Terror Attack In Vienna Austria
ऑस्ट्रियामध्ये सोमवारी संध्याकाळी झालेल्या या दहशतवादी हल्ल्यात तिघांचा मृत्यू झाला असून यामधील एक हल्लेखोर आहे. ऑस्ट्रियाची राजधानी व्हिएन्नामध्ये हा हल्ला झाला आहे. हल्ल्यात अनेकजण जखमी झाले असून पोलीस अधिकाऱ्याचाही समावेश आहे. व्हिएन्ना पोलिसांनी एका संशयिताला ठार करण्यात आलं असल्याची माहिती ट्विटरवरुन दिली आहे.
AFP ने दिलेल्या वृत्तानुसार, अनेक संशयितांकडून रायफल्सच्या सहाय्याने हा हल्ला करण्यात आला. सहा वेगवेगळ्या ठिकाणांहून गोळीबार केला जात होता. रात्री ८ वाजण्याच्या सुमारास गोळीबार होण्यास सुरुवात झाली. ऑस्ट्रिया पुन्हा एकदा लॉकडाउन करण्याच्या तयारीत असतानाच हा गोळीबार झाला. लॉकडाउन लागू होणार असल्याने बार आणि रेस्तराँमध्ये लोकांनी मोठ्या प्रमाणात गर्दी केली होती.
ऑस्ट्रियाच्या गृहमंत्र्यांनी हा दहशतवादी हल्ला असण्याची शक्यता असून लोकांना घऱाबाहेर न पडण्याचं आवाहन केलं आहे. दहशतवादी हल्ल्यानंतर सुरक्षा मोठ्या प्रमाणात वाढवण्यात आली आहे. “इतर संशयित दहशतवाद्यांचा शोध घेतला जात आहे. शोध घेण्यासाठी वेगवेगळ्या विशेष दलांना बोलावण्यात आलं आहे. शोध फक्त व्हिएन्नापुरता मर्यादित ठेवला जात नाही आहे,” असंही त्यांनी सांगितलं आहे.
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…