टॉपलेस होऊन महिला Live सामन्यात मैदानात घुसली; फोटो, व्हिडिओची जगभरात चर्चा

पुणे : भारतात क्रिकेट सामन्यात अनेकदा प्रेक्षक मैदानात प्रवेश करतात आणि खेळाडूंसोबत फोटो काढण्याचा किंवा त्यांना भेटण्याचा प्रयत्न करतात. परदेशात देखील असे चाहते असतात. पण ऑस्ट्रेलियात जो प्रकार झाला तो थोडा धक्कादायक होता. रग्बी सामन्यात एक महिला चक्क टॉपलेस होऊन मैदानात घुसली. यामुळे सामना काही काळासाठी थांबवावा लागला. Gold Coast Titans आणि Parramatta Eels या दोन संघात मॅच सुरू होती. तेव्हा प्रेक्षकांमधील एक महिलेने मैदानात प्रवेश केला. लोकांना धक्का तेव्हा बसला जेव्हा ही गोष्ट लक्षात आली की तिने टॉपलेस होऊन मैदानात प्रवेश केला. संबंधित महिलेचे नाव जावोन जोहानसन असल्याचे समजते.

जावोनने मैदानात प्रवेश करताच सुरक्षा कर्मचाऱ्यांनी तिला घेरले आणि मैदानाबाहेर नेले. पण या प्रकारावर आता सोशल मीडियात वाद सुरू झाला आहे. पोलिसांनी आणि सुरक्षा कर्मचाऱ्यांनी तिला ज्या पद्धतीने मैदानाबाहेर नेले ती पद्धत चुकीची असल्याचे काहींनी म्हटले आहे. या उटल काहींनी जावोनने जो काही प्रकार केला त्यावर नाराजी व्यक्त केलीय.

मैदानावर टॉपलेस किंवा नग्न स्वरुपात एखाद्या प्रेक्षकाने येण्याची ही पहिली वेळ नाही. अनेकदा कोणत्या तरी गोष्टीचा निषेध करण्यासाठी असे प्रकार केले जातात. पण जावोन जोहानसन टॉपलेस झाली कारण तिच्या मैत्रिणींनी तिला चॅलेंज दिले होते. जावोनने मैत्रिणींनी दिलेले चॅलेंज पूर्ण करण्यासाठी हा प्रकार केला. यात विचार करण्यासारखे काही नव्हते. त्यांनी मला चॅलेंज दिले होते. मला जे करायचे होते ते मी केले. सुरक्षा कर्मचाऱ्यांचा कोणताही दोष नाही. मैदानात टॉपलेस येण्याआधी स्टॅड्समध्ये तिने एक व्हिडिओ देखील शूट केला होता.