थिएटर्स उघडणार, ममता बॅनर्जींचा निर्णय

पश्चिम बंगाल :  करोना महामारीमुळे पाच महिन्यापासून देशभरातील चित्रपटगृहे बंद आहेत,  करोनाच्या या संकाटामध्येही पश्चिम बंगालमध्ये एक ऑक्टोबरपासून चित्रपटगृहे उघडण्याची परवानगी देण्यात आली आहे. शनिवारी पश्चिम बंगालच्या मुख्यमंत्री ममता बॅनर्जी यांनी हा निर्णय घेतला आहे. चित्रपटगृहे सुरु करणारे पश्चिम बंगाल देशातील पहिलं राज्य ठरले आहे.

ट्विट करत मुख्यमंत्री ममता बॅनर्जी म्हणाल्या की, “सामन्य परिस्थितीकडे जाताना, नाटक (प्ले), ओएटी, चित्रपटगृह, म्युझिकल व नृत्य कार्यक्रम आणि मॅजिक शोला एक ऑक्टोबर पासून परवानगी देण्यात येत आहे. पण या सर्व ठिकाणी ५० पेक्षा कमी जणांची उपस्थिती असायला हवी. यादरम्यान सर्वांनी सोशल डिस्टन्सिंगचे पालन करायला हवं. शिवाय मास्क आणि इतर नियमांचेही पालन करावे.”