Minor brother axes 15-year-old sister to death
उत्तर प्रदेश : उत्तर प्रदेशातील फर्रुखाबाद येथे १५ वर्षीय मुलीचे एका मुलाबरोबर प्रेमसंबंध होते. यावरून मुलीचे तिच्या १७ वर्षीय मोठ्या भावासोबत भांडण झाले. मात्र, मुलीने तरुणासोबत प्रेमसंबंध तोडण्यास नकार दिला. त्यानंतर रागाच्या भरात तिच्या भावाने तिची कुऱ्हाडीने वार करून हत्या केली.
फर्रुखाबाद येथील पोलीस अधीक्षक ए. के. मीणा यांनी सांगितले की, मुलाने आपल्या बहिणीची हत्या केल्याची कबुली दिली आहे. हा अल्पवयीन आरोपी बहिणीची हत्या केल्यानंतर स्वतः पोलिसांसमोर हजर झाला होता. आरोपीने सांगितले की त्याने आपल्या बहिणीला अनेक वेळा तरुणापासून दूर राहण्याचा सल्ला दिला होता. पण ती ऐकण्यास तयार नव्हती. यावरून मंगळवारी या भावा-बहिणीचे जोरदार भांडण झाले. त्यानंतर भावाने तिला घराच्या मागील अंगणात बोलावले आणि तिथे तिच्यावर कुऱ्हाडीने वार करून तिची हत्या केली. हत्या केल्यानंतर अल्पवयीन आरोपी स्वतःहून पोलीस ठाण्यात हजर झाला आणि गुन्ह्याची कबुली दिली.
घटनेची माहिती मिळताच पोलीस घटनास्थळी दाखल झाले. त्यांनी मुलीचा मृतदेह ताब्यात घेऊन विच्छेदनासाठी रुग्णालयात पाठवला. या प्रकरणी कमलगंज पोलीस ठाण्यात गुन्हा नोंदवण्यात आला असून, मुलाला ताब्यात घेतले आहे. त्याला बुधवारी कोर्टात हजर करण्यात आले. पोलीस या प्रकरणाचा अधिक तपास करत आहेत.
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…