मुंबई : सांस्कृतिक कार्य संचालनालयातर्फे घेण्यात येणाऱ्या राज्य नाट्य स्पर्धेत सहभागी झालेल्या संस्थांना नाटक सादर केल्यानंतर नाट्यनिर्मितीसाठी जो खर्च देण्यात येतो, तसेच नाट्यसंस्थेस मूळ ठिकाणाहून दुसऱ्या केंद्रावर नाटक सादर केल्यास त्या कलाकारांना दैनिक भत्ता देण्यात येतो. या सर्व रकमांमध्ये दुपटीने वाढ करण्याचा निर्णय सांस्कृतिक कार्य मंत्री ॲड. आशिष शेलार यांनी घेतला असून याबाबतचा शासन निर्णय आज निर्गमित करण्यात आला आहे.

सांस्कृतिक कार्य संचालनालयाच्यावतीने दरवर्षी महाराष्ट्र राज्य नाट्य स्पर्धेचे आयोजन करण्यात येते. राज्य नाट्य स्पर्धेच्या अंतर्गत हौशी मराठी, हिंदी, संगीत, संस्कृत, बालनाट्य, दिव्यांग बालनाट्य व व्यावसायिक नाट्य स्पर्धांचे आयोजन करण्यात येते.

राज्य नाट्य स्पर्धेत सहभागी झालेल्या संस्था व कलाकारांना रोख रकमेची पारितोषिके प्रदान करण्यात येतात. तसेच स्पर्धेत सहभागी झालेल्या संस्थांना नाटक सादर केल्यानंतर नाट्यनिर्मिती खर्च देण्यात येतो. तसेच नाट्यसंस्थेस मूळ ठिकाणाहून दुसऱ्या केंद्रावर नाटक सादर केल्यास त्या कलाकारांना दैनिक भत्ता देण्यात येतो. गेली अनेक वर्ष राज्य नाट्य स्पर्धेत सहभागी होणाऱ्या संस्था व कलाकारांनी पारितोषिक रकमा, नाट्यनिर्मिती खर्च आणि दैनिक भत्त्यात वाढ करण्याबाबत मागणी केली होती. या मागणीचा सांस्कृतिक कार्य मंत्री ॲड.शेलार यांनी सकारात्मक निर्णय घेऊन यामध्ये दुपटीने वाढ करण्याबाबत शासन निर्णय निर्गमित केला आहे.

या शासन निर्णयातील पारितोषिक रकमा, नाट्यनिर्मिती खर्च आणि दैनिक भत्ता इ. तील वाढीव रकमांचा लाभ ३ नोव्हेंबर, २०२५ पासून सुरु होणाऱ्या ६४ व्या महाराष्ट्र राज्य नाट्य स्पर्धेपासून लागू होणार आहे.

The post राज्य नाट्य स्पर्धेतील पारितोषिक रकमा, नाट्यनिर्मिती खर्च आणि दैनिक भत्त्यात दुपटीने वाढ appeared first on थोडक्यात घडामोडी.

मुंबई : चंद्रशेखर बावनकुळे यांची महाराष्ट्र भाजपच्या अध्यक्षपदी निवड करण्यात आली आहे. ते नागपूरचे भाजपचे नेते आहेत. बावनकुळे हे नितीन गडकरी यांचे निकटवर्तीय मानले जातात. विधान परिषदेत भाजपचा एक आमदार आहे. त्याचबरोबर आमदार आशिष शेलार यांची मुंबई भाजपच्या अध्यक्षपदी निवड करण्यात आली आहे. बावनकुळे हे महाराष्ट्र सरकारमध्ये मंत्री राहिले आहेत. आशिष शेलार हे वांद्रे पश्चिमचे भाजपचे आमदार आहेत. यासोबतच ते महाराष्ट्र विधानसभेतील भारतीय जनता पक्षाचे मुख्य व्हिप आहेत.

यापूर्वी चंद्रकांत पाटील भाजपचे अध्यक्ष होते. नुकत्याच झालेल्या महाराष्ट्र मंत्रिमंडळ विस्तारात त्यांना मंत्री करण्यात आले. चंद्रकांत पाटील दुसऱ्यांदा राज्यमंत्री झाले आहेत. त्याचवेळी मंगलप्रभात लोढा हे आतापर्यंत मुंबईचे भाजप अध्यक्ष होते. मंत्रिमंडळ विस्तारात त्यांनाही मंत्री करण्यात आले आहे. दोन्ही नेत्यांना मंत्री करण्यात आल्यानंतर नव्या अध्यक्षांच्या नावांची चर्चा सुरू झाली होती आणि आता त्यांची नावे जाहीर करण्यात आली आहेत. चंद्रकांत पाटील आणि मंगल प्रभात लोढा यांची 2020 मध्ये नियुक्ती करण्यात आली होती. दोघांचीही पूर्ण मुदतीसाठी नियुक्ती करण्यात आली होती.

नियुक्ती तात्काळ प्रभावाने अंमलात

पक्षातर्फे जारी करण्यात आलेल्या निवेदनात म्हटले आहे की, “भारतीय जनता पक्षाचे राष्ट्रीय अध्यक्ष जगत प्रकाश नड्डा यांनी विधान परिषद सदस्य चंद्रशेखर बावनकुळे यांची भारतीय जनता पार्टी महाराष्ट्राच्या प्रदेशाध्यक्षपदी नियुक्ती केली आहे. मुंबई महानगर भारतीय जनता पक्षाचे आमदार आशिष शेलार यांची अध्यक्षपदी नियुक्ती करण्यात आली आहे. ही नियुक्ती तत्काळ प्रभावाने लागू होईल.”

The post चंद्रशेखर बावनकुळे यांची महाराष्ट्र भाजप अध्यक्ष तर आशिष शेलार यांची मुंबई विभागप्रमुख म्हणून नियुक्ती appeared first on थोडक्यात घडामोडी.

मुंबई : विधिमंडळ अधिवेशनाच्या पहिल्याच दिवशी भाजपच्या १२ सदस्यांना विधानसभेतून निलंबित करण्यात आलं आहे. सभागृहात गोंधळ घालत तालिका अध्यक्ष भास्कर जाधव यांच्याशी गैरवर्तन केल्याप्रकरणी भाजपच्या १२ सदस्यांना निलंबित करण्यात आलं आहे. त्यात आशिष शेलार, गिरीश महाजन, जयकुमार रावल, संजय कुटे या माजी मंत्र्यांचाही समावेश आहे.

मिळालेल्या माहितीनुसार, अन्न व नागरी पुरवठा मंत्री छगन भुजबळ यांनी ओबीसी आरक्षणाशी संबंधित एक ठराव मांडला. केंद्र सरकारकडून इम्पिरिकल डेटा मिळवण्यासंबंधी हा ठराव होता. त्यास भाजपच्या सदस्यांनी जोरदार विरोध केला. काही सदस्यांनी सभागृहात गोंधळ घातला. तालिका अध्यक्षासमोरचा माइक व राजदंड पळवण्याचा प्रयत्न करण्यात आला. त्यानंतर सभागृह तहकूब करण्यात आले तरीही हे सदस्य शांत झाले नाहीत. त्यांनी अध्यक्षांच्या दालनातही गोंधळ घालत अध्यक्षांना शिवीगाळ केली. तालिका अध्यक्षांनी याबाबत तीव्र नाराजी व्यक्त केली. भाजप सदस्यांच्या या गैरवर्तनाची गंभीर दखल घेत सत्ताधारी पक्षानं निलंबनाचा ठराव आणला.

संसदीय कामकाज मंत्री अनिल परब यांनी निलंबनाचा ठराव मांडला. हा ठराव आवाजी मतदान घेऊन मंजूर करण्यात आला. त्यानुसार, भाजपच्या १२ सदस्यांना एक वर्षासाठी सभागृहातून निलंबित करण्यात आलं आहे. त्यात संजय कुटे, आशिष शेलार, अभिमन्यू पवार, गिरीश महाजन, अतुल भातखळकर, पराग अळवणी, हरीश पिंपळी, राम सातपुते, जयकुमार रावल, योगेश सागर, नारायण कुचे आणि कीर्तिकुमार (बंठी) भांगडिया यांचा समावेश आहे. निलंबित सदस्यांना पुढील वर्षभर मुंबई व नागपूर विधिमंडळाच्या आवारात प्रवेश करण्यास मनाई करण्यात आली आहे.

दरम्यान, विरोधी पक्षनेते देवेंद्र फडणवीस यांनी या कारवाईचा निषेध केला. ते म्हणाले कि, “भाजपच्या सदस्यांच्या निलंबनाचा ठराव म्हणजे विरोधकांचं संख्याबळ जाणीवपूर्वक कमी करण्याचा डाव आहे. हा लोकशाहीचा खून आहे. काही सदस्यांनी गैरवर्तन केलं असेल तर अध्यक्षांनी त्यांच्याशी चर्चा करायला हवी. थेट निलंबन करणं योग्य नाही.” त्यानंतर भाजपने कामकाजावर बहिष्कार टाकत सभात्याग केला.

The post विधिमंडळ अधिवेशनाच्या पहिल्याच दिवशी जोरदार राडा, भाजपचे १२ आमदार एक वर्षासाठी निलंबित appeared first on थोडक्यात घडामोडी.

मुंबई : केंद्र सरकारच्या नव्या कृषी कायद्यांविरोधात शेतकरी संघटनांनी आज ‘चक्का जाम’ आंदोलन पुकारलं आहे. महाविकास आघाडीतील तिन्ही पक्षांनी या ‘चक्काजाम’ला पाठिंबा दिला आहे. त्यावरून भाजपनं शिवसेनेवर जोरदार टीकास्त्र सोडलं आहे. ‘काँग्रेस सोबत जाऊन शिवसेनेच्या बुद्धीचा “चक्काजाम” झालाय का? असा बोचरा सवाल शेलार यांनी केला आहे.

अमेरिकी पॉपस्टार रिहाना व पर्यावरणवादी ग्रेटा थनबर्ग यांनी भारतातील शेतकरी आंदोलनाबद्दल ट्वीट केलं होतं. त्यानंतर माजी क्रिकेटपटू सचिन तेंडुलकर याच्यासह भारतीय सेलिब्रिटींनी त्यांना उत्तर दिलं. त्यावरून शिवसेनेनं भारतातील सेलिब्रिटींच्या भूमिकेवर प्रश्नचिन्ह उपस्थित केलं. रिहाना, थनबर्गच्या ट्वीटला उत्तर देणाऱ्या सेलिब्रिटींना भाजपनं लक्झरी गाडीत बसवून गाझीपूर, सिंघू बॉर्डरला नेलं पाहिजे, असं खासदार संजय राऊत यांनी म्हटलं होतं. शेलार यांनी याच मुद्द्यावरून शिवसेनेला लक्ष्य केलं आहे.

आशिष शेलार यांनी ट्विट करत म्हटलं कि, ‘देशांतर्गत विषयात उगाच ढवळाढवळ करणाऱ्या रिहाना, ग्रेटा थॅनबर्ग, मिया खलिफा या परदेशींच्या तालावर काँग्रेस-शिवसेना ‘पॉप डान्स’ करतेय. या परदेशींना सचिन तेंडुलकर, लतादीदींनी खडसावले, अण्णा हजारेंनी लोकशाहीचा सन्मान केला तर त्यांच्या विरोधात हेच धिंगाणा घालतात. ‘वंदनीय शिवसेनाप्रमुख बाळासाहेब ठाकरे यांनी ज्यांचा सन्मान केला त्या भारतरत्न, महाराष्ट्र भूषण व्यक्तींवर शिवसेना शिंतोडे उडवून महाराष्ट्र द्रोह का करतेय?, काँग्रेस सोबत जाऊन शिवसेनेच्या बुद्धीचा “चक्काजाम” झालाय? सत्तेसाठी महाराष्ट्र धर्मावर “ट्रॅक्टर” फिरवणार का?

देशांतर्गत विषयात उगाच ढवळाढवळ करणाऱ्या रिहाना, ग्रेटा थॅनबर्ग, मिया खलिफा या परदेशींच्या तालावर काँग्रेस-शिवसेनेने “पॉप डान्स” केला.

तर या परदेशींना सचिन तेंडुलकर, लतादीदींनी खडसावले, अण्णा हजारेंनी लोकशाहीचा सन्मान केला तर त्यांच्या विरोधात हेच धिंगाणा घालतात.
1/2

— Adv. Ashish Shelar – ॲड. आशिष शेलार (@ShelarAshish) February 6, 2021

वंदनीय शिवसेनाप्रमुख बाळासाहेब ठाकरे यांनी ज्यांचा प्रचंड सन्मान केला त्या भारतरत्न, महाराष्ट्र भूषण व्यक्तींवर शिवसेना शिंतोडे उडवून महाराष्ट्र द्रोह का करतेय?
काँग्रेस सोबत जाऊन शिवसेनेच्या बुद्धीचा “चक्काजाम” झालाय ?
सत्तेसाठी महाराष्ट्र धर्मावर “ट्रॅक्टर” फिरवणार का?
2/2

— Adv. Ashish Shelar – ॲड. आशिष शेलार (@ShelarAshish) February 6, 2021

The post काँग्रेस सोबत जाऊन शिवसेनेच्या बुद्धीचा “चक्काजाम” झालाय? , आशिष शेलार यांची टीका appeared first on थोडक्यात घडामोडी.

मुंबई : यशवंतराव चव्हाण प्रतिष्ठान, मुंबई येथे आज साहित्यिक व पत्रकार अंबरीश मिश्र लिखित ‘चौकात उधळले मोती’ या पुस्तकाचे प्रकाशन संपन्न झाले. यावेळी खा. सुप्रिया सुळे, खा.संजय राऊत, भाजपचे आ.आशिष शेलार, प्रतिष्ठानचे सरचिटणीस श.गं.काळे आदिंसह ज्येष्ठ पत्रकार, माध्यम प्रतिनिधी उपस्थित होते.

यशवंतराव चव्हाण प्रतिष्ठान, मुंबई येथे आज साहित्यिक व पत्रकार अंबरीश मिश्र लिखित ‘चौकात उधळले मोती’ या पुस्तकाचे प्रकाशन संपन्न झाले. यावेळी खा.संजय राऊत, भाजपचे आ.आशिष शेलार, प्रतिष्ठानचे सरचिटणीस श.गं.काळे आदिंसह ज्येष्ठ पत्रकार, माध्यम प्रतिनिधी उपस्थित होते. pic.twitter.com/ll1rnfMaEV

— Supriya Sule (@supriya_sule) October 24, 2020

The post अंबरीश मिश्र लिखित ‘चौकात उधळले मोती’ पुस्तकाचा प्रकाशन सोहळा संपन्न appeared first on थोडक्यात घडामोडी.