नवी दिल्ली : दिवंगत अभिनेता सुशांतसिंग राजपूत यांच्या वडिलांनी सुशांतच्या जीवनावर आधारित अनेक चित्रपटांवर बंदी घालण्याची मागणी करणारी याचिका न्यायालयात दाखल केली होती. ही याचिका दिल्ली उच्च न्यायालयाने गुरुवारी फेटाळून लावली आहे. एप्रिल महिन्यात सुशांतचे वडील कृष्ण किशोर सिंह यांनी ही याचिका दाखल केली होती.

सुशांतच्या वडिलांनी युक्तिवाद केला होता की सुशांतच्या खाजगी जीवनाचे कोणतेही प्रकाशन, उत्पादन किंवा चित्रण हा गोपनीयतेच्या मूलभूत अधिकाराचे निर्लज्जपणे आणि हेतुपुरस्सर केलेले उल्लंघन आहे. हे त्याच्या कायदेशीर वारसांच्या पूर्वपरवानगीशिवाय केले जाऊ शकत नाही. या याचिकेत असेही म्हटले होते की, सुशांतचे वैयक्तिक जीवन दर्शविणारा कोणताही चित्रपट त्याच्या मृत्यूशी संबंधित चौकशीवर, साक्षीदारांवर प्रभाव पाडू शकतो. तसेच यामुळे दिवंगत अभिनेता सुशांतबद्दलची लोकांची धारणा बदलेल.

कृष्ण किशोर सिंह यांनी “न्याय: द जस्टीस”, “सुसाईड ऑर मर्डर : अ स्टार वॉज लॉस्ट” आणि शशांक या चित्रपटांवर बंदी घालण्याची मागणी करणारी याचिका दाखल केली होती. कृष्ण किशोर सिंह म्हणाले कि, “बरेच लोक सुशांतच्या मृत्यूचा प्रसिद्धी मिळवण्याची संधी म्हणून वापर करत असून त्याच्या आणि त्याच्या कुटुंबाच्या प्रतिष्ठेच्या किंमतीवर वेगवेगळ्या कथा बनवत आहेत.” परंतु, आता दिल्ली उच्च न्यायालयाने ही याचिका फेटाळून लावली आहे आणि “न्याय: द जस्टीस” या चित्रपटाच्या प्रदर्शनावर बंदी घालण्यास नकार दिला आहे.

सुशांतच्या मृत्यूप्रकरणावर आधारित ‘न्याय : द जस्टिस’ सिनेमाचा टिझर रिलीज

The post “न्याय: द जस्टीस” चित्रपटाच्या प्रदर्शनाचा मार्ग मोकळा, दिल्ली उच्च न्यायालयाने फेटाळली सुशांतच्या वडिलांची याचिका appeared first on थोडक्यात घडामोडी.

मुंबई : अभिनेता सुशांतसिंग राजपूतचा मित्र सिद्धार्थ पिठानी याला एनसीबीने अटक केली आहे. एनसीबीने पिठानी याला ड्रग्स प्रकरणात हैदराबादमधून अटक केली आहे.

सेंट्रल ब्युरो ऑफ इन्व्हेस्टिगेशन आणि नारकोटिक्स कंट्रोल ब्यूरोने यापूर्वी सिद्धार्थ पिठानी याची अनेक वेळा चौकशी केली होती. सीबीआयने सप्टेंबर 2020 मध्ये त्याची सलग अनेक दिवस चौकशी केली होती. ड्रग्स प्रकरणात यापूर्वीही बर्‍याच लोकांना अटक करण्यात आली आहे.

The post सुशांतसिंग राजपूतचा मित्र सिद्धार्थ पिठानीला हैदराबादमधून अटक appeared first on थोडक्यात घडामोडी.

नवी दिल्ली : अभिनेता सुशांतसिंग राजपूतची बहीण प्रियंका सिंग यांनी सर्वोच्च न्यायालयात धाव घेतली आहे. प्रियंका सिंह यांनी मुंबई उच्च न्यायालयाच्या निर्णयाला सर्वोच्च न्यायालयात आव्हान दिले असून तिच्याविरूद्ध दाखल केलेली FIR रद्द करण्याची मागणी केली आहे.

7 सप्टेंबर 2020 रोजी रिया चक्रवर्ती हिने सुशांतच्या बहिणींविरूद्ध मुंबईच्या वांद्रे पोलिस स्टेशनमध्ये बनावट प्रिस्क्रिप्शन आणि प्रतिबंधित असलेली औषधे सुशांतला दिल्याच्या आरोपाखाली FIR दाखल केली होती. रिया चक्रवर्तीने दाखल केलेल्या एफआयआरचीही सीबीआय चौकशी करीत आहे. अलीकडेच मुंबई उच्च न्यायालयाने एफआयआर रद्द करण्यास नकार दिला होता. मात्र, सुशांतची धाकटी बहीण मितू हिला कोर्टाने दिलासा देत तिच्यावरील खटला रद्द केला.

बॉलिवूड अभिनेता सुशांतसिंग राजपूत याचा मृतदेह गेल्या वर्षी 14 जूनला त्याच्या मुंबईच्या घरात आढळला होता. सुरुवातीला आत्महत्येच्या या प्रकरणात नंतर ड्रग्सचा अँगल जोडला गेला. रिया चक्रवर्तीवर पैशांची अफरातफरी, ड्रग्सचा पुरवठा आणि सुशांतच्या आत्महत्येप्रकरणी गुन्हा दाखल करण्यात आला होता. तिने तुरुंगातही काही काळ घालवला आहे. ती सध्या बाहेर आहे. या प्रकरणात त्याचा भाऊ शौविक चक्रवर्तीही तुरूंगात गेला होता, नंतर त्यालाही जामीन मंजूर झाला.

The post ब्रेकिंग : सुशांतसिंग राजपूतची बहीण प्रियंकाची सुप्रीम कोर्टात धाव, FIR रद्द करण्याची मागणी appeared first on थोडक्यात घडामोडी.