अर्जेंटिना : अर्जेंटिनाची राजधानी ब्यूनस आयर्स जवळ नॉर्डेल्टा (Nordelta) नावाचे एक शहर आहे. या शहरात गेल्या काही दिवसांपासून अचानक जगातील सर्वात मोठ्या उंदरांची दहशत पसरली आहे. ते शहरात मुक्तपणे फिरत आहेत. लोकांच्या बागा अस्वच्छ करत आहेत. यांच्यामुळे रस्त्यांवर अपघात होत आहेत. आता नॉर्डेल्टाचे लोक चिंतेत आहेत की शेकडोंच्या संख्येने आलेल्या या घुसखोरांचे काय करायचे?

जगातील या सर्वात मोठ्या उंदीरांना कॅपीबारस (Capybaras) म्हणतात. त्यांचे वैज्ञानिक नाव हाइड्रोकोरस हाइड्रोचेरिस (Hydrochoerus hydrochaeris) आहे. काही लोक त्यांना कार्पिन्चोस (Carpinchos) असेही म्हणतात. ते गेल्या काही आठवड्यांपासून बेफिकीरपणे नॉरडेल्टामध्ये भटकत आहेत. नॉरडेल्टाची लोकसंख्या सुमारे 40 हजार आहे. या उंदरांचा आकार 4 फुटांपर्यंत असू शकतो. त्यांचे वजन 79 किलो पर्यंत असू शकते.

कॅपीबारसने नॉर्डेल्टामधील अनेक बागा खराब केल्या आहेत. ते तिथे विष्ठा करतात. तसेच त्यांच्यामुळे रस्त्यांवर अपघात होत आहेत. ते फुले आणि फळे खराब करत आहेत. एवढेच नाही तर पाळीव कुत्रे आणि मांजरींवरही हल्ला करत आहेत. तथापि, कॅपीबारस हिंसक प्राणी नाहीत. मनुष्य किंवा पाळीव प्राण्यांविषयी ते कधीही हिंसक नव्हते.

पर्यावरणवाद्यांच्या मते, कॅपीबारस नॉर्डेल्टामध्ये घुसखोरी करत नसून ते आपले घर परत घेण्यासाठी आले आहेत. 1990 च्या दशकात, नॉर्डेल्टा पर्यावरणीयदृष्ट्या अतिशय सुंदर आणि अनेक प्रकारच्या प्राण्यांचे घर होते. दक्षिण अमेरिकेतील दुसरी मोठी नदी पारणा नदीच्या काठावर वेटलँड होते. परंतु माणसांनी विकासाच्या नावाखाली या ठिकाणची कॅपीबारसची घरे उद्ध्वस्त केली.

“Wealthy real-estate developers with government backing have to destroy nature in order to sell clients the dream of living in the wild” https://t.co/Erm8yzDXcx

— Live Science (@LiveScience) September 5, 2021

अर्जेंटिनामध्ये पर्यावरणासाठी लढा देणारे प्रसिद्ध वकील एनरिक विल यांच्या म्हणण्यानुसार, हे एक चक्र आहे. नॉर्डेल्टाने कॅपीबारसच्या घरात घुसखोरी केली होती. श्रीमंत रिअल इस्टेट डेव्हलपर्सने सरकारशी संगनमत करून कॅपीबारसचे निवासस्थान खराब केले होते. त्यावेळी देखील आवाज उठवण्यात आला होता, पण कोणी ऐकले नाही. निसर्गाच्या कुशीत मानवाला स्वर्गासारखे घर देण्याचे स्वप्न दाखवून बिल्डरांनी या भागातील प्राण्यांना हुसकावून लावले. लोकांना निसर्गाच्या मध्यभागी तर राहायचे आहे, परंतु तेथे आधीच राहणाऱ्या प्राण्यांबरोबर राहायचे नाही. कारण त्यांना साप, डास आणि जगातील सर्वात मोठे उंदीर नको आहेत. हे चुकीचे आहे. जर तुम्हाला निसर्गाच्या सान्निध्यात राहायचे असेल, तर तुम्हाला त्या प्राण्यांसोबत राहावे लागेल जे आधीच तेथे राहत आहेत. तुम्ही त्यांना तेथून हाकलू शकत नाही.

The post अर्जेंटिनामध्ये जगातील सर्वात मोठ्या उंदरांची दहशत, पण येथे खरे घुसखोर कोण? माणूस की उंदीर? appeared first on थोडक्यात घडामोडी.

न्यूयॉर्क : कोरोना विषाणू आणि त्याच्या नवीन स्ट्रेन्सने संपूर्ण जगासमोर मोठे आव्हान निर्माण केले आहे. आता लॅटिन अमेरिकी देशांमध्ये कोरोना विषाणूचा एक नवीन प्रकार समोर आला आहे. त्यास लॅम्बडा असे नाव देण्यात आले आहे. WHO ने सध्या सर्व देशांना लॅम्बडा व्हेरिएंटवर लक्ष ठेवण्यास सांगितले आहे. कारण जर तो अधिक वेगाने पसरला तर चिंतेत भर पडणार आहे. कारण अगोदरच अल्फा, बीटा, गामा आणि डेल्टा व्हेरिएंटमुळे सध्या जगात खळबळ उडाली आहे.

जागतिक आरोग्य संघटनेच्या साप्ताहिक बुलेटिनने सांगितले की लॅम्बडा व्हेरियंट प्रथम पेरूमध्ये सापडला होता. परंतु आता तो जगातील 29 देशांमध्ये पसरला आहे. पण त्याचा सर्वात जास्त परिणाम लॅटिन अमेरिकन देशांमध्ये झाला आहे. यामध्ये पेरू, अर्जेंटिना, चिली आणि इक्वाडोर या देशांचा समावेश आहे. यावर्षी एप्रिलपर्यंत पेरूमध्ये कोरोनाव्हायरस संबंधित सर्व प्रकरणांपैकी 81 टक्के प्रकरणं लॅम्बडा व्हेरिएंटमधील आहेत. चिलीमधील एकूण कोरोना प्रकरणांपैकी 32 टक्के प्रकरणे या प्रकारातील आहेत. डब्ल्यूएचओला चिंता वाटत आहे की हा लॅम्बडा व्हेरिएंट अधिक संसर्गजन्य आणि जास्त धोकादायक ठरू शकतो. तसेचच तो अँटीबॉडीजला देखील धोका देऊ शकतो.

Lambda has been associated with substantive rates of community transmission in multiple countries (Peru, Chile, Argentina), with rising prevalence over time concurrent with increased COVID-19 incidence.https://t.co/5UBylmyE7W

— Humberto Debat (@humbertodebat) June 15, 2021

The post कोरोना विषाणूच्या नवा लॅम्बडा व्हेरिएंटने वाढवली चिंता, WHO ने व्यक्त केली ‘ही’ भीती appeared first on थोडक्यात घडामोडी.