मोठी बातमी! लेफ्टनंट जनरल मनोज पांडे यांची लष्करप्रमुख म्हणून नियुक्ती

लष्कराचे लेफ्टनंट जनरल मनोज पांडे लष्करप्रमुख होण्यासाठी सज्ज झाले आहेत. ते लष्करप्रमुख जनरल एम एम नरवणे यांच्या जागी नियुक्त होणार आहेत. ते या महिन्याच्या अखेरीस निवृत्त होणार असल्याने संरक्षण कर्मचारी पदासाठी आघाडीवर आहेत.

जनरल नरवणे यांच्यानंतर लेफ्टनंट जनरल पांडे हे सेनादलातील सर्वात वरिष्ठ असल्याने ते पदभार सांभाळतील. दरम्यान, गेल्या वर्षी डिसेंबरमध्ये हेलिकॉप्टर अपघातात जनरल बिपिन रावत यांचे निधन झाल्यानंतर जनरल नरवणे हे चीफ ऑफ डिफेन्स स्टाफ या पदासाठी आघाडीवर आहेत.

8 डिसेंबर 2021 रोजी हेलिकॉप्टर अपघातात जनरल रावत, त्यांची पत्नी मधुलिका आणि 12 सशस्त्र जवान शहीद झाले होते. गेल्या तीन महिन्यांत काही उच्चपदस्थ अधिकारी निवृत्त झाल्यानंतर लेफ्टनंट जनरल पांडे हे सर्वात ज्येष्ठ आहेत. लष्कराच्या प्रशिक्षण कमांडचे (ARTRAC) कमांडिंग असलेले विद्यमान लेफ्टनंट जनरल राज शुक्ला 31 मार्च रोजी निवृत्त झाले. इतर काहीजण जानेवारीअखेर निवृत्त झाले होते. लेफ्टनंट जनरल सी पी मोहंती आणि लेफ्टनंट जनरल वाय के जोशी 31 जानेवारीला निवृत्त झाले.

या मार्चच्या शेवटी, सैन्यात पुन्हा बदलही झाले. लेफ्टनंट जनरल राज शुक्ला यांच्या निवृत्तीनंतर लेफ्टनंट जनरल एस एस महल यांनी शिमला येथे एआरटीआरआरसीची कमांड स्वीकारली. लेफ्टनंट जनरल सी बन्सी पोनप्पा यांनी लष्कराच्या ऍडज्युटंट जनरलचा पदभार स्वीकारला. लेफ्टनंट जनरल जेपी मॅथ्यूज यांनी उत्तर भारत क्षेत्राचे जनरल ऑफिसर कमांडिंग म्हणून पदभार स्वीकारला.