IPL 2020 : हैदराबादचा गोलंदाज संदीप शर्माची कामगिरी, मोडला झहीर खानचा विक्रम

मुंबईविरूद्धच्या सामन्यात हैदराबादच्या संघाने नाणेफेक जिंकत प्रथम गोलंदाजी करण्याचा निर्णय घेतला. कर्णधाराचा हा निर्णय आघाडीचा वेगवान गोलंदाज संदीप शर्मा याने सार्थ ठरवला. मुंबईच्या दोन्ही सलामीवीरांना पॉवर-प्लेच्या षटकांमध्येच त्याने माघारी धाडलं.

दुखापतीनंतर संघात परतलेला मुंबईचा कर्णधार रोहित शर्मा केवळ ४ धावा काढून तिसऱ्याच षटकात झेलबाद झाला. त्यानंतर डावाच्या पाचव्या षटकाला क्विंटन डी कॉकने दमदार सुरूवात केली होती. पहिल्या ३ चेंडूवर डी कॉकने १ चौकार आणि २ षटकार हाणले होते, पण चौथ्या चेंडूवर तो त्रिफळाचीत झाला. रोहित आणि डी कॉक या दोघांनाही संदीप शर्मानेच माघारी धाडले. याचसोबत ५३ बळींसह संदीप पॉवर-प्लेच्या षटकात सर्वाधिक बळी घेणारा गोलंदाज ठरला. अशा प्रकारे ५२ बळी घेत यादीत अव्वल असलेल्या झहीर खानचा विक्रम त्याने मोडला.