ICC T20 World Cup 2022 : बीसीसीआय कडून विश्वचषकासाठी भारतीय संघाची घोषणा

नवी दिल्ली : भारतीय क्रिकेट नियामक मंडळाने (बीसीसीआय) सोमवारी (१२ सप्टेंबर) आयसीसी टी-२० विश्वचषकासाठी संघाची घोषणा केली. जसप्रीत बुमराह आणि हर्षल पटेल हे अनुभवी वेगवान गोलंदाज संघात परतले आहेत. मोहम्मद शमी आणि दीपक चहर यांची निवड झालेली नाही. 15 जणांच्या संघात रवींद्र जडेजाही नाही, दुखापतीमुळे तो संघाचा भाग असणार नाही. आशिया चषकादरम्यान जडेजाला दुखापत झाली होती. त्याच्यावर शस्त्रक्रिया झाली असून सुमारे चार ते पाच महिने तो खेळू शकणार नाही. जडेजाच्या जागी अक्षर पटेलची निवड करण्यात आली आहे.

संघ : रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (डब्ल्यूके), दिनेश कार्तिक (डब्ल्यूके), हार्दिक पंड्या, रविचंद्रन अश्विन, युझवेंद्र चहल, अक्षर पटेल, जसप्रीत बुमराह, भुवनेश्वर कुमार, हर्षल पटेल, अर्शदीप सिंग.