राजस्थान : राजस्थानची राजधानी जयपूरमध्ये क्रौर्याची परिसीमा ओलांडणारी घटना समोर आली आहे. येथील एका दाम्पत्याने एका 12 वर्षाच्या मुलाला बिहारमधून जयपूरला आणले. तिथे त्याला दिवसभर बांगड्या बनवण्यास सांगितले जायचे आणि त्यानंतर त्याला जेवणात पाणी आणि बिस्किटे दिली जायची. एवढेच नाही तर मुलाने जेवणाची मागणी केल्यास त्याला मारहाण करण्यात यायची. त्यातच पती पत्नीसमोरच त्या मुलासोबत गैरवर्तन देखील करायचा.

मिळालेल्या माहितीनुसार, बिहारमधील दरभंगा येथे राहणाऱ्या एका व्यक्तीने आपल्या मुलाला ओळखीतल्या जोडप्यासोबत जयपूरला पाठवले. हा मुलगा मोहम्मद रियाज आणि रुही परवीन यांच्यासोबत राहत होता, जे जयपूरच्या शास्त्री नगर येथील मक्का मस्जिद परिसरात राहत होते. हे दाम्पत्य सकाळी सात ते रात्री बारा वाजेपर्यंत मुलाकडून बांगड्या बनवून घ्यायचे. हा मुलगा फोनवर त्याच्या घरच्यांशी बोलायचा तेव्हा त्याला तो ठीक आहे असे सांगण्याची बळजबरी केली जायची.

पत्नीसमोर मुलावर अत्याचार करायचा
पीडित मुलाने पोलिसांना सांगितले की, रियाज दारूच्या नशेत पत्नी रुहीसमोर त्याच्यासोबत गैरवर्तन करायचा. दरम्यान, एकदा मुलाने पळून जाण्याचा प्रयत्न केला असता आरोपीने त्याच्या पायाच्या तळव्यांना चटके दिले. तो आजारी असताना आरोपी दाम्पत्य त्याला औषध देण्याऐवजी मारहाण करायचे. यादरम्यान मुलाच्या रडण्याचा आवाज बाहेर जाऊ नये म्हणून आरोपी स्पीकरवर मोठ्या आवाजात गाणी वाजवायचा.

असा झाला खुलासा
मंगळवारी रुहीने या मुलाला छताची साफ-सफाई करण्यास सांगितले. त्याच्या पायाला इजा झालेली असल्यामुळे त्याला चालताना त्रास होत होता, म्हणून तो रांगत – रांगत शेजारच्या गच्चीवर गेला आणि तिथून खाली रस्त्यावर आला. आजूबाजूच्या लोकांनी नवीन मुलाला असे रांगताना पाहिले तेव्हा ते त्याच्याकडे गेले. त्याच्या शरीरावर मारहाणीच्या खुणा होत्या. त्यानंतर त्यांनी पोलिस आणि चाइल्ड हेल्पलाइनला याबाबत माहिती दिली. पोलिसांनी घटनास्थळी पोहोचत आरोपी रुहीला अटक केली, तर रियाजचा पोलिस अद्याप शोध घेत आहेत.

The post क्रूरतेचा कळस! जोडप्याकडून 12 वर्षाच्या मुलावर भयंकर अत्याचार, ‘असा’ झाला खुलासा… appeared first on थोडक्यात घडामोडी.

यवतमाळ : पाच वर्षीय चिमुकलीवर अत्याचार झाल्याची खळबळजनक घटना उघडकीस आली आहे. तब्बल १८ दिवसानंतर ही घटना उघडकीस आली आहे. यवतमाळमधील उमरखेड शहरात ही घडली आहे. शेख नजीर शेख उस्मान (५० वर्षे) असे संशयित आरोपीचे नाव असून तो अद्यापही फरार आहे. आरोपीवर पॉक्सो अंतर्गत गुन्हा नोंदवण्यात आला आहे.

मिळालेल्या माहितीनुसार, शेख नजीर शेख उस्मान याचा दूध व्यवसाय आहे. पीडित मुलगी दूध आणण्यासाठी शेख नजीर शेख उस्मानच्या गोठ्यात गेली होती. त्यावेळी त्याने आमिष दाखवून तिला जवळ बोलावले आणि तिच्यावर लैंगिक अत्याचार केला. हे प्रकरण मंगळवारी उघडकीस आले.

पीडित मुलीच्या वडिलांनी बुधवारी (२६ मे) सकाळी पोलीस ठाण्यात तक्रार दाखल केली. त्यानंतर आरोपीला तातडीने अटक करावी, अशी मागणी करण्यासाठी पोलीस ठाण्यावर मोठ्या प्रमाणात लोक जमा झाले. उपविभागीय पोलीस अधिकारी वालचंद मुंडे यांनी आरोपींना अटक करू, असे आश्वासन दिल्यानंतर जमाव शांत झाला. दरम्यान, येत्या तीन दिवसात आरोपीला अटक न झाल्यास उमरखेड पोलिस ठाण्यासमोर वार्डातील नागरिकांसह उपोषणाला बसू, असा इशारा एमआयएमचे नगरसेवक अफसरभाई जलील कुरेशी यांनी दिला आहे.

भयंकर! ‘मला मुलगी हवी होती’ असे म्हणत बापानेच केली एक वर्षाच्या मुलाची हत्या

ज्याला मृत समजून अंत्यसंस्कार केले, ‘तो’ नऊ दिवसांनी जिवंत परतला, मात्र भूत समजून…

The post खळबळजनक : पाच वर्षीय चिमुकलीवर अत्याचार, आरोपीवर पॉक्सो अंतर्गत गुन्हा दाखल appeared first on थोडक्यात घडामोडी.

ठाणे : अल्पवयीन प्रेयसीचा गर्भपात करण्यासाठी प्रियकराने तिला चुकीचे औषध दिल्यामुळे प्रेयसीची प्रकृती बिघडली व ही बाब तिच्या कुटुंबीयांपुढे आली. त्यानंतर बालकांचे लैंगिक आजारापासून संरक्षण कायद्याच्या विविध कलमांतर्गत गुन्हे दाखल करून प्रियकराला पोलिसांनी अटक केली आहे.

पोलिस दिलेल्या माहिती नुसार, शुभम छोटू कटरे (वय २४, रा. मौदा) याची सतरावर्षीय मुलीशी ओळख झाली.  १ जानेवारी २०२० ते १ फेब्रुवारी २०२१ या दरम्यान त्याने तिच्यावर अनेकदा अत्याचार केल्याचा आरोप या अल्पवयीन मुलीने केला आहे.  यातून तिला गर्भधारणा झाली. ती तीन महिन्यांची गर्भवती असल्याचे शुभमला समजले. यामुळे आपले बिंग फुटणार, हे लक्षात येताच त्याने तिचा गर्भपात करण्याचे ठरविले. त्यासाठी त्याने तिला औषध आणून दिले. या औषधांमुळे या मुलीची प्रकृती अचानक ढासळली. अखेर हा प्रकार या मुलीच्या कुटुंबीयांपुढे आला.

बिघडलेली प्रकृती लक्षात घेता तिचा गर्भपात करणे अत्यावश्यक झाले होते. अखेर तिच्या संमतीने भंडारा येथील सामान्य रुग्णालयात तिचा गर्भपात करण्यात आला. या मुलीने दिलेल्या तक्रारीच्या आधारावर पोलिसांनी शुभमवर बालकांचे लैंगिक आजारापासून संरक्षण कायद्याच्या विविध कलमांतर्गत गुन्हे दाखल केले. त्यानंतर त्याला अटक करण्यात आली.

The post अल्पवयीन प्रेयसीचा गर्भपात करण्यासाठी प्रियकराने दिले चुकीचे औषध… appeared first on थोडक्यात घडामोडी.