शाळकरी मुलांना आणि शिक्षकांना घेऊन जाणारी बस KSRTC बसला धडकली, 9 जण ठार तर 38 जखमी

केरळ : शालेय विद्यार्थी आणि शिक्षकांना घेऊन जाणारी पर्यटक बस केरळ राज्य मार्ग परिवहन महामंडळाच्या (KSRTC) बसला आदळून भीषण अपघात झाला. बुधवारी रात्री केरळच्या पलक्कड जिल्ह्यातील वडाक्केंचेरी येथे अपघात झाल्यानंतर बस दलदलीत पडल्याने नऊ जण ठार आणि 38 जखमी झाले. मृतांमध्ये KSRTC बसमधील पाच विद्यार्थी, एक शिक्षक आणि तीन प्रवाशांचा समावेश आहे.

वृत्तानुसार, राष्ट्रीय महामार्ग 544 वर बुधवारी रात्री 11.30 च्या सुमारास हा अपघात झाला. केरळचे मंत्री एमबी राजेश यांनी याबाबत पुष्टी केली. टुरिस्ट बस एर्नाकुलममधील बसेलिओस विद्यानिकेतन सीनियर सेकेंडरी स्कूलच्या विद्यार्थ्यांना घेऊन उटीकडे जात होती तर KSRTC सुपरफास्ट बस कोट्टारक्कराहून कोईम्बतूरला जात होती. केरळ राज्य मार्ग परिवहन महामंडळाच्या (केएसआरटीसी) बसला पलक्कड जिल्ह्यातील वडक्केंचेरी येथे झालेल्या अपघातात नऊ जणांचा मृत्यू झाला तर ३८ जण जखमी झाले. पोलिसांनी सांगितले की, जखमींना उपचारासाठी जवळच्या विविध रुग्णालयात दाखल करण्यात आले असून अनेकांची प्रकृती चिंताजनक आहे.