देशात सक्रिय कोरोना रुग्णांची संख्या पोहोचली ८३ हजारांच्या पुढे, 38 जणांचा मृत्यू

नवी दिल्ली : देशात पुन्हा एकदा कोरोनाबाधितांची संख्या वाढताना दिसत आहे. गुरुवारी सकाळी आरोग्य मंत्रालयाने दिलेल्या माहितीनुसार, गेल्या 24 तासांत भारतात कोरोनाचे 13313 नवीन रुग्ण आढळले आहेत. ही संख्या बुधवारच्या तुलनेत ८.7 टक्क्यांनी अधिक आहे. याशिवाय गेल्या 24 तासांत कोविडमुळे 38 जणांना आपला जीव गमवावा लागला आहे.

जारी केलेल्या आकडेवारीनुसार, गेल्या 24 तासांत देशातील सक्रिय रुग्णांची संख्या 83,990 वर पोहोचली आहे. कोविडची परिस्थिती चिंताजनक असलेल्या पाच राज्यांमध्ये केरळ (4224), महाराष्ट्र (3260), दिल्ली (928), तामिळनाडू (771) आणि उत्तर प्रदेश (678) रुग्णांचा समावेश आहे. एकूण नवीन प्रकरणांपैकी 74.07 टक्के प्रकरणे या पाच राज्यांमधून आली आहेत.

आत्तापर्यंत देशात कोविडमुळे पाच लाखांहून अधिक (5,24,941) मृत्यू झाले आहेत, तर गेल्या 24 तासांत 10,972 रुग्णांनी कोविडवर मात केली आहे. भारतात सध्या कोविडचे 83,990 ऍक्टिव्ह रुग्ण आहेत.