून 150 लोकांना आपल्यासोबत घेऊन गेले, यात अनेक भारतीयांचा समावेश appeared first on थोडक्यात घडामोडी.

काबूल : तालिबानने देश ताब्यात घेतल्याने अफगाणिस्तान सोडण्यासाठी हजारो अफगाणी नागरिक काबूलच्या हमीद करझई आंतरराष्ट्रीय विमानतळावर जमा झाले आहेत. अफगाणिस्तानमध्ये अराजकतेचे वातावरण आहे. काबूलमध्ये सर्वात वाईट परिस्थिती आहे. इथल्या प्रत्येक परदेशी व्यक्तीला बाहेर जायचे आहे. यामुळेच काबूल विमानतळावर प्रचंड गर्दी जमली आहे.

काबूल विमानतळ सध्या अमेरिकी सैन्याच्या ताब्यात आहे, पण प्रचंड गर्दीमुळे परिस्थिती अनियंत्रित झाली आहे. कोणतीही सुरक्षा तपासणी चालू नाही. लोक विमानात चढण्याचा प्रयत्न करत आहेत. दरम्यान, काही जणांनी टेक-ऑफ दरम्यान स्वतःला विमानाच्या चाकांवर बांधून घेतले होते. टेक-ऑफ नंतर काही वेळाने हे लोक खाली पडले आणि त्यांचा मृत्यू झाला. या लोकांचे मृतदेह आता छतांवर सापडत आहेत.

तेहरान टाइम्सने ट्विटरवर शेअर केलेल्या व्हिडिओमध्ये काबुलवर एक विमान उडताना दिसत आहे. तसेच या विमानातून दोन लोक खाली पडताना दिसत आहेत.

DISCLAIMER: DISTURBING FOOTAGE
Two people who tied themselves to the wheels of an aircraft flying from Kabul, tragically fall down. pic.twitter.com/Gr3qwGLrFn

— Tehran Times (@TehranTimes79) August 16, 2021

The post भयंकर VIDEO : काबुल सोडण्यासाठी लोकांनी स्वतःला विमानाच्या चाकांना बांधून घेतले, टेक-ऑफ नंतर खाली कोसळले… appeared first on थोडक्यात घडामोडी.

अफगाणिस्तान : पश्चिम काबूलमधील एका शाळेजवळ आज बॉम्बस्फोट झाल्याची धक्कादायक घटना घडली आहे. त्यात 25 जण ठार झाले, त्यापैकी अनेकजण तरुण विद्यार्थी आहेत. तर ५२ जण जखमी झाल्याची माहिती अफगाण सरकारच्या प्रवक्त्यांनी दिली आहे.

सय्यद अल-शाहदा शाळेजवळ झालेल्या या स्फोटात जखमी झालेल्यांना बाहेर काढण्यासाठी येथे रुग्णवाहिकांची गर्दी झाल्याचे गृह मंत्रालयाचे प्रवक्ता तारिक आर्यन यांनी सांगितले. यावेळी संतप्त जमावाने रुग्णवाहिकांवर हल्ला केला आणि आरोग्य कर्मचाऱ्यांना मारहाणही केली, असे आरोग्य मंत्रालयाचे प्रवक्ते गुलाम दस्तीगार नाझारी यांनी सांगितले. रहिवाशांना त्यांनी विनंती केली की सहकार्य करा आणि रुग्णवाहिकांना घटनास्थळावर प्रवेश द्या.

मुहम्मद अली जिन्ना रुग्णालयात हॉलवे आणि खोल्यांमध्ये जखमींची गर्दी असून तिथे अनेक जणांचे मृतदेह ठेवलेले आहेत. रुग्णालयाच्या बाहेर कितीतरी लोक रक्तदान करण्यासाठी रांगेत उभे आहेत.

The post काबूलमधील एका शाळेजवळ बॉम्बस्फोट, 25 ठार, ५२ जखमी appeared first on थोडक्यात घडामोडी.