चिंता वाढली! दिवसभरात 47 हजारांहून अधिक कोरोना रुग्णांची नोंद, 509 जणांचा मृत्यू

नवी दिल्ली : देशात कोरोना रुग्णांची संख्या पुन्हा एकदा वाढू लागली आहेत. आरोग्य मंत्रालयाने जारी केलेल्या आकडेवारीनुसार, दिवसभरात भारतात कोरोना रुग्णांची 47 हजारांहून अधिक प्रकरणे नोंदवण्यात आली आहेत. त्या तुलनेत बरे झालेल्या लोकांची संख्या कमी आहे. तर गेल्या 24 तासांमध्ये कोरोनामुळे मृत्यू झालेल्यांची संख्या 509 आहे.

मंत्रालयाच्या आकडेवारीनुसार, गुरुवारी एकूण 47,092 कोरोना रुग्ण आढळले असून यासह एकूण कोरोना रुग्णांची संख्या 3,28,57,937 वर गेली आहे. याबरोबरच, सक्रिय प्रकरणे 3,89,583 झाली आहेत. आतापर्यंत कोरोनातून बरे झालेल्या लोकांची संख्या 3,20,28,825 झाली आहे. देशात आतापर्यंत 4,39,529 लोकांचा कोरोनामुळे मृत्यू झाला आहे.