पुणे : संगणक क्षेत्रातील डेटा केअर कॉर्पोरेशनच्या ३०वा वर्धापन दिन व कंपनीचे संस्थापक व व्यवस्थापकीय संचालक अनिल म्हस्के यांच्या वाढदिवसानिमीत्त रक्तदान शिबीराचे आयोजन करण्यात आले होते. डीसीसी आणि सह्याद्री हॉस्पिटल यांच्या संयुक्त विद्यमाने जेएम रोडला आयोजित करण्यात आलेल्या या शिबीरात १५० जणांनी सहभाग घेतला यामध्ये १०१ पिशव्या रक्त संकलन करण्यात आले. यावेळी दत्ता खाडे सरचिटणीस – भाजप, अनिल पायगुडे- सरचिटणीस राष्ट्रवादी काँग्रेस, प्रशांत कोरेगावकर- संचालक, हॉटेल ऋतुगंध, संदिप मोरे – सरचिटणीस काँग्रेस, शरद मुलमुले – संचालक, संचालन, जिवन कदम- संचालक पी.आर, राजेश नवले, पी.आर यादी उपस्थित होते.

सामान्य कुटुंबातील अनिल म्हस्के यांनी सन १९९२ साली पुण्यात छोट्याशा जागेत डीसीसीची स्थापना केली होती. ग्राहकसेवा हीच ईश्वरसेवा मानून कष्ट आणि सचोटीच्या जोरावर डीसीसीने सध्या सहाशेहुन अधिक कर्मचाऱ्यांच्या सहकार्याने महाराष्ट्रातच नाही तर संपूर्ण भारतभर हजारो ग्राहकांचे जाळे निर्माण केले असून दररोज करोडो रुपयांची उलाढाल होत आहे. डीसीसीच्या महाराष्ट्रात ८ शाखा व २८ रिटेल्स असून पॅन इंडियात देखील पदार्पण केले आहे.

समाजातील सामान्य घटकातील लोकांचा त्यांना कळवळा असून आयटी क्षेत्रातील धनदांडग्यांची मक्तेदारी मोडीत काढून म्हस्के यांनी स्वखर्चाने सर्व सामान्यांना डिलरशिप देऊ केली. करोडो रुपयांची जोखीम पत्करून असंख्य गरीब लोकांना व्यवसायात उभे केले, याचा त्यांना सर्वात जास्त आनंद आहे. डीसीसीने सर्वसामान्य कुटुंबातील अनेक बेरोजगार तरुणांना नोकऱ्या दिल्या, तसेच डीलरच्या मार्फत असंख्य लोकांना प्रत्यक्ष-अप्रत्यक्ष रोजगार उपलब्ध करून दिला आहे.

पोलिसांना रेनकोट, वारकऱ्यांना-निराधारांना ब्लँकेट वाटप, अंध शाळेतील मुलांना मदत, अनाथ मुलांना दिवाळीत फराळ वाटप अशा प्रकारचे विविध सामाजिक उपक्रम डीसीसीकडून वेळोवेळी राबवले जातात. कोरोनानंतर रक्ताचा प्रचंड तुटवडा जाणवतो आहे हे लक्षात घेऊन म्हस्के यांनी आपल्या वाढदिवसानिमित्त व डीसीसीच्या वर्धापन दिनानिमित्त या शिबिराचे आयोजन केले होते. त्यानिमित्त अनेकांनी शुभेच्छा म्हणून रक्तदान केले.

सह्याद्री हॉस्पिटल डेक्कनच्या जनसंपर्क अधिकारी सुजाता नाईक यावेळी म्हणाल्या कि, “दिवाळी असल्याने १० दिवस रक्तदान करण्यासाठी कॅम्प झालेला नसल्याने रक्ताचा प्रचंड तुटवडा जाणवत होता. त्यामुळे आजच्या रक्तदान शिबिरामुळे मोलाची मदत मिळाली. हॉस्पिटलमधील रुग्णांना तात्काळ फायदा होईल आणि हे रक्त लगेच रुग्णांना देण्यात येणार आहे. यावेळी त्यांनी डेटा केअर कॉर्पोरेशन या कंपनीची उत्तरोत्तर अशीच प्रगती होत राहो, अशा सदिच्छा देखील दिल्या.”

The post डीसीसीच्या ३०व्या वर्धापनदिनानिमित्त भव्य रक्तदान शिबीर संपन्न appeared first on थोडक्यात घडामोडी.

पुणे : डेक्कन पोलिस स्टेशनचे वरिष्ठ पोलिस निरीक्षक मुरलीधर करपे यांच्या प्रयत्नातून डेक्कन परिसरात असलेले डाटा केअर कार्पोरेशन (डी.सी.सी) कंपनीचे डायरेक्टर अनिल म्हस्के यांच्या सहयोगाने डेक्कन पोलिस स्टेशनमधील पोलिस अधिकारी व पोलिस अंमलदार यांना 150 पावसाळी रेनकोटचे वाटप करण्यात आले आहे.

कोरोना महामारीच्या पार्श्वभूमीवर लॉकडाऊनच्या काळात पोलिसांनी स्वतःचा जीव धोक्यात घालून जनतेच्या रक्षणासाठी उभे राहिले. स्वतःच्या आरोग्याकडे दुर्लक्ष करून अनेकदा कायदा-सुव्यवस्थेकामी जास्तीत जास्त तास बंदोबस्तात पावसात उभे राहून काम करावे लागत आहे. या पार्श्वभूमिवर पोलिसांना पावसाळी रेनकोटचे वाटप करण्यात आले. यावेळी डेक्कन पोलिस स्टेशनचे पोलिस निरीक्षक (गुन्हे) संजय मोगले यांच्यासह पोलिस अधिकारी व पोलिस अंमलदार उपस्थित होते.

डी.सी.सी कंपनीचे डायरेक्टर अनिल म्हस्के यांनी डेक्कन पोलिस स्टेशनमधील पोलिसांशी संवाद साधला. पुणे शहर पोलिस दलाने कोरोनाच्या काळात केलेल्या कार्याबाबत तसेच जनतेस येणाऱ्या सर्व संकटाच्यावेळी मदतीस धावून येणारा प्रथम नागरिक म्हणजे पोलिस अशा शब्दात त्यांनी पुणे पोलिस दलाचे मनस्वी कौतुक केले.

याप्रसंगी डेक्कन पोलिस स्टेशनचे वरिष्ठ पोलिस निरीक्षक मुरलीधर करपे यांनी पुणे पोलिसांना रेनकोट वाटपाच्या हितावह उपक्रमामुळे पोलिसांचे मनोबल उंचावून उत्तमोत्तम कर्तव्य बजावण्याची त्यांच्यात ऊर्जा निर्माण होत असल्याने डाटा केअर कार्पोरेशन (डी.सी.सी) कंपनीचे डायरेक्टर अनिल म्हस्के व त्यांचे इतर सहकार्यांचे आभार व्यक्त केले.

The post डाटा केअर कार्पोरेशन कंपनीकडून पोलिसांना पावसाळी रेनकोटचे वाटप! appeared first on थोडक्यात घडामोडी.