तामिळनाडू : तामिळनाडूच्या कुड्डालोरमध्ये एका अल्पवयीन मुलीवर तीन मुलांनी सामूहिक बलात्कार केल्याचा आरोप आहे. ही घटना 1 जुलै रोजी घडली. पोलिसांनी गुन्हा दाखल केल्यानंतर आणि गुरुवारी रात्री तीन अल्पवयीन मुलांना अटक केल्यानंतर हे प्रकरण उघडकीस आले.

मिळालेल्या माहितीनुसार, सरकारी शाळेत दहावीत शिकणारी मुलगी मे महिन्यात तिच्या पालकांना न सांगता तिच्या इयत्ता बारावीतील मित्राच्या वाढदिवसाच्या सेलिब्रेशनला शाळेच्या आवारात गेली होती. यावेळी मुलीच्या तीन वर्गमित्रांनी त्यांच्या मोबाइल फोनवर वाढदिवसाचा व्हिडिओ शूट केला होता. या मुलांनी तिला 1 जुलै रोजी ही घटना तिच्या पालकांना सांगण्याची धमकी दिली. पीडितेने तिघांना क्लिप हटविण्याची विनंती केली, परंतु त्यांनी कथितपणे दावा केला की मोबाइल फोन त्यांच्या घरीच आहे. असे सांगून या तीन मुलांनी 1 जुलै रोजी मुलीला त्यांच्यापैकी एकाच्या घरी नेले आणि तेथे तिच्यावर सामूहिक बलात्कार केला. त्यांनी या कृत्याचे देखील त्यांच्या मोबाईल फोनवर व्हिडिओ शूट केले आणि ही घटना कोणाला सांगितल्यास ती क्लिप फिरविण्याची धमकी दिली.

दरम्यान, या घटनेनंतर ही मुलगी खूप घाबरली होती आणि तिने शाळेत जाण्यास नकार दिला होता. मात्र, नंतर तिच्या पालकांना ही घटना कळली आणि त्यांनी तक्रार दाखल केली. गुरुवारी रात्री आरोपी अल्पवयीन असल्याने त्यांची कारागृहाऐवजी निरीक्षण गृहात रवानगी करण्यात आली आहे. या गुन्ह्यासाठी पोलिसांनी तिन्ही अल्पवयीन आरोपींना अटक केली असून या प्रकरणाचा पुढील तपास सुरू आहे.

The post धक्कादायक! अल्पवयीन मुलीवर सामूहिक बलात्कार, अल्पवयीन आरोपींना पोलिसांनी घेतले ताब्यात appeared first on थोडक्यात घडामोडी.

हैदराबाद : मर्सिडीज कारमध्ये अल्पवयीन मुलीवर सामूहिक बलात्कार झाल्याची लाजिरवाणी घटना समोर आली आहे. गुन्हेगारांमध्ये हायप्रोफाईल नावांचा समावेश असल्याची माहिती मिळाली आहे. या प्रकरणी अद्याप कोणालाही अटक करण्यात आलेली नाही. पोलीस तपास सुरु आहे. वृत्तानुसार, गुन्ह्यात सहभागी सर्व आरोपी अल्पवयीन आहेत.

मिळालेल्या माहितीनुसार, हैदराबादमधील पॉश एरिया ज्युबिली हिल्समध्ये अल्पवयीन मुलीवर सामूहिक बलात्कार झाल्याची घटना समोर आली आहे. या गुन्ह्यात चार जणांचा सहभाग असून त्यापैकी एक आरोपी आमदाराचा मुलगा असल्याचे बोलले जात आहे. मात्र, आरोपीची ओळख जाहीर करण्यात आलेली नाही. पोलिसांनी चार जणांविरुद्ध कलम ३५४,३२३ आयपीसी, ९,१० पॉक्सो कायदा २०१२ अंतर्गत गुन्हा दाखल केला होता. 17 वर्षीय पीडितेची वैद्यकीय तपासणी केल्यानंतर पोलिसांनी आयपीसीचे कलम 376 देखील जोडले आहे. पोलीस सीसीटीव्ही फुटेजच्या आधारे आरोपींची ओळख पटवण्याचा प्रयत्न करत आहेत. पीडितेच्या वडिलांनी गुन्हा दाखल केला असून पोलीस तपास करत आहेत.

ही घटना शनिवारी (२८ मे) घडली आहे. मुलगी पबमधून बाहेर पडत असताना तिथे तिला भेटलेले काही तरुण तिच्याजवळ आले आणि तिला घरी सोडण्याची ऑफर दिली. त्यानंतर हैदराबादमधील ज्युबली हिल्स एरियात मुलांनी कार पार्क केली आणि आळीपाळीने या मुलीवर बलात्कार केला. अल्पवयीन मुलीवर मर्सिडीज बेंझ कारमध्ये सामूहिक बलात्कार करण्यात आला होता, ती कार आता जप्त करण्यात आली आहे. वाहन मालकाची चौकशी करण्यात येत आहे. पबमध्ये पार्टीत सहभागी झालेल्यांची आणि तिथे काम करणाऱ्या लोकांचीही पोलिस चौकशी करत आहेत. दरम्यान, सत्ताधाऱ्यांच्या राजकीय दबावामुळे पोलिस ठोस कारवाई करत नसल्याचा आरोप विरोधकांनी केला आहे.

The post अल्पवयीन मुलीवर मर्सिडीज कारमध्ये सामूहिक बलात्कार, गुन्हेगारांमध्ये हायप्रोफाईल नावांचा समावेश appeared first on थोडक्यात घडामोडी.

नागपूर : नागपुरात एक अतिशय धक्कादायक घटना घडली आहे. एका 16 वर्षांच्या मुलीवर चार तासात दोन वेगवेगळ्या घटनांमध्ये सामूहिक बलात्कार झाला आहे. सहा नराधमांनी तिच्यावर बलात्कार केल्याची माहिती मिळाली आहे. गुरुवारी कुटुंबियांशी क्षुल्लक कारणावरून वाद झाल्यानंतर ही मुलगी घर सोडून गेली होती. त्यानंतर ही भयंकर घटना घडली आहे. या गँगरेप प्रकरणी पोलिसांनी 4 जणांना अटक केली आहे.

मिळालेल्या माहितीनुसार, कुटुंबियांशी क्षुल्लक कारणावरुन वाद झाल्यानंतर ही अल्पवयीन मुलगी सोडून गेली. त्यानंतर तिनं सिव्हिल लाईन्सला जाण्यासाठी रिक्षा पकडली. पण तिच्याकडे पैसे नसल्याचे कळताच चालकाने तिला रिक्षातून खाली उतरण्यास सांगितले. त्याच दरम्यान मोहम्मद तौसीफ (26) आणि मोहम्मद शाहनवाज उर्फ सना (25) या दोन रिक्षाचालकांनी रात्रीचा अंधाराचा फायदा घेत तिला मोमीनपुरा भागातील टिमकी परिसरात एका खोलीत नेले. त्या ठिकाणी चार जणांनी तिच्यावर बलात्कार केला. त्या नंतर आरोपी तौसिफ आणि सना यांनी मुलीला इंदिरा गांधी शासकीय वैद्यकीय महाविद्यालय आणि रुग्णालयाजवळ रिक्षाचालक मोहम्मद मुशीर (23) आणि आणखी एका व्यक्तीच्या स्वाधीन केले. मोहम्मद मुशीर आणि अन्य व्यक्तीने या मुलीवर रिक्षामध्ये बलात्कार केला. त्यानंतर दोघे आरोपी तेथून पसार झाले.

काही वेळाने दोन रिक्षाचालकांनी पीडित मुलीला पाहिले. त्यांनी तिची विचारपूस केली. तेव्हा पीडित मुलीने त्यांना आपल्याला नाशिकला जायचं असल्याचं सांगितलं. त्या दोघांनी तिला नाशिकला जाण्याचे रेल्वे तिकीट खरेदी करण्यासाठी मदत केली आणि तिला काही रोख रक्कम देखील दिली.

रेल्वे पोलिसांच्या पथकाला ही पीडित मुलगी नागपूर रेल्वे स्थानकावर दिसली. पोलिसांना संशय आल्याने जीआरपी कर्मचारी मुलीजवळ गेले. पोलिसांनी अल्पवयीन मुलीला एका NGO च्या ताब्यात दिले. त्यानंतर तिने तिच्यावर सामूहिक बलात्कार झाल्याचे सांगितले. पोलिसांनी तात्काळ तपास सुरू केला आणि सना, तौसीफ, मुशीर आणि मोहम्मद नौशाद यांना ताब्यात घेतले. पोलीस पुढील तपास करत आहेत.

The post नागपूर हादरले! अल्पवयीन मुलीवर चार तासांत दोन वेळा सामूहिक बलात्कार appeared first on थोडक्यात घडामोडी.

बिहार : पाच जणांनी अल्पवयीन मुलीवर सामूहिक बलात्कार करून तिची हत्या केल्याची संतापजनक घटना उघडकीस आली आहे. रात्रीच्या वेळी पाच जणांनी खिडकी फोडून घरात प्रवेश केला आणि ते अल्पवयीन मुलीला जबरदस्तीने घेऊन गेले. या नराधमांनी पहिल्यांदा तिच्यावर सामूहिक बलात्कार केला, त्यानंतर मुलीची हत्या करून त्यांनी तिचा मृतदेह झाडीत फेकून दिला. ही घटना वैशाली जिल्ह्यातील भगवानपूर रत्ती गावात घडली आहे.

मिळालेल्या माहितीनुसार, 29 जून रोजी रात्रीच्या सुमारास ही घटना घडली. काल (३० जून) सायंकाळी उशिरा या मुलीचा मृतदेह सापडला. मृत मुलीचे नातेवाईक जवळच्या गावात लग्नासाठी गेले होते. ही 14 वर्षाची अल्पवयीन मुलगी घरी तिच्या आजोबांबरोबर थांबली होती. ही मुलगी अकरावीची विद्यार्थिनी होती. रात्री मुलगी घरात झोपली होती, तर तिचे आजोबा घराच्या बाहेर दरवाजाजवळ झोपले होते. दरम्यान, पाच तरुणांनी खिडकी फोडून घरात प्रवेश केला आणि मुलीला जबरदस्तीने पळवून नेले. यानंतर तिच्यावर सामूहिक बलात्कार केला. परंतु, त्यानंतर हे प्रकरण उघडकीस येईल, या भीतीने त्यांनी पीडित मुलीची हत्या केली आणि तिचा मृतदेह झाडीत फेकून दिला.

सकाळी बराच उशीर झाला तरी मुलगी बाहेर आली नाही तेव्हा तिच्या आजोबांना चिंता वाटायला लागली. तिच्या आजोबांनी शेजाऱ्यांना याबद्दल सांगितले. शेजार्‍यांनी घराचा दरवाजा ठोठावला पण आतून प्रतिसाद मिळाला नाही, त्यानंतर त्यांनी पाहिले की घराची खिडकी फोडलेली होती आणि आत कोणीच नव्हते. त्यानंतर सर्वांनी गावात सर्वत्र मुलीचा शोध सुरू केला. थोड्या वेळाने त्यांना या मुलीचा मृतदेह झुडपात पडलेला आढळला. ग्रामस्थांनी तात्काळ घटनेची माहिती पोलिसांना दिली. माहिती मिळताच पोलिस घटनास्थळी दाखल झाले आणि त्यांनी मुलीचा मृतदेह ताब्यात घेऊन पोस्टमार्टमसाठी पाठविला. पोस्टमार्टम अहवालात स्पष्ट झाले की अल्पवयीन मुलीची सामूहिक बलात्कारानंतर हत्या करण्यात आली आहे.

दरम्यान, मुलीच्या आजोबांनी पोलिस ठाण्यात तक्रार दाखल केली. गुन्हा दाखल केल्यानंतर तपासात पाच जणांची नावे समोर आली. पोलिसांनी त्यातील तीन आरोपींना अटक केली असून दोघे फरार आहेत. पोलिस त्यांचा शोध घेत आहेत.

The post अल्पवयीन मुलीवर सामूहिक बलात्कार करून हत्या, खिडकी फोडून घरात घुसले आरोपी… appeared first on थोडक्यात घडामोडी.

उत्तर प्रदेश : उत्तर प्रदेशमधील हरदोई येथे अल्पवयीन मुलीवर सामूहिक बलात्कार केल्याची घटना घडली आहे. ही १५ वर्षीय मुलगी घरी एकटी असल्याचे पाहिल्यानंतर 5 जणांनी बंदुकीचा धाक दाखवत तिच्यावर सामूहिक बलात्कार केला. पीडित मुलीच्या कुटुंबीयांनी पाच जणांविरोधात गुन्हा नोंदवला आहे. या घटनेची माहिती मिळाल्यानंतर प्रकरणाचे गांभीर्य लक्षात घेऊन एएसपी, सीओ घटनास्थळी दाखल झाले आणि त्यांनी आजूबाजूच्या लोकांची चौकशी केली.

ही घटना हरदोईच्या सांडी परिसरातील खेड्यात घडली आहे. पीडित मुलीच्या भावाने पोलिसांना सांगितले की, 15 जून रोजी घरातील सर्वजण चुलत्याच्या मुलाच्या लग्नासाठी गेले होते. त्याच्या आईचे निधन झालेले असून वडील रोडवेज बस चालक आहेत. घटनेच्या वेळी त्याची बहीण घरी एकटीच होती. गावातील पाच जणांना ती घरात एकटी असल्याचे समजले. त्यानंतर ते घरात घुसले आणि बंदुकीचा धाक दाखवत या मुलीला घेऊन गेले. हे सर्वजण तिला एका शेतात घेऊन गेले आणि तेथे पाच जणांनी तिच्यावर बलात्कार केला. जेव्हा सगळे कुटुंबीय लग्न झाल्यानंतर घरी परतले, तेव्हा पीडितेने त्यांना घटनेची माहिती दिली.

पीडित मुलीच्या भावाने सांगितले की, पाचही तरुणांनी त्याच्या बहिणीला धमकी दिली होती की जर तिने या घटनेबद्दल कोणाला सांगितले तर तिला आणि सर्व कुटुंबियांना ठार मारू. त्यामुळे त्याची बहीण खूप घाबरलेली आहे. त्याने पुढे सांगितले की ते सर्व आरोपी गुन्हेगारी प्रवृत्तीचे आहेत आणि ते गुन्हा नोंदवल्यास संपूर्ण कुटुंबाला जिवे मारण्याची धमकी देत ​​आहेत.

दरम्यान, एएसपी अनिल कुमार यादव यांनी सांगितले की सामूहिक बलात्काराचा गुन्हा नोंदवून घेतला आहे. पीडित मुलीला वैद्यकीय तपासणीसाठी रुग्णालयात पाठवण्यात आले आहे. या प्रकरणात तीन आरोपींना अटक करण्यात आली असून सर्व दोषींवर कठोर कारवाई केली जाईल.

रागाच्या भरात तरुणाने बहिणीची गोळ्या घालून केली हत्या, कारण…

The post बंदुकीचा धाक दाखवत अल्पवयीन मुलीवर सामूहिक बलात्कार, तीन आरोपींना अटक appeared first on थोडक्यात घडामोडी.

पुणे : पुण्यातील सहकार नगर भागात राहणाऱ्या 14 वर्षाच्या अल्पवयीन मुलीवर सामूहिक बलात्कार झाल्याचा धक्कादायक प्रकार घडला आहे. अल्पवयीन तरुणीवर तिघांनी सामूहिक बलात्कार केला. त्यानंतर आणखी दोन जण येत असून त्यांनाही तुझ्यासोबत शारिरीक संबंध ठेवायचे आहेत असं तिला सांगण्यात आलं. पीडितेने याला विरोध केल्यानंतर, आरोपींनी तिच्या छातीवर गोळी झाडली. परंतु, तिथे मोबाईल ठेवलेला असल्यामुळे ती बचावली.

पुण्यात या घटनेमुळे एकच खळबळ उडाली आहे. पुणे गुन्हे शाखेच्या युनिट २ च्या पथकाने यातील एक आरोपी श्रीकांत काळे याला पिस्तुल बाळगल्याप्रकरणी अटक केली. त्याची अधिक चौकशी केल्यानंतर 15 दिवसांपूर्वी झालेला सामूहिक बलात्काराचा प्रकार उघडकीस आला. याप्रकरणी जनता वसाहतीत राहणार्‍या 14 वर्षाच्या मुलीने दत्तवाडी पोलिसांकडे फिर्याद दिली. पोलिसांनी या प्रकरणात हडपसर येथे राहणाऱ्या कृष्णा ऊर्फ रोहन ओव्हाळ(24) आणि वारजे माळवाडीतील निरंजन ऊर्फ निलेश शिंदे (२०) या दोघांना  अटक केली असून आणखी तिघांचा शोध सुरू आहे.

काय आहे प्रकरण?

मिळालेल्या माहितीनुसार, पीडित तरुणी तिच्या मैत्रिणी सोबत एका मित्राच्या वाढदिवसाला वारजे माळवाडी येथे गेली होती. वाढदिवसानिमित्त पार्टी असल्याचं सांगून 14 वर्षीय मुलीला बोलावलं. यावेळी वाढदिवस झाल्यानंतर तिला एका खोलीत नेऊन तिघांनी बलात्कार केला. त्यानंतर आणखी दोन जण येत असून त्यांना तुझ्यासोबत शारिरीक संबंध ठेवायचे असल्याचे त्यांनी तिला सांगितले.

पीडित तरुणीने याला विरोध केल्यानंतर एका आरोपीने पिस्तूल काढली आणि तिच्या छातीवर गोळी झाडली. पण पीडित तरुणीने तिथे मोबाईल ठेवलेला असल्याने तिचा जीव वाचला. तिला थोडी दुखापत झाली. त्यानंतर या तरुणीला आणि तिच्या मैत्रिणीला कात्रज येथे सोडून देण्यात आले. तेथील एका रुग्णालयात जखमेवर उपचार घेऊन ती तरुणी घरी गेली. त्यानंतर या प्रकरणी तक्रार दाखल करण्यात आली. पोलिसांनी दोघांना अटक केली असून आणखी तिघांचा शोध सुरू आहे.

The post पुण्यात धक्कादायक प्रकार, वाढदिवसाला बोलावून अल्पवयीन मुलीवर सामूहिक बलात्कार appeared first on थोडक्यात घडामोडी.