नवी दिल्ली : बर्ड फ्लुमुळे देशातील पहिला मृत्यू झाला आहे. दिल्लीतील एम्स रुग्णालयात एविएन इन्फ्लुएन्जा H5N1 म्हणजेच बर्ड फ्लूची लागण झालेल्या 11 वर्षाच्या मुलाचा मृत्यू झाला आहे. रुग्णाच्या मृत्यूनंतर त्याच्या संपर्कात आलेल्या रुग्णालयातील नर्स आणि डॉक्टरांना आयसोलेशनमध्ये ठेवण्यात आले आहे.

एम्स रुग्णालयाच्या प्रशासनाने दिलेल्या माहितीनुसार, 11 वर्षांच्या या मुलाला 2 जुलै रोजी एम्समध्ये दाखल करण्यात आले होते. त्यानंतर या मुलाला बर्ड फ्लूची लागण झाल्याचं निष्पन्न झाले होते. मृत मुलगा हरियाणामधील असल्याची माहिती मिळाली असून एनसीडीसीच्या एका पथकाला या गावात पाठवण्यात आले आहे. या रुग्णाच्या मृत्यूनंतर त्याच्या संपर्कात आलेल्या सर्व कर्मचाऱ्यांनाही आयसोलेशनमध्ये ठेवण्यात आले आहे. काही महिन्यांपूर्वी देशातील अनेक राज्यांत बर्ड फ्लूचा प्रादुर्भाव झाला होता. त्यामुळे अनेक ठिकाणी कोंबड्या ठार करण्यात आल्या होत्या.

The post भारतात बर्ड फ्लुमुळे पहिला मृत्यू, 11 वर्षाच्या मुलाचा मृत्यू appeared first on थोडक्यात घडामोडी.

दिल्ली:  अमित शाह यांना श्वास घेण्यात त्रास होत असल्याने तात्काळ रुग्णालयात दाखल करण्यात आले त्यामुळे काल (शनिवार) रात्री उशिरा त्यांना दिल्लीतील एम्स रुग्णालयात (Aiims Hospital) दाखल (Admitted) करण्यात आलं आहे.  रुग्णालयाकडून अद्याप यासंदर्भात कोणतेही मेडिकल बुलेटीन देण्यात आलेले नाही. एम्सचे संचालक डॉ. रणदीप गुलेरिया यांच्या नेतृत्वात डॉक्टरांच्या टीमद्वारे त्यांच्यावर उपचार सुरू आहेत. या क्षणी त्याची प्रकृती स्थिर असल्याचे समजते आहे. यापूर्वी, १८ ऑगस्ट रोजी कोरोनातून बरे झाल्यानंतरही पोस्ट कोव्हिड केअरसाठी त्यांना एम्समध्ये दाखल करण्यात आले होते.

दोन आठवड्यांच्या उपचारानंतर त्यांनी कोरोनावर यशस्वीरित्या मात केली होती. त्यानंतर १४ ऑगस्ट रोजी त्यांची कोव्हिड चाचणी निगेटिव्ह आल्यानंतरच त्यांना रुग्णालयातून सोडण्यात आले होते. मात्र चार दिवसांनी पुन्हा त्यांना अंगदुखीचा त्रास जाणवल्याने एम्समध्ये पोस्ट कोव्हिड केअरसाठी दाखल करण्यात आलं होतं. मात्र, आता श्वसनासंबंधी त्रास जाणवू लागल्याने पुन्हा रुग्णालयात दाखल करण्यात आलं आहे.

The post केंद्रीय गृहमंत्री अमित शाह रुग्णालयात दाखल; श्वसनास त्रास appeared first on थोडक्यात घडामोडी.